2 Didto sa balay sa akong Amahan adunay daghang lawak. Mouna ako didto aron sa pag-andam ug lugar alang kaninyo. Dili ako mosulti niini kaninyo kon dili pa kini tinuod.

1 Ang kalangitan nagpadayag sa gahom sa Dios

ug nagpakita sa iyang gipanghimo.

2 Ang matag adlaw ug matag gabii daw sa nagsugilon sa gahom sa Dios.

5 Ipakita, O Dios,

ang imong pagkagamhanan diha sa kalangitan

ug sa tibuok kalibotan.

8 Ang panabang nga atong nadawat naggikan sa Ginoo,

nga naghimo sa kalangitan ug sa kalibotan."

25 Wala nay lain pa sa langit

nga akong gikinahanglan kondili ikaw lang.

Tungod kay ikaw ania kanako,

wala na akoy lain pang gihandom sa kalibotan.

1 Sa sinugdan gimugna sa Dios ang kalangitan ug ang kalibotan. 2 Ang kalibotan kaniadto walay porma ug hawan pa. Nalukop kini sa tubig ug gitabonan sa kangitngit. Ug ang Espiritu sa Dios* naglihok-lihok diha ibabaw sa katubigan.

6 Ang Dios ang naghimo sa iyang kaugalingong puloy-anan sa langit.

Ug siya ang naghimo sa kawanangan sa ibabaw sa yuta.

Siya ang nagtigom sa tubig sa dagat ngadto sa mga panganod

ug ginabubo niya kini ingon nga ulan diha sa yuta.

Ang iyang ngalan mao ang Ginoo.

24 Walay tawo nga makatago sa sekretong dapit nga dili ko makita.

Wala ba kamo masayod nga anaa ako bisan asa sa langit ug sa yuta?

Ako, ang Ginoo, ang nag-ingon niini.

17 "O Ginoong Dios, gihimo mo ang langit ug ang kalibotan pinaagi sa imong dakong gahom. Wala gayoy butang nga dili mo mahimo.

20 Apan alang kanato, ang langit mao ang atong tinuod nga pinuy-anan, ug didto gikan ang atong gipaabot nga Manluluwas nga si Ginoong Jesu-Cristo.

19 "Ayaw kamo pagtigom ug bahandi alang sa inyong kaugalingon dinhi sa kalibotan, tungod kay ang mga anunugba ug ang taya mokutkot niini, o mahimong sudlon sa kawatan ang inyong balay aron mangawat. 20 Hinuon, pagtigom kamo ug mga bahandi didto sa langit, kay didto walay anunugba ug taya nga mokutkot, ug walay kawatan nga makasulod aron sa pagpangawat.

14 Miingon si Jesus kanila, "Pasagdi lang ninyo ang mga bata nga moduol kanako. Ayaw ninyo sila pugngi, kay ang mga sama kanila nasakop sa gingharian sa Langit."

21 Mitubag si Jesus, "Kon gusto mo nga mahingpit sa atubangan sa Dios, lakaw ug ibaligya ang imong mga kabtangan, ug ang halin ipanghatag sa mga kabos. Sa maong pamaagi mahimo kang adunahan didto sa langit. Pagkahuman, balik ug sunod kanako."

35 Mawala ang langit ug ang yuta, apan ang akong mga pulong dili mawala.

2 Isentro ninyo ang inyong mga huna-huna sa mga butang nga langitnon, dili sa mga butang nga kalibotanon.

16 Nianang panahona ang Ginoo mismo ang mokanaog gikan sa langit nga nagmando. Madunggan nato ang pagtawag sa pangulong anghel ug ang tingog sa trumpeta sa Dios. Ug ang tanan nga nangamatay nga mituo kang Cristo banhawon ug una; 17 ug dayon, kitang mga buhi pa nianang panahona kalit lang nga kuhaon uban kanila didto sa kapanganoran sa pagsugat sa Ginoo. Ug makig-uban na kita sa Ginoo sa walay kataposan.

2 Mga hinigugma, karon mga anak na kita sa Dios. Apan wala pa mapadayag kon unsa kita sa kaulahian. Nahibaloan nato nga kon moabot na si Cristo mahisama kita kaniya, kay makita gayod nato siya sa iyang pagka-siya. 3 Busa ang matag-usa nga adunay paglaom nga sama niini diha kang Cristo kinahanglan nga hinlo ug kinabuhi ingon nga si Cristo hinlo.

18 Ug nasayran ko nga luwason pa gayod ako sa Ginoo gikan sa tanan nga kadaotan, ug dili ako maunsa hangtod sa panahon nga dad-on niya ako sa iyang gingharian sa langit. Dalaygon siya sa walay kataposan. Amen!

50 Unya gidala sila ni Jesus sa Betania. Pag-abot nila didto gibayaw niya ang iyang mga kamot ug gipanalanginan sila. 51 Samtang gipanalanginan niya sila inanay nga gibayaw siya ngadto sa langit palayo kanila.

9 Pagkahuman niyag sulti niini, mikayab siya ngadto sa langit. Ug samtang nagtan-aw sila kaniya nga ginakayab, gilibotan siya sa panganod ug unya nawala siya sa ilang panan-aw.

12 Kay ang atong kaaway dili mga tawo, kondili ang mga daotan nga espiritu nga nangulo ug anaa sa gahom. Kini sila naghari sa kadaotan nga anaa sa kalibotan, ug anaa usab sila sa kawanangan.

7 Ang tinuod, sa pagkatawo nato dinhi sa kalibotan wala kitay gidala, ug kon mamatay kita, wala usab kitay madala gikan sa kalibotan. 8 Busa, kon adunay pagkaon kita ug adunay bisti, makontento na kita.

9 Maingon nga mas habog ang langit kaysa yuta,

layo ra usab kaayo ang inyong kinaiya

ug panghuna-huna kay kanako.

1 Adunay gitakda nga panahon alang sa matag buluhaton dinhi sa kalibotan:

15 Natawo kita nga walay dala,

ug mamatay usab kita nga walay dala.

Wala gayod kitay madala sa atong hinagoan.