Céu
O céu é a morada eterna de Deus e a esperança final do cristão. A Bíblia descreve o céu como lugar de glória, alegria e comunhão perfeita com o Criador.
A morada de Deus
Na casa de meu Pai há muitas moradas. Os céus declaram a glória de Deus — e um dia habitaremos lá eternamente.
E dala Wuora nitiere udi mangʼeny, kendo ka dine ok en kamano, to dikoro asenyisou. Adhi kuno mondo alosnu kar dak.
Polo hulo duongʼ mar Nyasaye;
kor polo nyiso tich mar lwete.
Odiechiengʼ kodiechiengʼ gilando wach;
otieno kotieno ginyiso rieko.
Nyingi mondo otingʼ malo moyombo polo, yaye Nyasaye,
mad duongʼ mari opongʼ piny duto.
Konyruokwa ni e nying Jehova Nyasaye,
Jachwech polo gi piny.
En ngʼa ma an-go e polo makmana in?
Piny bende onge gi gimoro amora madwaro moloyi.
Kar chakruok Nyasaye nochweyo polo gi piny. Koro piny ne onge kido kendo ne onge gimoro amora e iye. Mudho mandiwa noimo ataro mangʼongo kendo Roho mar Nyasaye ne wuotho ewi atarono.
Jehova Nyasaye gero ute e polo
kendo orenjo mise mag polo e piny,
bangʼe oluongo pi nam mondo obi
kendo oologi e piny, Jehova Nyasaye e nyinge.
Jehova Nyasaye wacho niya,
"Bende ngʼato nyalo pondo
kuonde mopandore mondo omi kik anene?
Donge apongʼo polo gi piny?"
"Yaye, Jehova Nyasaye Manyalo Gik Moko Duto, isechweyo polo gi piny kuom tekoni maduongʼ kod badi malach. Onge gima tekni.
Cidadania celestial
A nossa cidadania está nos céus. Ajuntai tesouros no céu, não na terra. O céu é a pátria do cristão.
Wan to polo e thurwa, kendo warito Jawarwa Ruoth Yesu Kristo gi geno mondo obi oomwa.
"Kik ukan mwandu ne un uwegi e piny kama olwenda gi nyal kethoe gik moko, kendo kama jokwoge turoe kendo kweloe. To kanuru mwandu magu e polo kama olwenda kata nyal ok kethie gik moko kendo jokuo ok turie ma kwelie,
To Yesu nowacho niya, "Weuru nyithindo matindo obi ira, kendo kik utamgi, nikech pinyruodh polo en mar ji machal ka magi."
Yesu nodwoke niya, "Kidwaro doko malongʼo chuth to dhiyo ius gigi duto mondo imi joma odhier eka inibed gi mwandu e polo. Bangʼ timo kamano to bi mondo iluwa."
Polo gi piny norum, to Wechena ok norum ngangʼ.
Keturu pachu kuom gik man malo to ok kuom gige piny.
Esperança eterna
Seremos arrebatados para encontrar o Senhor nos ares. Ainda não se manifestou o que havemos de ser — mas seremos semelhantes a Ele.
Nikech Ruoth owuon nolor koa e polo, mi nogol chik gi dwol maduongʼ, ka malaika maduongʼ kok, kendo ka turumbete mar Nyasaye ywak matek; eka joma nosetho kani kuom Kristo nochier mokwongo. Bangʼ mano, wan ma pod wadongʼ ka wangima noyudhwa kaachiel kodgi mi terwa malo e boche polo mondo warom gi Ruoth e polo. Omiyo wanabed gi Ruoth nyaka chiengʼ.
Osiepena mageno, koro wan nyithind Nyasaye, to kaka wabiro bedo achien pok ongʼere. To wangʼeyo ni ka Kristo nofwenyre, to wanabed machal kode, nikech wananene kaka ochal. Ngʼato ka ngʼato man-gi genoni pwodhore owuon mondo osik koler mana kaka en bende oler.
Omiyo angʼeyo ni Ruoth pod biro resa kuom gimoro amora marach madwaro hinya nyaka chop atundi e pinyruodh polo. En ema mondo oyud duongʼ mosiko nyaka chiengʼ. Amin.
Kane osetelonegi mogologi oko ma gidhi machiegni gi Bethania, notingʼo lwetene kendo nogwedhogi. Kane ogwedhogi, noweyogi kendo nokawe motere e polo.
Bangʼ wacho mano, nokawe motere e polo, mana ka ginene, kendo polo noime mi olalnegi, makoro ne ok ginyal nene.
Nikech wasigu mwakedogo ok gin dhano, to wakedo gi jotelo, kod ruodhi mag piny motimo mudhoni, kaachiel gi lang chuny maricho modak e kor polo.
Nimar onge gima ne wakelo e pinyni kendo onge gima wabiro kawo wadhigo. Omiyo ka wan gi chiemo kod lewni to mago mondo oromwa.
"Mana kaka polo bor gi piny e kaka
bende yorena boyo maloyo mau,
kendo e kaka parona ohewo parou.
Nitiere kinde mar gimoro amora,
kod thuolo mitimoe tich moro ka moro e bwo polo:
Mana kaka dhano wuok ei min-gi ka en duk,
e kaka obiro dok.
Onge gino moago kuom tichne matek
monyalo tingʼo e lwete.