5 momentos em que Jesus mostrou como amar ao próximo

44 Ama a yari ine, ndu ni mǝn nge gini. Shirǝm ni na Yam den mǝn kumi in dli.

30 Ar’ni Yesu wul ti’e, <<Pi bakos goni tǝ ɗǝl sur Urushalima tǝ su Yeriko, kan tǝ mo na mur mǝn dlǝri den tǝpe, kan wu ɓo ti wu nǝm bar gǝska kup kan wu lati atl wu za ti bi dǝ mǝshtǝni. 31 Gip untuwo kan mǝn keri bar ju kan ɗiri Yam gwa tǝ kop ɗir den tǝpi, tǝ ɗir shin ti ɓom atli, tǝ kop markǝmi tǝ ndara. 32 Untu ni’es, mǝn mbap gip Bom kǝ Yam ɗiri tǝ shin ti ɓom atlo, arni tǝ kop markǝmi, tǝ ndara.

33 Den kariwo arni ba mǝn Samariya gon ɗir lastu mbarǝmi ra gwa, tǝ shin tiwo ar ni guna ci ti den ti. * 34 Kan tǝ ri kar ti tǝ shoti mal inabi na mir den usu gǝsi, tǝ ɓali tika, tǝ pǝn ti tǝ ne ti den bar kǝm gǝsi, kan tǝ ri ti bom shukutǝn goni tǝ ne ger den ti. * 35 Bar tlowo kan tǝ yem wurpi dinari rop, kan ti bi bakos mǝn lasi tǝ wul ti’e, <Da’i nem ger den mbarǝm tu, amin a pal ɗiro, argon tu kǝ jili den kar kǝ muntuwo a ɓatl ki.>>> * 36 Kan Yesu ba tambe ba mǝn momi shirǝm kǝ Yami, tǝ wul ti’e, <<Kǝkǝno gip mbarǝm myakan juwo, kǝ kum wule woni’e berǝm dǝmi kǝ muntu tu kan mur mǝn dlǝri den tǝp ju ɓo ti gwa wu?>> 37 Arni kan ba mǝn momi shirǝm kǝ Yami ba wul ti’e, <<Muntu kan shin guna gǝs gwa.>> Arni Yesu wul ti’e, <<Kima ri pi untu.>>

3 Ar ni mǝn kulci mbarǝm den kulci kǝ Musa na mǝn Parise ɗiri ti nagǝr gon kan nǝm ti den muri na moni kaari gwa. Wu kem tǝ dlǝr cina dǝ mbarǝme 4 kan wu wul Yesu’e, <<Ba mǝn kulci, nagǝr kǝno nǝm tǝni den muri na moni kaari. 5 Gip kulci kǝ Musawo tǝ bi mi bi den mǝ ri badǝr mbarǝm ju eka tǝp kǝ ba la’i gǝzǝn na tate. Kiwo unun kǝ wul rawu?>> 6 Wu ngen ni kumi kǝ bi gǝs kǝ dǝ wu zam wu nǝm ti gip shirǝm wu ri ti cina ra. Ama Yesu ngus atl kan tǝ pi ta rǝshi argon den atl na yasa gǝsi. 7 Nan wu ci cina na ngeni momi kar tiwo, ar ni tǝ tlyam dlor kan tǝ wul wur’e, <<Naa dǝ muntu kan taɓe pi warwat pitǝn da’a gip kǝn pare la’i gǝs na tate.>> 8 Kan Yesu ba pa ngus atl es tǝ ci cina na rǝshi argon den atli.

9 Nan wu kum untuwo ar ni wu nǝm ndaratǝni, argon tu pǝn den bari gǝzǝn ba ri den heli gip wuri, ba za Yesu nan gǝs na nagǝr mǝri dlor cina da ti. 10 Ar ni Yesu tlyam dlor kan tǝ wul nagǝr mǝri’e, <<Nagǝr mbarǝme, ako ni mǝn ɗiri gi cinayi rawe? Murgon ra kan hukunte’i gwa diya?>>

11 Kan nagǝr mbarǝmi ba nǝmi tǝ wule, <<Mǝn nartǝni, ko nǝm.>> Ar ni Yesu wul ti’e, <<Ami ma aa hukunte’i da’a, kǝkǝno ndara ama ba kǝ pa pi warwat pitǝn da’a.>>

Ngǝshtǝn den Yam kǝ bar mǝn bi’utu

5 Nan Yesu te gip bǝn kǝ Kaparnahumo, arni bar mǝn bi’utu kǝ Roma gon ɗir kar ti, tǝ lir ti kǝ dǝ tǝ ne ti am ra. 6 Tǝ wule, <<Babomi, nye mǝn pim mbap gǝn ra rin bomka ɓom, itǝr tle ti dlika, tǝ den kumi dli.>>

7 Yesu wul ti’e <<Aa ri warke ti.>>

8 Ama bar mǝn bi’utuyi bali ti tǝ wule, <<Babomi, a kǝm’e kǝ ri bom da’ǝm da’a. Ama pi shirǝm katl, nye mǝn mbap gǝn ba pal lau. 9 Domici ami ma gǝsi dǝ gon ni ami ra, na mǝn bi’utu jen gǝsi da’ǝmi. A wul gon’e, <Rǝka,> kan tǝ ri, gon eso a wul ti’e, <Ɗiri> kan tǝ ɗiri. A wul zher gǝn’e, <Pi nankǝni,> kano, tǝ pi.>>

10 Nan Yesu kum untuwo, arni tǝ nǝm bi na ame. Kan tǝ wul mǝn kopi kar gǝs’e, <<Na ho bi ni a yari ine, a taɓe zami murgon gip Isra’ila na ngǝshtǝn den Yam na ndǝrtǝn wule kǝ mbarǝm kǝn da’a. 11 A yari ine, jen na womti mǝn ngǝshtǝn den Yam wule muntu baa ɗǝl ɗǝr tor gabǝs na sur yemma wu dǝm kǝ ci nyel na ga kori gǝmi Ibǝrahim, Ishaku, na Yakubu gip dǝmi kǝ Yam gun gǝzǝni. 12 Ama mǝn Israila kan ndari wu zam dǝ Yam dǝm gun gǝzǝn kan nge gǝzǝno, baa la wur gip bar dǝmǝni, las tu kan wi kul na ngǝngash shine.>>

13 Ar ni Yesu wul bar mǝn bi’utu kǝ Romayi’e, <<Ndara, ba pi’i den kandatu kǝ ngǝsh ki den Yam gwa.>> Ar ni mǝn pi mbap gǝsi warke gip wokoci tu wu shirǝm gwa.

13 Ndutǝn gon ra kan naar man dǝ mbarǝm bi ge mbatl gǝs den bi kǝ ga berǝm gǝs gwa da’a.