5 momentos em que Jesus mostrou como amar ao próximo

44 Ka me, me ndi mu undeele benu: baatondwaani baboho ba benu, baasambilaani mu ba bali mu utsuta benu.

30 Yisu afutili nde: «Bahala limosi lakamata hu musyenge a Yeruselemi mu ukulamana hu musyenge a Yeriko. Baataani baabwi mu nde, bo baapatuli nde byosi bi nde haba na byo. Titswene bu bo baabeeti nde, baabati, na bo baatimbi nde hutso a nyambu. 31 Ngaanga a Nzambi mumosi wu aba mu uvyoho mu nzila mo yiina, bu hamoni bahala mo, amiinguhi na avyohi hwa nde. 32 Mulevi* ka mumosi wu ayato ŋana, bu hamoni, asabuhi nzila na avyohi hwa nde. 33 Ka musi Samariya mumosi wu akadyenge, bu hayato ŋa hu aba bahala mo lina, bu hamoni lo, akwili lo lingebe. 34 Nde ayasusaha, na apuupili mbuma maadi na malamu, na akuti yo birende. Titswene nde avaatisi nde ŋa yulu a buuru a nde mwakulu, abiti nde hu nzo a byenyi, na akumbisi nde mu myosi. 35 Ŋa ngwali, nde apalisi makuta moole, aviidi huli pfumu a nzo, na aleeli: "Kumbasa nde bubwe, bi we usalila ŋa yulu mu tooni a nde, me tsa pfutala we byo ŋa me unzapfutaha."» 36 Yisu abweleele: «Mu we, mu bo ba batatu na abeedi "muutu naawe" a muutu wu baataani baabeeti?» 37 Ngeele mikele ni ufutala nde ti: «Wuna wa kwili nde lingebe.» Na Yisu ni uleele nde: «Yene, na we ka yasa buuna.»

3 Bafarisi na milongisi mi Mikele, baabehili nde mukaasu mumosi wu baakangi mu usa mayamba. Bo baasuusi nde ŋa butima bwa baatu boosi, 4 na baaleeli Yisu: «Mulongisi, bamiikaanga mukaasu mo wunuuwu mu usa mayamba. 5 Mutso Mikele, Moose atuma bisu mu uduba mu mamanya✝, bakaasu ba we nde. Ka we buni leeli?»

6 Bo baaviidi nde hyuhu mo hiina mu utehele nde mweto, mana bakese nde. Ka Yisu abaandimi, na nde akasonehe mu mulembo mu toto. 7 Bu bo baavatini mu uva nde byuhu, Yisu ateleme, aleeli bo: «Tso ŋa hati la benu hu li na muutu wu avelesa lisumu, abaandiha ulanga nde manya.» 8 Nde abwebandama mu usonehe mu toto. 9 Bu bo baayuhi buuna, bo baavyasuhi mumosi mumosi, ubaandiha mu bakuutu. Yisu asaali siha na mukaasu wu aba ŋa butima bu litandala ŋaana.

10 Yisu abweteleme, aleeli nde: «Mukaasu, ba bakakese we ka ba bo? Muutu tso mumosi a hatsundisi we ve?» 11 Mukaasu ni ufutala ti: «Muutu ve, Pfumu.» Na Yisu aleeli nde: «Me kaka a utsundasa we ve. Yene! Ka umata loloyi, a habwesumaha.»]

Yisu miibeeloso musalili a mukuutu a kama li masadaadu

5 Bu Yisu haakakoto hu musyenge a Kapernahumi, mukuutu a kama li masadaadu, ayasusaha ŋa pedu a nde, alembisini nde na aleeli: 6 «Pfumu, musalili a me wu abwamina ali hu nzo, linyutu laamiivolo nde, na nde li mu umono pasi yindahi.» 7 Yisu aleeli nde: «Me unzambeeloso nde.» 8 Mukuutu a kama li masadaadu afutili: «Pfumu, me a handi wu akuha ti we koto mu nzo a me ve. Ka leele ndulu dyambu limosi, na musalili a me sa abeeloho! 9 Mu tooni ati, me ndi me mwakulu hutso lituma li bakuutu na me ndi na masadaadu hutso lituma la me. Tso me ndeeli huli mumosi: "yene!" nde uyene. Tso me ndeeli huli mukima: "yaanga", nde uya. Na tso me ndeeli huli musalili a me: "sa bunuubu", nde usa buuna.» 10 Bu Yisu haamani uyuha mambu mo maana, nde akimuhi, na nde aleeli huli ba baakaduukala nde: «Mumbuli me ndi mu undeele benu: Me kini a hamoni imiinu hya pila yiniiyi, huli muutu tso mumosi mu Isereli ve. 11 Me ndi mu undeele benu lo, baatu ba balahi sa bamata hu Esete na hu Wesete, na sa batsahala ŋa metse na Abrahami, na Isaki na Yakobi hu Ipfumu hi mayulu. 12 Ka sa babwaha ba baakiikoto hu Ipfumu hutso a piipidi ya hu mbadi, hu bo buuba mu ulila na ubaakwete miinyu.»

13 Titswene, Yisu aleeli huli mukuutu a kama li masadaadu: «Futaha hu nzo a we, mambu ma we miivondo, sa mavangama we bu hu li imiinu hya we!» Na mu taangu yiina, musalili a nde abeeluhi.

13 Litondo li laalutala, ni ukwa mu tooni bambaahi.