8 किजोकि ज़ै अपने जिसमेरे लेई बेते, तै जिसमे सेइं विनाशेरी फसल कटेलो; ते ज़ै आत्मारे लेई बेते, तै आत्माई सेइं हमेशारी ज़िन्दगरी फसल कटेलो।

7 धोखो न खाथ, परमेशर ठठन मां न उड़ाव गाए, किजोकि मैन्हु ज़ैन किछ बेते, तैन्ने कटेलो।

9 अस रोड़ां कम्मां केरने मां हिम्मत न हारम, किजोकि अगर अस हार न मनमेले त परमेशर अपने वक्ते पुड़ असन इनाम देलो।

10 आखरी, ज़ै बेनेबाले बीज़, ते खानेरे लेई रोट्टी देते, तै तुसन बीज़ देलो, ते तैस सेइं फलवन्त केरेलो, ते तुश्शे धार्मिकतारो फल बधालो।

18 ते मिलाप कराने बालां केरे लेई धार्मिकतारो फल मेल मलापे सेइं साथी बेव गाते।

11 एसमां शक नईं कि ज़ैखन केन्ची हदैइत की गाचे त तै खुशी नईं, बल्के बड़ू बुरू बुझ़ते, पन ज़ैखन तै बले-बले पक्‍को भोइ गाते त तैस बादे मां धर्मी बेनतां चैनरो फल मैलते।

9 अपने जाईदातरे ज़िरिये

ते अपनि ज़मीनरी सारी पेइली फसल देइतां यहोवारी आदर केरनी;

10 सारो दशोवं हिस्सो भण्डारे मां आनां कि मेरे भवने मां खानेरी चीज़ां भोन। ते सेना केरो यहोवा एन ज़ोते, कि एरू कम केरतां मीं परखा कि अवं तुश्शे लेई अम्बरेरी दैरी खोलतां तुसन पुड़ बड़े बरकतां केरि झ़ड़ी केरताईं कि नईं।

3 "अगर तुस मेरी विधन पुड़ च़लथ ते मेरे हुक्मन मेनतां तैन पुड़ अमल केरथ, 4 त अवं तुश्शे लेई वक्ते-वक्ते पुड़ झ़ड़ी बखेइलो, तैखन ज़मीन अपनि फसल उगाली, ते मैइदानेरे बुट अपने-अपने फल देले;

26 "अम्बरेरे च़ुड़ोलन हेरा! तैना न किछ बेन, ते न किछ कट्टन, ते न कोठारन मां अकोट्ठे केरतां रखन, फिरी भी तुश्शो सुर्गेरो बाजी तैन खाने जो देते ते तैन केरि हेरगेश केरते। कुन तुश्शी कदर तैन करां जादे नईं?

12 दाछ़री बाग शुक्‍की जेवरीए, ते फैगेरे बुट ट्लेक्‍की जेवरेन। अनार, खजूर ते च़ोइयां केरे बल्के फल देनेबाले सारे बुट शुक्‍की जेवरेन; ते इन्सानेरी खुशी खतम भोइ जेवरीए।

17 किजोकि अगर फैगेरे बुट न फुल्‍लन,

ते दाछ़ी सेइं फल न लगे,

ते ज़ैतूने सेइं सिर्फ धोखो मैल्हे,

ते उडारन मां फसल न भोए,

ते बाड़े मां गब्बां न रान,

ते गाल्ही मां गोरू न भोन।✝

18 फिरी भी अवं यहोवारे वजाई सेइं मघन रालो,

ते छुटकारो देनेबाले अपने परमेशरेरे ज़िरिये बड़ो खुश भोल्हो।