8 తమ శరీరాలను సంతోషపరచడానికి విత్తేవారు తమ శరీరం నుండి నాశనమనే పంట కోస్తారు. తమ ఆత్మను సంతోషపరచడానికి విత్తేవారు తమ ఆత్మ నుండి నిత్యజీవమనే పంటను కోస్తారు.

7 మోసపోవద్దు, దేవుడు వెక్కిరింపబడరు. ఒకరు దేన్ని విత్తుతారో దాని పంటనే కోస్తారు.

9 మంచి చేయడంలో మనం అలసి పోవద్దు ఎందుకంటే మానక చేస్తే తగిన కాలంలో మనం పంటను కోస్తాము.

10 విత్తువానికి విత్తనాలు, తినడానికి రొట్టె సమకూర్చే దేవుడు మీకు విత్తనం ఇచ్చి ఫలింపజేస్తారు, మీ నీతి పంటను విస్తరింపజేస్తారు.

18 శాంతిలో విత్తిన శాంతిని కలుగజేసినవారు నీతి అనే పంట కోస్తారు.

11 ఆ సమయంలో ఏ క్రమశిక్షణా ఆనందంగా అనిపించదు కాని బాధగా అనిపిస్తుంది. కాని దాని ద్వారా శిక్షణ పొందినవారు నీతి సమాధానం అనే పంట కోస్తారు.

9 నీ ధనముతో,

నీ పంటలో ప్రథమ ఫలముతో యెహోవాను ఘనపరచు;

10 నా మందిరంలో ఆహారం ఉండేలా పదవ భాగాన్నంతా నా ఆలయానికి తీసుకురండి. ఇలా చేసి నన్ను పరీక్షించండి, నేను పరలోక ద్వారాలను తెరచి పట్టలేనంతగా దీవెనలు కుమ్మరిస్తానో లేదో చూడండి అని సైన్యాల యెహోవా ప్రకటిస్తున్నారు.

3 " ‘ఒకవేళ మీరు నా శాసనాలు పాటిస్తూ, నా ఆజ్ఞలకు లోబడడానికి జాగ్రత్త వహిస్తే, 4 వాన కాలంలో వాన పంపుతాను, భూమి తన పంటను, చెట్లు వాటి ఫలాలను ఇస్తాయి.

26 గాలిలో ఎగిరే పక్షులను చూడండి; అవి విత్తనాలు నాటవు, కోత కోయవు, కొట్లలో కూర్చుకోవు. అయినా మీ పరలోకపు తండ్రి వాటిని పోషిస్తున్నారు. మీరు వాటికన్నా ఇంకా ఎంతో విలువైన వారు కారా?

12 ద్రాక్ష ఎండిపోయింది

అంజూర చెట్టు వాడిపోయింది;

దానిమ్మ, తాటి చెట్టు, ఆపిల్* పండు చెట్లు,

పొలం లోని చెట్లన్నీ ఎండిపోయాయి.

ఖచ్చితంగా మనుష్యులకు ఆనందం

లేకుండా పోయింది.

17 అంజూరపు చెట్టు పూత పూయకపోయినా

ద్రాక్షచెట్టుకు పండ్లు లేకపోయినా,

ఒలీవచెట్లు కాపు కాయకపోయినా

పొలాలు పంట ఇవ్వకపోయినా,

దొడ్డిలో గొర్రెలు లేకపోయినా

శాలలో పశువులు లేకపోయినా,

18 నేను యెహోవాయందు ఆనందిస్తాను,

నా రక్షకుడైన దేవునియందు నేను సంతోషిస్తాను.