Compaixão
A compaixão é o coração de Deus em ação. Ele é compassivo e misericordioso, tardio em irar-se e grande em amor. Somos chamados a refletir essa compaixão no mundo.
E fo, afeziaba uan boribar apangkuvi moghɨra,
Ikiavɨra Itir God uan gumazamizir an atiatia
an apengan itibar apangkufi.
O Ekiam, apangkuvir arazim ko, akurvazir arazim bar nɨ gizɨvazɨ nɨ zuamɨrama atarir puvatɨ.
Nɨ bar en apangkuvigha, deravɨra uan akamɨn gɨn ghua egha nɨghnɨzim giraghɨrazir puvatɨ.
Nguazir kamɨn ikɨrɨmɨrim a dera,
ezɨ nɨn apangkuvir arazim a gafiragha bar moghɨra dera.
Kamaghɨn, kɨ nɨn ziam fe.
Ghuariaba zurara mɨzarazibar iri moghɨra,
Ikiavɨra Itir God, nɨn apangkuvir arazir kam, zurara e ko iti.
Ikiavɨra Itir God zurara en apangkuva,
uan navim isa bar e ganɨgavɨra iti.
Ezɨ an arazir kam a gɨvaghan kogham.
Kamaghɨn amizɨ, e fo, e bar ikuvizir puvatɨ.
Ezɨ an apangkuvir kam, dughiabar zurara otivavɨra iti.
O God, nɨn arazir kam, a bar deragha mamaghɨra iti.
Kɨ ghaze, kɨ bizir igharazibagh nɨghnɨghan kogham.
Bar guizbangɨra, Ikiavɨra Itir God uabɨra, a nan Akurvazim.
Ezɨ a nan akuraghasa kɨ gavgavigha a mɨzua iti.
Ezɨ Ikiavɨra Itir God kamaghɨn men akam ikaragha ghaze,
"Amebatam ti otezir borir iririvimɨn apangkuvigh otem a danighan kogham o?
Amebatam ti kamaghɨn damuam,
ezɨ ko, kɨ ia bakɨnɨghnighan kogham. Bar puvatɨgham.
"Kɨ nɨ gɨn amadaghan kogham.
Nɨ gan! Kɨ nɨn nedazimɨn ingarigha nɨn ziam uan dafarimningɨn an osira, aneghorezɨ a iti.
Egha kɨ zuraram an gara nɨ gɨnɨghnɨsi.
Guizbangɨra, Ikiavɨra Itir God, a Godɨn guizɨn arazibagh amim.
Kamaghɨn amizɨ, a ian apangkuvighasa ifongiar bar ekiam iti.
A uan apangkuvim ian akakaghasa ia mɨzua iti.
Gumazamizir nɨghnɨzir gavgavim an ikiava, uarir akurvaghasa a mɨzua itiba,
me bar akuegham.
O Ikiavɨra Itir God, ua godɨn igharazitam nɨn mɨn itir puvatɨ.
Nɨn gumazamizir ikiavɨra itir varazira, nɨ men arazir kuraba gɨn amadi.
Nɨn adariba dughiar ruaribar itir puvatɨ.
Nɨ zurara en apangkuvigha, arazir aghuibar e damuasa bar akonge.
"Kɨ Judan gumazamizibar amightɨ, me bar gavgavigham.
Egh kɨ Israelian gumazamiziba ua me iniam.
Kɨ men apangkufi,
kamaghɨn amizɨ, kɨ bar me inigh uamategh men nguazimra izam.
Eghtɨ me deravɨra ikiam, mati kɨ me batoghezir puvatɨ.
Kɨ Ikiavɨra Itir God, kɨ men God,
kamaghɨn amizɨ, kɨ men mɨgɨrɨgɨar me na mɨgeiba kɨ da baragham.
"Bar fomɨra, kɨ Ikiavɨra Itir Godɨn Gavgaviba Bar Itim, akar kam uan gumazamizibagh anɨga ghaze, ia arazir aghuibara damu gumazamizibar araziba akɨr. Egh ia uan adarazir apangkuv men akurvagh. Ia pazɨvɨra amizir paba ariaghirezibar amuan markɨ. Egh borir afeziba ariaghireziba ko, gumazamizir saghuiamɨn iza ia ko itiba ko, gumazamizir biziba puvatɨziba, ia pazɨ me damuan markɨ. Egh ia uaghan uan adarazi gasɨghasɨghan markɨ.
E igharazibagh ifongezir arazim damuam
God ua baghavɨra ia mɨsevezɨ, ia an gumazamizibar otivigha gɨfa, ezɨ a bar ia gifonge. Kamaghɨn amizɨ, ia arazir kabar amu: Ia gumazamizibar apangkuv, egh arazir aghuibar gumazamizir igharazibar amu, egh uari dɨkabɨragh, egh gumazamizibar asughasugh, egh dɨghorim amɨrazir arazim damu.
Egh ia arazir aghuibar Kraisɨn adarazi me damu, men apangkuv. Egh uaghan uari uan arazir kuraba gɨn amang, mati God Kraisɨn ingangarimɨn tuavimɨn, ian arazir kuraba gɨn amadi.
E zurara arazir aghuiba igharaz darazir amuam
Ezɨ kɨ uan mɨgɨrɨgɨaba kamaghɨn da gɨvasa, ia bar moghɨra nɨghnɨzir vamɨra ikɨ, egh navir vamɨra uarir ikɨ. Ia bar Kraisɨn adarazigh ifuegh ikɨ, egh men apangkuv, egh uari abɨrir arazim damu.
Tav nguazir kamɨn biziba ikɨtɨ, Godɨn borir igharazim biziba puvatɨghtɨ, an an ganɨva, egh an apangkuvan koghɨva, egh an akurvazir puvatɨ, a Godɨn ifofer arazim an itir puvatɨ.
Pol God an akurazir bizim bagha a mɨnaba
E Godɨn ziam fam, a God, egha en Ekiam Krais Iesusɨn Afeziam. A en Afeziam, ezɨ akurvazir arazim ko apangkuvir arazim an otifi. Ezɨ a, gumazamizir osɨmtɨziba ateriba, men gɨrakɨrangɨn tuiva navir amɨrizim me ganɨdi. God kamaghɨn ifonge, an en gɨrakɨrangɨn tuiva navir amɨrizim e ganɨdi moghɨn, e gumazamizir osɨmtɨzir avɨriba ateritabar gɨrakɨrangɨn tuiva navir amɨrizim me danɨngam. Kamaghɨn, osɨmtɨziba e bativir dughiabar, an en gɨrakɨrangɨn tuiva navir amɨrizim e ganɨdi.
E uari arazir kuraba dɨkabɨnamin gavgaviba puvatɨ. Egh e kamaghɨn nɨghnɨghan kogham, Ofa Gamir Gumazibar Dapanir kam, en nɨghnɨzibagh fogh en kuarkuvighan kogham. Puvatɨ. Satanɨn ifavarir arazir e bativiziba, da uaghan bar a bativigha gɨfa. Ezɨ an arazir kuratam gamizir puvatɨ.
Ia igharaz darazi bar akongeghtɨ ia me ko bar akongegh. Egh igharaz darazi osemeghtɨ, ia me ko osemegh.
Pol mɨgɨrɨgɨar abuananaba, me ganɨdi
Nan adarasi, kɨ datɨrɨghɨn uan akam agɨvasa. Ia uan arazibar kɨrigh, ua tuivigh gavgavighvɨra ikɨ. Egh nan akam baragh. Egh ia bar moghɨra navir vamɨra ikɨva navir amɨrizimɨn ikɨ. Eghtɨ Godɨn ia gifongegha, navir amɨrizim ia ganɨngizim, a bar moghɨra ia ko ikiam.