Compaixão
A compaixão é o coração de Deus em ação. Ele é compassivo e misericordioso, tardio em irar-se e grande em amor. Somos chamados a refletir essa compaixão no mundo.
Osobo bagade ada da ea manoma asigibi defele,
Gode da Ema nodone dawa:be dunu ilima asigisa.
Be amomane Hina Gode Di da asigisu
amola gogolema:ne olofosu dawa:.
Di da eso huluane asabole ouesala
amola eso huluane asigisa amola eso huluane didili hamosa.
Dia maedafa fisili asigidafa hou da osobo bagade esalusu amo baligi!
Amaiba:le, na da Dima nodone sia:mu.
Amo liligi da Hina Gode Ea da nama mae fisili, asigisa.
Amola E da gogolema:ne olofosu dawa:.
Ea asigidafa hou da hahabe nasegagi defele,
amola eso ea mabe defele, hame yolesisa.
Amaiba:le, Hina Gode da bu adole iaha,
"Uda da ea dudubu mano gogolema:bela:?
E da ea mano lalelegei amoma hame asigima:bela:? Hame mabu!
Be osobo bagade ame da ea mano gogolei ganiaba,
Na da dili hamedafa gogolemu.
Yelusaleme! Na da di gogolemu da hamedei.
Na da dia dio amo Na lobo gafe da:iya dedei dagoi.
Be Hina Gode da dilima asigima:ne ouesala. E da eso huluane moloidafa hou fawane hamonanebeba:le, E da dilima asigima:ne momagesa. Nowa da Hina Gode Ea hou dafawaneyale dawa:beba:le lalegagusia, da hahawane bagade.
Hina Gode! Di agoai eno ‘gode’ da hamedafa gala. Di da Dia fi dunu hame bogoi esalebe, ilia wadela:i hou gogolema:ne olofosa. Di da ougisa, be gebewane ougi hame diala. Be Di da Dia mae fisili asigidafa hou amo ninima hahawane olelelala.
Hina Gode da amane sia:sa,
"Na da Yuda fi dunu gasa fufugilisimu.
Na da Isala:ili dunu gaga:mu.
Na da ilima asigimu, amola ili huluane bu ilia fifi lasua oule misunu.
Na da ili fonobahadi fisiagai dagoi.
Be ilia da bu masea, ilia da Na ili hamedafa fisiagai agoane ba:mu.
Bai Na da ilia Hina Gode,
amola Na da ilia sia:ne gadobe amoma dabe adole imunu.
"Na da musa: hemonega amo hamoma:ne sia:i Na fi dunuma i, ‘Dilia huluane moloidafa fofada:su hamoma! Amola asigi hou amola gogolema:ne olofosu hou dilia enoma enoma olelema. Dilia da uda didalo, guluba: mano, ga fi dunu dili bisili esala amola nowa da hahani hame gaguiwane dili bisili esala, amo mae banenesima. Amola dilia dunu eno enoia wadela:lesimusa: mae ilegema. Na da amane sia:i!
Dilia da Gode Ea fidafa esala. Gode da dili ba:beba:le amola dilima asigiba:le, Ea fi ganodini esaloma:ne, dili ilegei. Amaiba:le, asigi hou, enoma fidisu hou, fonoboi hou amola gebewane hamosu hou abula agoane idiniginisima.
Be dilia fi ganodini eno dunu da eno dunuma asigiliwane amola dogo asaboiwane hou dawa:mu da defea. Gode da Yesu Gelesu Ea hamoiba:le, dili gogolema:ne olofoi dagoiba:le, amo defele, dilia amola eno dunu ilia hou gogolema:ne olofoma.
Sia: dagomusa:, dilia huluane asigi dawa:su afadafa amola hou afadafa lalegaguma. Dilia da fi afadafa hamoiba:le, fi dunu eno da fi dunu eno ilima asigimu da defea. Gebewane amola asigiwane, dunu eno enoma hamoma.
Bagade gagui dunu da ea fi dunu hame gagui ba:sa be hame fidisa, amo dunu da "Na Godema asigisa" sia:sea, e da ogogosa.
Gode da ninia gogolema:ne olofosu Ada esala. Ninia fidisu huluane da Ema maha. E da ninia Hina Gode Yesu Gelesu amo Ea Ada. Ninia Ema hahawane dogolegele nodone sia:ne gadomu da defea. Ninia se nabasea, E da ninia fidisu dunu esala. Amaiba:le, E da ninima dogo denesisu hou olelebeba:le, amo dogo denesisu ninia lalegaguli, eno dunu ilia se nabasea, ilima dogo denesisu hou imunusa: dawa:.
Ninia Gobele Salasu Ouligisu Dunu da ninia gasa hame hou ba:sea, ninima asigisa. Ninia Gobele Salasu Ouligisu Dunu da ninima adoba:su hou huluanedafa amo defele adoba:su hou ba:i, be hame dafai.
Dunu eno da hahawane ba:sea, dilia amola gilisili hahawane ba:ma. Dunu eno da se nababeba:le disia, dilia amola gilisili dima.
Wali, na fi dunu, na da dilima asigibio sia:sa. Dilia ida:idafa hou hamoma:ne, gasawane hamoma. Na sia: nabima! Mae mogima! Olofoiwane esaloma! Amasea, Gode, Asigidafa amola Olofosudafa Iasu, E da dilia fi ganodini esalumu.