Compaixão
A compaixão é o coração de Deus em ação. Ele é compassivo e misericordioso, tardio em irar-se e grande em amor. Somos chamados a refletir essa compaixão no mundo.
Aawuu bare naanaatoo k’arettiyaawaadan,
Med’inaa Goday barew yayyiyaawanttoo k’arettee.
Shin abeet Godaw, neeni
k’arettiyaanne maariyaa S’oossaa;
hank’k’ettanaw gam"aasa;
siik’uunne ammanettussay dariyaawaa.
Aggena ne siik’uu de’uwaappe lo"iyaa diraw,
ta ins’s’arssay neena bonchchana.
Hewenne, Med’inaa Godaa aggena siik’uwaappe denddeeddawaan nuuni d’ayibookko. Aa k’aretaykka mule wuri erenna; unttunttu wontta wontta ooratsa. Neeni loytsa ammanettiyaawaa.
S’oossay hawaadan yaagiide zaaree; «Aata bare d’antsiyaa na’aa doganaw danddayay? Bare uluwaappe yeleedda na’aw k’arettekkeeyye? Geellaadan Aa doginttokka, taani neena dogikke! Be’a, taani neena ta kushiyaa gomppan s’aafa wotsaad; ne dirssaa gimbbetuukka ubbaa gede ta sintsan de’iino.
Shin Med’inaa Goday hinttenttoo keekanaw naagee; I hinttenttoo k’arettiyaawaa bessanaw denddee. Ayaw gooppe, Med’inaa Goday s’illo pirddiyaa S’oossaa; Aa naagiyaawanttu ubbatuu anjjetteedawantta.
Naak’uwaa atto yaagiyaawe, bare asaa atteedawanttu makkalaa paydennawe ne mala S’oossay oonee? Neeni hank’k’uu hank’k’oshin, med’inaw de’a aggakka; ayaw gooppe, neeni ne asaw ne aggena siik’uwaa bessiyaawan nashettaasa.
«Taani Yihudaa asaa mintsetsana; Yooseefo asaakka ashshana; taani unttunttoo k’arettiyaa diraw, unttunttu zaaraade ahana; k’ay unttunttukka taani unttuntta kasekka aggabeennabaa mala gidanawaa. Taani Med’inaa Godaa unttunttu S’oossaa gidiyaa diraw, unttunttu woosaa sisana.
«Ubbaappe Wolk’k’aama Med’inaa Goday kase hawaadan yaageedda; ‹Tumu pirddaa pirddite. Hintte giddon ittuu ittoo keekatetsaanne maarotetsaa ootsite. Am"etuwaa, aata aawuu bayinna naanatuwaa, betetuwaanne hiyyeesatuwaa naak’k’oppite. K’ay hintteppe ooninne bare ishaa bollan iitabaa ootsanaw bare wozanaan k’oppoppo› yaageedda» yaagiid yeedda.
Hewaa diraw, S’oossay dooreeddawanttudan, geeshshanne siik’iyaawantta gidiide, maarotetsaa, k’aretaa, keekatetsaa, hinttenttu huup’iyaa kawushshiyaawaa, ashikketetsaanne danddayaa mayyite.
Ittuu ittoo keekitenne k’arettite; k’ay S’oossay Kiristtoosa baggana hinttenttoo atto geeddawaadan, hinttekka ittuu ittuwaa atto giite.
Wurssetsaan, ubbay itti k’ofaan de’ite. Ittuu ittoo k’arettite; ishatuwaadan siik’ettite; k’ay ittuu ittoo keekiyaawanttanne hintte huup’iyaa kawushshiyaawantta gidite.
Shin dure Asay ooninne bare ishay metootiyaawaa be’iide, aw k’arettennaan is’s’ooppe, bare wozanaan S’oossaa siik’ay gaanaw waan danddayii?
S’oossaa nu Godaa Yesuusi Kiristtoosa Aawuwaa, maarotetsaa Aawuwaanne mentsetsuwaa ubbaa S’oossaa galatay gakko; S’oossay nuuna nu huup’ew mentsetseedda mentsetsuwaadan, daro waayiyaa waayettiyaawantta nuunikka mentsetsanaadan, nu waayiyaa ubbaan I nuuna mentsetsee.
Ayaw gooppe, nu k’eesatuwaa ubbatuwaa kaappuu nuuni daaburiyaa wode nuw k’arettanaw danddayee; nagaraa I ootsibeennaawaappe attin, nuunaadan ubbabankka paac’etteedda.
Nashettiyaawanttunna nashettite; yeekkiyaawanttunnakka yeekkite.
Wurssetsaan taanaadan S’oossaa kaalliyaawanttoo, saro de’ite; bali baynnaan de’ite; ta zoriyaa sisite; itti wozana gidiide de’ite; sarotetsaan de’ite. Siik’uwaanne sarotetsaa S’oossay, hinttenanna ittippe de’ana.