Compaixão
A compaixão é o coração de Deus em ação. Ele é compassivo e misericordioso, tardio em irar-se e grande em amor. Somos chamados a refletir essa compaixão no mundo.
Ʋelei doun kɛɛɠɛi ná-dointi nɛai la bɛ,
Ɠɔoɠɔ GALAGI naati nɛɛʋɛ ʋɛ ɠana nɔ, niiti ti luazu ba.
Kɛlɛ, ɗɔun Màliɠii, ɗa ga maawɔinɠa ƓALAGI, nii é zaalai veezu,
zii la ɠula fala, kpɛtɛai nuɓɔɠɔlai ta wooɠɛɠiladai zu.
Zekana gè è ɠaazu la è-zeizu ɲadegai,
gè ɗa wɛlɛ è-zɛbɛi ta ɗa-lɛbiyai ʋa.
Ɠɔoɠɔ GALAGI zu la ɓɔlɔa ga ná-wooɠɛɠiladai,
kwɛ ge la ná-maawɔinɠai ʋa.
Toɠa ɗa ti niinɛ sobu-o-sobu.
Ee, Ɠɔoɠɔ GALAGI, ɗa-wooɠɛɠiladai wola wɔɔlɔʋɛ!
«Anzanui ɠa yeema nɛi ná-doun ɲɛgi ma, é kulazu su?
Toɠa ɓe ná-doin nɛɛzuʋɛ é sɔlɔɔgai?
Anɛɛ ni doun deeiti ta yeema ti-lointi ma,
gè la yeema è ma pɛ!
Wɛlɛ gè è-laaseigi zɛʋɛa zèaʋɛti,
ɗa-ziɠigiti ta gàazu yeenɔpɛ.
GALA ka undaanɛɛi ɠɛ
Anɛɛ naa ʋe, Ɠɔoɠɔ GALAGI ɠa maaɓɔungi wosu ɠɔ,
é ʋa zaalai la wo ma.
Toɠa wuzeɠe, é ná-maawɔinɠai lɛ ga woye.
Mazɔlɔɔ Ɠɔoɠɔ GALAGI ɠa ga telebo GALAGI.
Undaanɛ nu ɠa ga naati pɛ, niiti ti ɠitosu tɔun ba.
GALA, ɓɛ ɠa é ga è ɠɛʋele,
a zoo é faaɠaaza golai ɓe, é tɔ koloɠologi zuvaayɛ,
ɗa-nuɓusɛi mɔtaiti bɛ, ti ga ɗa-nuiti?
Ɗɛi è la ɗa ga yɛ ziiɠaawanai zu eyɛsu ɠɔ,
mazɔlɔɔ è-yiimai ɠa ga è wooɠɛɠiladai ɠɛ.
«Nà Zuda ʋɛlɛyeɠei zɛbɛlɔ,
gè Zozɛfe ná-pɛlɛyeɠei ɠizo.
Nà ti zei ʋele ɓɛtɛ ʋolu ga niinɛ,
tɔɔzei nà ti maawɔinɠa,
eɠɛ vɔlɔ kaipa gè la ɠɛni ɠɛlɛni ti ʋa.
Mazɔlɔɔ nà ɠa gè ga Ɠɔoɠɔ GALAGI, ta-ƓALAGI,
nà ta-maanɛɛnɛ wooiti gaaʋote.
«Ɠɔoɠɔ GALAGI, Fai-Pɛ-Maliɠii wooi ɠaa: À ɗa tukpɔiti gaaleʋe ga gaamai, wo ɠilagilagi pɛ ge ɗa wooɠɛɠiladai ta gaazumaawɔinɠai ɠɛ bɔɔlai ʋɛ. À mina ɗa ga poanzaiti, ta podointi suziɠa, ta seikɔɠɔma nuiti, ta niiti kpein ti kpalaiti su. Wo tanɔpɛ ge mina faa ɲɔu ɓɛtɛ bɔɔlaiti daalɔɠɔma.»
Naa ɠa é ba, tɛi wo ga nu ɲadegaiti, GALA ge wo nɛai ʋɛ, é yiimazeɠe ga woye ga wo ɠɛ ga nɔnɔ, à ɓɔɠɔ maaɠili ga niima vaiti: maawɔinɠai, nuɓɔɠɔlai, ɓɔɠɔmaayeii, sɛsɛbogi, ta ziilɔɔi.
À nuɓɔɠɔlai ta maawɔinɠai ɠɛ wo ɠilagilagiti pɛ. À ɓɔɠɔ zuvaayɛ wo ɠilagilagiti, eɠɛʋelei GALA ge wo zuvaayɛga da, ga Kilista maaʋele.
Kidaaleʋe nui ziɛ ʋelei
Gaaɓelagi ɠa ga: Kisiɛ ɠilagi ɠɛ wo pɛ wo-yiimaʋɛ, ta wo ɗa yeezei ɓɔɠɔ wu wa-ɓalaiti su. Wo-yiimaʋɛ laave ga ɠɛɛɠɛloun nɛɛbɛi, ta maawɔinɠai, ta ɓɔɠɔmaayeii.
Ni nu a eteai zu naavoloi zɔlɔɔna, é wɛlɛ, é ɗa kɛɛɠɛloin ɠa kpalai zu, é ɠaazumaavɔ la, toɠa zoo ɠɛɛzu ma ɠale, GALA ná-nɛɛbɛi ɠa zeini ziimaʋɛ?
Pɔle GALA ná-mamagi
Mamagi ɠa de-Maliɠii Yesu Kilista Kɛɛɠɛ GALA bɛ, maawɔinɠai pɛ ma Ɠɛɛɠɛi, ta iɲɔdɔɔi pɛ ma ƓALAGI, nii é gi iɲɔdɔɔzu kidaaʋiligi pɛ su, naa ɠa a kɛ, iɲɔdɔɔi gá ɓɔɠɔi gi sɔlɔɔsu GALA zea, gi zoo gi naati iɲɔdɔɔ, niiti ta ɠɛ kidaaʋiligi ma zii tanɔpɛ su.
Mazɔlɔɔ zalaɠa ɠula ɠundiɠi wola laade, é ʋa ɠɛ ade ya, ga nii é la zooga é ʋa de maawɔinɠa da-zɛbɛsulalai zu, kɛlɛ tɔun é tɛgai zɔlɔɔni fai pɛ su ga de ɠɛʋele, kɛlɛ é la ɠɛni koto ɠɛɛni.
À ɠoozunɛ wa naati, niiti ti ɠoozunɛai, wo wɔlɔ wa naati, niiti ti wɔlɔzu.
Kɛ̀ɛleaiti, gaaɓelagi ɠa ga: À ɗa ɠoozunɛ. À li luɠɔma, wo ɓɔɠɔ iɲɔdɔ wo ɠilagilagi pɛ, kisiɛ ɠilagi ɠɛ wo-yiimaʋɛ. À eteai ziɛ ziilɛigi zu, nɛɛbɛi ta ziilɛi GALAGI ɠa ɠɛ wo ʋa naazu.