Compaixão
A compaixão é o coração de Deus em ação. Ele é compassivo e misericordioso, tardio em irar-se e grande em amor. Somos chamados a refletir essa compaixão no mundo.
Aawi ba naytas qadheteysada,
Goday baw yayyeysatas qadhetees.
Shin abeeti Godaw,
neeni qadhetiyanne maariya Xoosse.
Neeni hanqetanaw gam7aasa;
siiqoynne ammanetethi daridaysa.
Ne siiqoy de7ope lo77iya gisho,
ta inxarsay nena bonchana.
Hessika, nuuni dhayboonay
Godaa siiquwape dendoysana;
iya qadhey wuri erenna.
Enti wonta wonta oorathi;
ne daro ammanthasa.
Aayiya ba dhanthiya na7aa doganaw danda7ay?
Ba ulope keyida na7as qadhetekee?
Iya dogikoka, taani nena dogike!
Heko, taani nena ta kushe qaaqan xaafa wothas;
ne dirsa gimbeti ubba wode ta sinthan de7oosona.
Shin Goday hintew keehanaw naagees; Goday xillo pirdiya Xoossi gidiya gisho hintew qadhetanaw dendana. Iya ammanetidi naagiya ubbay anjetidaysata.
Nagara ubbaa atto yaagey, attida ba asaa naaquwa taybonnay ne mela Xoossi oonee? Maarotethi nena ufaysiya gisho ne hanquwan merinaw gam7a eraka.
"Taani Yihuda asaa minthethana; Yoosefa asaa ashshana. Taani entaw qadhetiya gisho, enta zaarada ehana. Enti taani kaseka enta yeggaboonna asa mela gidana. Taani Godaa enta Xoossaa gidiya gisho, enta woosa si7ana.
"Ubbaafe Wolqaama Goday kase immida kiitay, ‘Suure pirdaa pirdite; hinte issoy issuwas keehatethinne maarotethi oothite. Am7eta, yi7ota, bete asaanne manqota naaqofite. Qassi hintefe oonika ba ishaa bolla iitabaa oothanaw ba wozanan qopofo.’
Hessa gisho, Xoossan dooretida asada geeshshatanne dosetidaysata gididi, maarotethaa, keehatetha, ashketethanne danda7a ma7ite.
Aathidi issoy issuwas keehanne qadheteyisata gidite. Xoossay Kiristoosa baggara hintew atto gidaysada hinteka wolis atto giite.
Lo77o Oothidi Meto Eko
Wursethan, ubbay issi qofan de7ite. Issoy issuwas qadhetishe, ishada siiqetite; qassi issoy issuwas keehatanne ashketa gidite.
Shin dure gidida oonika metootanchuwa be7ishe, iyaw qadhetonna ixiko ba wozanan Xoossaa siiqoy de7ees gaanaw waanidi danda7ii?
Phawuloosi Xoosse Galatees
Maarotetha Aawas, ubba wode nuna minthethiya Xoossaas, nu Godaa Yesuus Kiristoosa Aawas galati gido. Xoossay nuus immida minthethuwan, meton de7eyisata nu minthethana mela Xoossay nuna nu meto ubban minthethees.
Nu kahine halaqay nu daaburiya wode nuus qadhetanaw danda7eysa. I nuuda ubbaban paacetisipe attishin, nagara oothibeenna.
Ufayteysatara ufaytite; yeekeysatara yeekite.
Wursethan ta ishato, saro de7ite. Borey bayna de7ite; ta zoriya si7ite. Issi wozanan gididi de7ite; sarotethan de7ite. Siiqonne saro immiya Xoossay hintera gido.