Compaixão

12 Na ona tinoni tavilena na Tamasa, na liosomiu beto sa roroqugou isa sagou. Ko sa vei isa sa mu toania agou sa na toa vairoqu, na vajongana lao tadira na tinoni, na vaiketai mule, nake sasuru gobororia ira na tinoni, beto na vera vamomoso.

32 Goto mu roitinia tu na jongana sa tadira na tinoni, mu vadogoroniria na toa vairoqu, beto mu vaivataleosae, kai muqisi podeke vei na Tamasa ba sa taleosonigou tugu pana miu kole kame tavitia na Karisito sagou.

Gosoro taleni vitigi na roiti tuvisina

8 Na qua vavanau bebetona sapi. Mu mekarai suvere kame pana uana jongana pana toa, mu mekarai kame pana roroquna na goto tinoni, mu mekarai vairoqu vei na tamatasi tana Karisito, mu mekarai isongia na bulo vairoqu, beto mu vaikete mulenigou pana tadira na tinoni.

17 Na tinoni sa isongia na isisongo tana kasia gusu api beto sa batiaona sa kai turana sa vaivasevi ba sa sado vauku palea tana sa na bulona, poni sa ai vei beto mina boka kolea na vairoqu tana Tamasa sisa?

I Paula sa paranga jonganania na manoto pana totoso tapata

3 Aria ko ta vatarasaea gita sa na Tamasa, na Tamana na oda Bangara i Jisu Karisito. Isa sa na Tamada sa kopu vatalenigita beto na Tamasa sa vanigita doruna na manoto. 4 Isa sa vamanotogita pa dorudi na oda tapata, ko sa vei sa gita ba tana boka vamanotoria sira qai gosoro tapata. Ko tonai tana varoitia sa na manoto gita mekada sa tei vamanotonigita tu na Tamasa, poni sa tana boka vamanotoria sira.

15 Na kuta iama lavata tadagita sa sa gigila vataleriaona isa sira doru oda munyala gita. Ura isa ba sa tei gosororia tugu sira na totoke taqe gosororia gita, ba sake boka sela sisa.

15 Mu somana qeqera tavitiria sira qai qeqera, mu somana lukana tavitiria sira qai lukana takulanga.

Na paranga vinabebetona

11 Ego na vinabebetona, ka visa tavitiqu, na bule tamugou. Mu tuvakia na miu uana, mu nongoro vakoititiria na qua paranga vaivaneqi, mu mekarai suvere, mu suvere pana bule ko na Tamasa vairoqu beto na Tamasa bule mina suvere tavitigou.