Compaixão

12 ✝အယ်ကြောန့် နန်းနို့လေဟှာ ဘုရားသခင် ဝီးကော့-က်ဟှူသူ၊ သန့်ရှင်းဟှူသူ၊ ရှစ်အပ်ဟှူ သူမျိုးဘဲ့ သနားစောင်မတ်ရှင်း၊ ကျေးဇူးပြုရှင်း၊ စိနှိခ္လရှင်း၊ နူးညံ့သီမွိရှင်း၊ စိရှယ်ရှင်းလေဟှို ဝတ်ဆင်ဂေ့ပါ။

32 ✝နန်းနို့ဟှာ ယော့-က်နယော့-က် ကရုဏာထားဘီး ရှစ်ဂေ့ပါ။ ဘုရားသခင်ဟှာ ခရစ်တော်အားဖြင့် နန်းနို့ဟှာ ပြစ်ခွမ့်လွှတ်ခံရမျိုး နန်းနို့ဟှာ ယော့-က်နယော့-က် ပြစ်ဟှို လွှတ်ဂေ့ပါ။

သုစရိုက်ဟှို ပြုဟှူကြောန့် ဆင်းရဲခံဟှူကြောန်း

8 နော့-က်ဆောင်း ခြောင်ငုံဘီး ပြောရမယ် ဆိုဟှာ နန်းနို့ ဂူလောင်းဟှာ တစိတဝန်းဒဲရှိဂေ့ပါ။ ကြင်နာတတ်ဟှူသဘော၊ ညီကိုရှင်းရှင်း ရှစ်တတ်ဟှူသဘော၊ သနားစောင်မတ်တတ်ဟှူ သဘောန နှိခ္လဟှူ သဘော ရှိဂေ့ပါ။

17 လောကီစည်းဇိမ် အောက်စာလေ ကြွယ်ဝဟှူလူဖြစ်ဘီး ကိုယ့်ရဲ့ ညီကို ယော့-က်ယော့-က်ဟှ ဆင်းရဲရှင်းဟှို ဗြင်ဟှူ ခီမာ သနားကြင်နာမှု မှေ့ဘဲနေဆိုဟှာ ဖယ်မျိုး ဘုရားသခင်ရဲ့ မြစ်တာတော်ဟှ ရှိနိုင်ဟှို့နူး။

ဘုရားသခင်ရဲ့ ကျေးဇူးတော်ဟှို ချီးမွမ်းဟှူကြောန်း

3 နှစ်သိမ့်ပေးဟှူ သခင်၊ ကရုဏာတော်လေန ပ္လဲ့ဇောင်ဘီး ကြွယ်ဝဟှူဖ ဖြစ်ဟှူ၊ နို့လေရဲ့ သခင် ယေရှုခရစ်တော်ရဲ့ဖ ဘုရားသခင်ဟှို နို့လေ ချီးမွမ်းဂေ့ဇို့။ 4 နို့လေဟှာ ဆင်းရဲဒေါက်ခမျိုးမျိုး ခံရဂေ့ဟှူ ခီမာ ကိုယ်တော်ဟှာ နို့လေဟှို နှစ်သိမ့်မှုလေဟှို ပေးဟှယ်။ အယ်ကြောန့် နို့လေဟှလည်း ဘုရားသခင်နားဟှနေ အယ်မျိုးရဟှူ နှစ်သိမ့်မှုလေန ဒေါက်ခခံရဂေ့ဟှူ လူလေဟှို ပ္လန်ဘီးဟှာ အားပေးနိုင်ဟှယ်။

15 နို့လေရဲ့ ယဇ်ပုရောဟိတ် မန်းဂီးဟှာ နို့လေခံရဟှူ ဆင်းရဲ ဒေါက်ခလေကြောန့် ကြင်နာနိုင်ဘဲဟှူသူ မှုဟှ။ နို့လေခံရဟှူမျိုး စောင်ဇမ်း နှော့-က်ယှစ်ရှင်း မျိုးမျိုးဟှို ခံစားဖူးဟှူသူ ဖြစ်ဟှယ်။ အယ်ဘေမဲ့ ကိုယ်တော်ဟှာ ဒုစရိုက်ပြစ်န လွတ်ကင်းတော်မူဟှယ်။

15 ဝန်းသာသူလေနတူးဒူ ဝန်းသာဘီး၊ ငိုဟှူသူလေနတူးဒူ ငိုဂေ့ပါ။

11 ယောင်ကြည်သူလေ၊ ဝန်းသာဂေ့ပါ! ပြစ်ပြောဇာမှေ့ဘဲ့နေအောန် ဆစ်ဘီးဟှာကြိုးစာဂေ့။ ငါရဲ့ မြစ်တာရပ်ခံဇာလေဟှို နာခံဘီးဟှာ ရှင်းရှင်းအားပေးဂေ့ဘီးဟှာ သင့်သင့်မြတ်မြတ်ဟှားနေဂေ့ပါ။ အယ်ဆိုဟှာ မြစ်တာတော်န ငြီသတ်မှုရဲ့သခင် ဘုရားသခင်ဟှာ နန်းနို့နတူးဒူ ရှိလေ့မယ်။