13 Ug maingon nga ang usa ka amahan maluoy sa iyang mga anak,

maluoy usab ang Ginoo sa mga nagtahod kaniya.

15 Apan ikaw, Ginoo, adunay kahangawa ug maluloy-on nga Dios.

Mahigugmaon ikaw ug matinud-anon, ug dili daling masuko.

3 Dayegon ka nako tungod kay ang imong gugma

mas bililhon pa kaysa kinabuhi.

22 nga ang gugma ug kaluoy sa Ginoo walay kataposan.

Mao kana nga wala kita malaglag sa hingpit.

23 Matinumanon gayod ang Ginoo.

Gipakita niya ang iyang kaluoy matag adlaw.

15 Apan mitubag ang Ginoo,

"Makalimot ba ang usa ka inahan sa iyang anak nga masuso?

Dili ba niya kaloy-an ang bata nga iyang gipanganak?

Bisan malimot siya, ako dili gayod malimot kaninyo!

16 O Jerusalem, dili ko gayod ikaw kalimtan.

Gisulat ko ang imong ngalan sa akong mga palad.

Gihuna-huna ko kanunay nga pabarogon ko pag-usab ang imong mga paril.

18 Apan naghulat ang Ginoo nga moduol kamo kaniya

aron ikapakita niya ang iyang kaluoy kaninyo.

Andam siya mopakita sa iyang pagkahangawa kaninyo.

Kay ang Ginoo matarong nga Dios,

ug bulahan ang tanang nagsalig kaniya.

18 Ginoo, wala nay laing Dios nga sama kanimo.

Gipasaylo mo ang mga sala sa nahibiling katawhan

nga imong gipanag-iya.

Dili ka maghambin ug kasuko hangtod sa hangtod

tungod kay gikalipay mo ang paghigugma kanamo.

6 "Lig-onon ko ang katawhan sa Juda

ug luwason ko ang katawhan sa Israel.*

Pabalikon ko sila sa ilang dapit

tungod kay naluoy ako kanila.

Ug tungod kay ako ang Ginoo nga ilang Dios,

tubagon ko ang ilang pag-ampo.

Busa daw sama ra nga wala ko sila isalikway.

8,9 Miingon pag-usab ang Ginoo nga Makagagahom ngadto kang Zacarias, "Mao kini ang akong giingon sa akong mga katawhan, ‘Paghukom kamo ug matarong. Ipakita ninyo ang kaayo ug kaluoy ngadto sa usag usa. 10 Ayaw ninyo daog-daoga ang mga biyuda, mga ilo, mga langyaw, ug ang mga kabos. Ayaw kamo paghuna-huna ug daotan batok sa usag usa.’

12 Kamo mga pinili sa Dios. Gihigugma niya kamo ug gilain alang sa iyang kaugalingon. Busa kinahanglan nga magmaluloy-on kamo, magmatinabangon, magmapainubsanon, magmalulot, ug magmapailubon.

32 Hinuon, magminaayo ug magmalumo kamo sa usag usa, ug magpinasayloay kamo sama sa pagpasaylo sa Dios kaninyo pinaagi kang Cristo.

8 Karon, ania ang akong tugon kaninyong tanan: kinahanglan maghiusa kamo sa inyong huna-huna ug pagbati. Paghinigugmaay kamo isip managsoon. Pagmaluloy-on kamo ug pagmapainubsanon sa usag usa.

17 Kon hamugaway ang atong kinabuhi apan wala kita motabang bisan nakita nato nga naglisod ang atong igsoon, makaingon ba kita nga ang gugma sa Dios ania kanato?

3 Dalaygon gayod ang Dios ug Amahan ni Jesu-Cristo nga atong Ginoo. Maluloy-on siya nga Amahan, ug Dios siya nga kanunayng gadasig kanato. 4 Gidasig niya kita sa tanan natong mga kalisdanan, aron nga pinaagi sa pagdasig niya kanato madasig usab nato ang uban nga anaa sa kalisdanan.

15 Ang atong pangulong pari makabati pud sa atong mga kaluyahon, kay ang tanang mga pagsulay nga naabot kanato naagian pud niya, apan wala gayod siya makasala.

15 Paglipay kamo uban sa mga nalipay, ug pagsubo uban sa mga nagsubo.

11 Dinhi lang kutob ang akong sulat kaninyo. Sa kataposan, mga igsoon, nanghangyo ako nga tarungon ninyo ang inyong pagkinabuhi. Sunda ninyo ang akong mga tambag. Paghiusa kamo. Kinahanglan maayo ang inyong relasyon sa matag-usa. Ug kon buhaton ninyo kini, ang Dios nga tinubdan sa gugma ug kalinaw mag-uban kaninyo.