13 Fasin blong Hae God,

oltaem hem i stap mekem i gud tumas

long olgeta we oli stap ona long hem,

olsem we ol papa oli stap mekem

long ol pikinini blong olgeta.

15 Be Masta* long 35.22., yu yu God.

Fasin blong yu,

oltaem yu yu gat sore long man,

mo yu lavem hem tumas.

Oltaem yu stap mekem tingting blong yu i longfala,

mo yu yu kaen tumas,

oltaem yu stap holem ol promes blong yu.

3 Oltaem yu yu lavem mi,

mo fasin ya, mi mi wantem moa,

i winim we mi wantem stap laef.

From samting ya,

bambae mi presem yu.

22 Mi mi tingbaot fasin blong Hae God,

we oltaem,

hem i gat sore long man,

mo i lavem man tumas.

Tufala fasin ya blong hem

bambae i no save finis samtaem,

23 tufala i niuwan oltaem nomo,

olsem we evri moning,

niufala dei i kamtru.

Hae God i stap sem mak nomo olwe,

hem i no save jenis.

15 Be hem i talem se,

‘?Olsem wanem?

?Woman i save fogetem pikinini blong hem?

?Yufala i ting se hem i save tanem baksaed

long pikinini blong hem,

we hem nomo i bonem?

Maet i gat woman we i save mekem olsem,

be mi bambae mi no save mekem olsem

long yufala samtaem.

16 Ol man Jerusalem.

Mi mi no save fogetem yufala.

Mi mi makem nem blong yufala

i stap long han blong mi finis.

18 "Be Hae God i stap sore yet long yufala, mo hem i wantem mekem i gud long yufala. Hem i stap rere yet blong i kaen long yufala, from we oltaem nomo, hem i stap mekem i stret. Olgeta we oli stap trastem hem, olgeta evriwan oli save harem gud."

18 "Hae God. I no gat wan narafala god we i olsem yu. Bambae yu save fogivim olgeta we oli stap kamaot biaen long mifala, yu save tekemaot ol sin blong olgeta. Taem yu yu kros, be kros blong yu i no save stap longtaem. Oltaem yu yu glad blong soemaot long mifala we yu stap lavem mifala tumas.

6 "Mi bambae mi mekem ol man Juda oli strong,

mo bambae mi tekemaot ol man Isrel*

long han blong ol enemi blong olgeta.

Mi bambae mi gat sore long olgeta,

mi tekem olgeta evriwan oli kambak

long stret ples blong olgeta bakegen.

Bambae oli stap gud long ples blong olgeta,

olsem we mi mi no bin lego olgeta samtaem.

Mi mi Hae God, mi God blong olgeta,

mo taem oli prea long mi,

mi bambae mi harem prea blong olgeta.

9 "Mi mi Hae God, mo mi gat olgeta paoa. Bifo, mi mi bin givim tok blong mi long ol man blong mi, mi talem se, ‘Ol laen* blong Isrel.* Yufala i mas soemaot stret fasin blong jajem man, mo yufala i mas kaen, yufala i mas gat sore long ol narafala man. 10 Yufala i no mas mekem i strong tumas long ol wido, mo long ol pikinini we papa blong olgeta i ded, mo long ol strenja we oli stap wetem yufala. Yufala i mas givhan long ol puaman, mo yufala i no mas mekem plan blong spolem narafala man.’

12 ✝Naoia yufala i tabu, yufala i man blong God. Hem i lavem yufala tumas, mo hem i jusumaot yufala finis, blong yufala i man blong hem. Nao from samting ya, yufala i mas putum niufala laef ya blong yufala olsem prapa klos blong yufala. Yufala i mas gat sore long ol man, mo yufala i mas mekem i gud long olgeta. Tingting blong yufala i mas stap daon, mo yufala i mas kwaet man, mo tingting blong yufala i mas longfala.

32 ✝Yufala i mas mekem i gud long ol Kristin brata mo sista blong yufala, mo yufala i mas kaen gud long olgeta. Mo yufala i mas fofogivim yufala, olsem we long Kraes, God i fogivim yufala finis.

8 Mi wantem finisim tok ya blong mi olsem. Yufala evriwan i mas gat wan tingting nomo, mo yufala i mas gat sore long yufala. Yufala i mas lavlavem yufala olsem we yufala i wan brata nomo, mo yufala i mas mekem i gud long yufala, we tingting blong yufala i stap daon.

17 ?Sipos yu gat plante samting, mo yu luk wan Kristin brata no sista blong yu we i sot long sam samting, be yu no givhan long hem, olsem wanem yu save talem se yu yu lavem God?*

3 I gud yumi stap talem tangkiu long God ya we i God mo Papa blong Jisas Kraes, Masta blong yumi. Hem i Papa blong yumi we i gat sore, hem i God we i stamba blong fasin blong givhan. 4 Hem i stap givhan long mifala long olgeta trabol blong mifala, blong mekem mifala i harem gud. Nao taem ol narafala man oli gat trabol, mifala i save givhan long olgeta, blong mekem olgeta oli harem gud long sem fasin, from we God i givhan finis long mifala.

15 Hae Pris ya blong yumi, hem i savegud we yumi no gat paoa, nao hem i gat sore long yumi, from we olgeta samting blong traem yumi oli traem hem finis. Be wan samting nomo, hem i no mekem sin.

15 Taem ol man oli stap harem gud, yufala tu i mas harem gud wetem olgeta. Mo taem ol man oli stap harem nogud, oli stap krae, be yufala tu i mas krae wetem olgeta.

11 Ol brata mo sista. Naoia mi mi talem tata long yufala. Yufala i mas traehad blong kasem fasin we i stret gud olgeta. Plis yufala i harem tok blong mi. Yufala evriwan i mas gat wan tingting nomo, mo yufala i mas gat pis wetem yufala. Nao God ya we i lavem ol man tumas, mo i stap givim pis oltaem, hem bambae i kampani wetem yufala.