Compaixão
A compaixão é o coração de Deus em ação. Ele é compassivo e misericordioso, tardio em irar-se e grande em amor. Somos chamados a refletir essa compaixão no mundo.
Ngendlela ubaba elozwelo ebantwaneni bakhe,
kanjalo uThixo ulozwelo kulabo abamesabayo;
Kodwa wena, Nkosi, unguNkulunkulu olozwelo, olobubelo,
ophuza ukuzonda, owandayo ngothando lokuthembeka.
Ngoba uthando Lwakho lungcono kulempilo,
izindebe zami zizakutsho inkazimulo Yakho.
Ngenxa yothando olukhulu lukaThixo kasibhujiswanga,
ngoba isihawu sakhe kasipheli.
Siba sitsha ukusa kwamalanga;
kukhulu ukuthembeka kwakho.
"Owesifazane angamkhohlwa umntanakhe omunyayo na,
angabi lesihelo emntwaneni amzeleyo na?
Lanxa engamkhohlwa,
mina angiyikukukhohlwa!"
Khangela, sengikudwebe ezintendeni zezandla zami;
imiduli yakho ihlezi iphambi kwami.
Kodwa uThixo ulangatha ukuba lomusa kini;
uyavuka ukuba alitshengise isihawu.
Ngoba uThixo unguNkulunkulu wokulunga.
Babusisiwe bonke abamlindeleyo!
Ngubani onguNkulunkulu njengawe,
oxolela izono athethelele iziphambeko
zensalela zelifa lakhe na?
Kawuthukutheli kokuphela
kodwa uthokoza ngokutshengisa isihawu.
Ngizayiqinisa indlu kaJuda,
ngisindise indlu kaJosefa.
Ngizababuyisa ngoba ngilesihawu kubo.
Bazakuba sengathi kangizange ngibakhalale,
ngoba nginguThixo uNkulunkulu wabo
njalo ngizabaphendula.
"Nanku okutshiwo nguThixo uSomandla, uthi: ‘Yahlulelani ngobuqotho; litshengise isihawu lozwelo omunye komunye. Lingamcindezeli umfelokazi noma intandane, lowezizweni noma umyanga. Lingakhumbulelani okubi ezinhliziyweni zenu.’
Ngakho, njengabantu bakaNkulunkulu abakhethiweyo, abangcwele labathandwa kakhulu, zembeseni ngesihawu, umusa, ukuzithoba, ubumnene kanye lokubekezela.
Wobani lomusa kanye lozwelo komunye lomunye wenu njalo lithethelelane njengalokhu uNkulunkulu walithethelela ngoKhristu.
Ukuhluphekela Ukwenza Okulungileyo
Okokucina lonke hlalisanani ngokuthula; wobani lozwelo, lithandane njengabazalwane, libe lesihawu kanye lokuthobeka.
Nxa umuntu enothile abone umzalwane wakhe oswelayo, kodwa angabi lesihawu kuye, uthando lukaNkulunkulu lungaba kuye kanjani na?
UNkulunkulu Wenduduzo Yonke
Makabongwe uNkulunkulu uYise weNkosi yethu uJesu Khristu, uBaba wesihawu loNkulunkulu wenduduzo yonke, osiduduzayo kuzozonke inhlupheko zethu ukuze lathi siduduze abasekuhluphekeni ngenduduzo esiduduzwe ngayo nguNkulunkulu.
Ngoba kasilamphristi omkhulu onganelisiyo ukusizwela ebuthakathakeni bethu kodwa silaye oseke walingwa ngezindlela zonke njengathi kodwa akazange one.
Thokozani lalabo abathokozayo, lilile lalabo abalilayo.
Ukuvalelisa
Okokucina, bazalwane, salani kuhle. Funani ukuphelela, lilalele isicelo sami, libe ngqondo yinye, lihlale ngokuthula. UNkulunkulu wothando lokuthula uzakuba lani.