Compaixão
A compaixão é o coração de Deus em ação. Ele é compassivo e misericordioso, tardio em irar-se e grande em amor. Somos chamados a refletir essa compaixão no mundo.
जशी पित्याची करुणा त्याच्या लेकरांवर असते,
तसे त्यांचे भय बाळगणार्यांसाठी याहवेह कोमलहृदयी व सहानुभूतीने भरलेले आहेत.
परंतु हे प्रभू, तुम्ही कृपाळू व दयाळू परमेश्वर आहात,
मंदक्रोध, अति करुणामय आणि विश्वसनीयतेने संपन्न आहात.
कारण तुमची प्रीती जीवनाहून उत्तम आहे,
माझे ओठ तुमचे गौरव करतील.
याहवेहच्या महान प्रीतीमुळे आम्ही पूर्णपणे भस्म झालेलो नाही
कारण त्यांच्या कृपेचा कधीही ऱ्हास होत नाही.
त्यांची प्रेमदया प्रतिदिवशी नवी होते;
तुमची विश्वसनीयता महान आहे.
"आईला आपल्या दुधपित्या तान्ह्या बाळाचा विसर पडेल का
आपल्या जन्मदात्या मुलावरील तिची माया कधी आटेल का?
ती कदाचित विसरेल,
पण मी तुम्हाला विसरणार नाही.
पाहा, तुम्हाला मी माझ्या तळहातावर कोरले आहे
व तुझे तट सदोदित माझ्यासमोर आहेत.
तरीसुद्धा याहवेह तुमच्यावर कृपा करण्यास आतुरलेले असतात;
त्यामुळे तुमच्यावर दया दाखविण्यास ते उभारतील.
कारण याहवेह हे न्यायी परमेश्वर आहेत.
धन्य आहेत ते सर्व जे त्यांची वाट पाहतात!
तुम्ही जे अन्यायाची क्षमा करतात,
आपल्या वतनातील उरलेल्यांची पापे मागे टाकतात
त्या तुमच्यासारखा कोण परमेश्वर आहे?
तुम्ही सर्वकाळ क्रोध धरीत नाहीत,
परंतु दया दाखविण्यात आनंद मानता.
"मी यहूदाहला बलवान करेन
आणि योसेफाच्या वंशास वाचवेन.
मी त्यांची पुनर्स्थापना करेन
कारण मी त्यांच्यावर करुणा करतो.
ते असे होतील, जणू काही
मी त्यांचा त्याग कधी केलाच नव्हता,
कारण मी त्यांचा याहवेह परमेश्वर आहे
आणि मी त्यांचा धावा ऐकेन.
"सर्वसमर्थ याहवेह असे म्हणतात: ‘निष्पक्ष न्यायदान करा; एकमेकांशी करुणेने व दयेने वागा. विधवा व अनाथ, परदेशीय व गरीब लोक यांच्यावर जुलूम करू नका. तसेच एकमेकांविरुद्ध दुष्ट कट रचू नका.’
यास्तव, परमेश्वराचे निवडलेले लोक, पवित्र आणि अतिप्रिय या नात्याने करुणा, दया, लीनता, सौम्यता आणि सहनशीलता ही परिधान करा.
एकमेकांना दयाळू व कनवाळूपणे वागवा; जशी परमेश्वराने तुम्हाला ख्रिस्तामध्ये क्षमा केली, तशी तुम्ही एकमेकांना क्षमा करा.
चांगले करण्यासाठी दुःख सहन करणे
सारांश, तुम्ही सर्व एकचित्ताने एकमेकांवर खर्या प्रीतीने व सहानुभूतीने बंधुप्रीती करणारे, दयाळू व नम्र असे व्हा.
जर कोणाजवळ ऐहिक संपत्ती असेल आणि तो पाहतो की त्याचा भाऊ किंवा बहीण गरजेत आहे परंतु त्याला त्यांची दया येत नाही, तर अशा व्यक्तीमध्ये परमेश्वराची प्रीती कशी असू शकेल?
सर्व सांत्वन करणार्या परमेश्वराची स्तुती
आपल्या प्रभू येशू ख्रिस्ताचे पिता आणि आपला परमेश्वर, करुणेचा पिता आणि सर्व सांत्वन करणारे परमेश्वर यांची स्तुती असो. ते आपल्या सर्व दुःखांमध्ये आपले सांत्वन करतात, यासाठी की जे सांत्वन आम्हाला परमेश्वराकडून मिळाले आहे, त्या सांत्वनाने जे कोणत्याही दुःखात आहेत त्यांचे सांत्वन करावे.
ते असे महायाजक नाहीत जे आपल्या दुर्बलतेविषयी सहानुभूती दर्शविण्यास असमर्थ आहे, परंतु असे आहेत जे सर्वप्रकारे आमच्यासारखेच पारखलेले होते तरी निष्पाप राहिले.
आनंद करणार्यांबरोबर आनंद करा; रडणार्यांबरोबर रडा.
शेवटच्या शुभेच्छा
शेवटी, बंधू आणि भगिनींनो, आनंद करा! मी सांगितले त्याकडे लक्ष पुरवा. परिपूर्ण होण्यासाठी झटा, एकचित्त व्हा, उत्तेजन द्या व शांतीने राहा आणि प्रीतीचा व शांतीचा परमेश्वर तुम्हाबरोबर असो.