Compaixão
A compaixão é o coração de Deus em ação. Ele é compassivo e misericordioso, tardio em irar-se e grande em amor. Somos chamados a refletir essa compaixão no mundo.
Mana kaka wuoro kecho nyithinde,
e kaka Jehova Nyasaye kecho joma omiye luor;
In to in Nyasaye ma kecho kendo ngʼwon, yaye Jehova Nyasaye,
iyi ok wangʼ piyo, ipongʼ gihera kendo in ja-adiera.
Nikech herani ber moloyo ngima,
dhoga biro miyi duongʼ.
Nikech hera maduongʼ mar Jehova Nyasaye osiko mochwere,
kendo ngʼwonone ok rum omiyo ok otiekwa.
Herani gi ngʼwononi nyien okinyi kokinyi,
kendo adiera mari duongʼ.
"To bende dhako wiye diwil gi nyathi modhodho
mi ok obedo gi kech e kothe mane onywolo.
Kata ka dipo ni wiye nyalo wil,
An to wiya ok nowil kodi.
Ne, asendiko nyingi ei lweta
kendo isiko ka ineno anena e wangʼa.
Kata kamano pod odwaro nyiso
ngʼwono mare kuome; obiro mondo onyisu kech mare.
Nimar Jehova Nyasaye en Nyasaye ma ja-adiera.
Jogo duto mogeno kuome ogwedhi.
En Nyasaye mane machalo kodi
ma ngʼwono ne joge modongʼ,
kendo weyonegi richogi?
Iyi ok wangʼ nyaka chiengʼ,
to imor mar kecho jogi.
"Abiro miyo od Juda bedo gi teko
kendo reso joka Josef.
Abiro dwogogi ira
nikech asekechogi.
Abiro dwoko kwayogi
mi gichal joma ne pok akwedo,
nimar an Jehova Nyasaye ma Nyasachgi,
nikech awinjo kwayogi.
"Ma e gima Jehova Nyasaye Maratego wacho, ‘Ngʼaduru bura madier; nyisuru tim ngʼwono kod kech ni jowadu. Kik usand dhako ma chwore otho kata nyathi kich, kata jadak, kata jadhier. Kik upar timo marach ni jowadu gie chunyu.’
Kuom mano, kaka un jo-Nyasaye moyiero, maler kendo mogeno, rwakreuru gi kech, gi miwafu, gi bolruok, gi muolo, kod kinda.
Beduru mangʼwon kendo gi kech ni joweteu, ka ngʼato ka ngʼato weyo ni nyawadgi richone, mana kaka un bende Nyasaye noweyonu richou kuom Kristo.
Mogik, neuru ni un duto un gi chuny achiel kod paro achiel, kuheroru kaka owete, kendo beduru mamuol kendo mangʼwon.
Ka ngʼato jamoko to oneno owadgi kochando to ok okeche, ere kaka ngʼama kamano nyalo wacho ni en gihera mar Nyasaye?
Duongʼ obed ni Nyasaye ma Wuon Ruodhwa Yesu Kristo, kendo ma Wuon ngʼwono kendo Nyasach Loch duto, en ema olochonwa e chandruok duto mamakowa, mondo wabed gi nyalo mar hoyo joma moko manie chandruok, ka wahoyogi gi hoch ma Nyasaye osehoyowago wan wawegi.
Nikech ok wan gi jadolo maduongʼ ma ok nyal kechowa e nyawowa, to wan gi mano manyalo kechowa, to nikech en bende noteme gi kit tembe duto mwayudo, makmana ni en noonge gi richo.
Moruru gi joma mor, kendo ywaguru gi joma ywak.
Mogik owetena, oritiuru. Beduru joma kare, winjuru wechena, beduru gi paro achiel, kendo beduru gi kwe. Eka Nyasach hera kod kwe nobed kodu.