Compaixão
A compaixão é o coração de Deus em ação. Ele é compassivo e misericordioso, tardio em irar-se e grande em amor. Somos chamados a refletir essa compaixão no mundo.
Ŋ ineem, ɗu ɓi Kooh kooɗ ne ɗu hool wuu ce te a waaɗta ɗu, raakaat keeñ moɗiɗ, ɗu baah, ɗu eɗef, ɗu soos te ɗu min muñ seke.
Baahaat ŋ harmban ɗu, ɗu keeñtiɗkohe ; ɗaastiɗohaat findi Kooh ɗaasoh ɗu ŋ niki ɗu nik ŋ Kiristaani.
Tum baahiɗ
Kon book, ɗu jen ɓaahaat liiɓohaaɗ, ɗu ɓaahee ini neɓ ɗu na wi misik ɗu, ɗu waaɗtiɗoh findi ɓooɓi ɓaah yaay na baab, ɓooɓi miskaat ɗu, te ɗu ruhsiɗ haf ciŋ ɗu.
Waaye ɓo' raak, a hot ne ɓaah ce raakiɗ etoh, a rang keeñiŋ ɗe nga ɗe ɗah, waaɗohi puloh ŋ Kooh genoh na nga ɗe ?
Giifɗiŋ miskiɗ ci
Kooh, yi nik Koohiŋ Heɗ ɓoo Yeesu Kiristaa, a nammba nik Baabiŋ ɗe, a yakɗaah, a yi Baabi, yi ɓooɓi jen na miske, Kooh yi na giifɗohe ŋ in nu nik. A yi na giifɗe ɓoo ngaŋ miskiɗ ciŋ ɓoo jen ne ɓoo min giifiɗ ɓi nik ngaŋ miskiɗ nu nik ! Ŋ ineem ɓoo giifiɗ ɓa na giifɗi a giifɗoh ɓoo.
Seeƴkiɗohi yakki ɓoo raak miniɗ ɓaah na ɓoo yeg-yeg ŋ mitaaɗiikiŋ ɓoo. Kinaat liiɓ ne a minɗaa ! A miniɗa, laam a jaɗɗuuɗ fiir ŋ in ci jen findi ɓoo. Waaye, ŋ fiiri a fiirsee weem, a moosɗi bakaaɗoh.
Hunaat ɗu sum na sumiɗ ci, fuɗaat na fuɗoh ci.
Askohi
Ini mirndoh, ɓaah ciŋ ngo, sumaat, haɓɗissaat pesohaaɗiŋ ɗu, ñaahtiɗohaat, kerhiɗohaat, pesaat ŋ jam, te Kooh yi riif na waaɗoh na jam hey nike na ɗu.