Compaixão
A compaixão é o coração de Deus em ação. Ele é compassivo e misericordioso, tardio em irar-se e grande em amor. Somos chamados a refletir essa compaixão no mundo.
Ma Jou’ongu Madutu ro cumutu ngini sa’olo 'Ai 'umata ga’a ngowa’a 'ofi-'ofi re Unanga ro dadalara ngini. Sababu gena-ge, ngini ni 'ahu so’o ne: Ni riono matengo re matengo, ni pake 'akala rousu, ni maholo ninga diri, ni pake 'akala re sinyingara mereoso re 'akala ḇanyo.
Siḏibo ḏi’i, ngini balasu ninga 'akala re sinyingara lai rousu, ni ma’u dadalara re ma’u si’apongo matengo re matengo, ma tero sa’olo Ma Jou’ongu Madutu 'o singi-ngiranga ninga ḏosa sababu ni marimoi ra Kristus.
Sangisara sababu wo madiga’a 'ori i’a ma la-la
Ma ḏo-ḏogumu tala, ngini balasu ni 'ahu ma’u 'aro’o la matengo re matengo reninga rorasa. Re balasu ni ma’u dadalara matengo re matengo, ma tero sa’olo ngowa’a gia nongoḏu 'aḏi ma’u dadalara, re ninga 'akala re sinyingara la-la re ni maholo ninga diri.
Na’o ngini reninga bai’i ni oḏi’i ninga ioronongoḏu ngo-ngaku rimoi 'aḏi basono kuranga, mada’a ni siwaro i’a ua, nyengara ngini ni aje ni dadalara Ma Jou’ongu Madutu?! Tantu ḏua, ua!
Paulus 'o sibere ie murasa ma la ra Ma Jou’ongu Madutu
Puji re silamo’o Ma Jou’ongu Madutu ga’a nanga Jou Yesus Kristus 'ai Ḇaḇa. Unanga gena-ge nanga Ḇaḇa ḏi’i ga’a 'O sijumu 'Ai 'akala re sinyingara ma la-la tau-taunu ra ngene re Ma Jou’ongu Madutu ga’a 'O site’e nanga 'akala re sinyingara. Toma 'orasa ngomi mi basono kangela 'oru ḇato, Unanga 'o site’e minga 'akala re sinyingara. Dadi sababu ngomi remi basono de-de’e gena-ge ra Ma Jou’ongu Madutu ino, ngomi nga’unu site’e ngowa’a lelegu manga 'akala re sinyingara toma 'orasa ananga basono kangela 'oru ḇato ḏi’i.
Sababu Yesus, ngene nanga 'Imam 'Agung gena-ge, Unanga 'o sahe mode-mode’e ngene nanga lamahana. Sababu Unanga masiretene 'a sanga bo-baja toma 'oru ḇato ma tero sa’olo ngene. Mada’a ma tero sa’olo ngene ua, Unanga kama ḏosa ua.
Ni monere sirimoi toma ngowa’a ga’a 'aḏi monere, re ni gaḏi sirimoi toma ngowa’a ga’a gaḏi.
Tabea ma ḏo-ḏogumu
Ioronongoḏu ngo-ngaku rimoi, ma ḏo-ḏogumu, ngini balasu ni maroanga re makutale ni dadi ngowa’a 'aḏi 'a’a 'oru ḇato mete’e tau-taunu Ma Jou’ongu Madutu 'ai 'akala ma mau, re na dawongo 'ari ajele mangale mo-moini. Ngini balasu ninga 'akala re sinyingara 'i dadi rimoi re ninga 'ahu balasu toma dame ma dara. Ma Jou’ongu Madutu ga’a 'o dadalara re dame ma cimi, Unanga ḏuanga i’a 'o sieanga i’a ngini ua.