Compaixão
A compaixão é o coração de Deus em ação. Ele é compassivo e misericordioso, tardio em irar-se e grande em amor. Somos chamados a refletir essa compaixão no mundo.
ತುನೆ ಕಯೊ ಕ್ಹುದಾ ತುನೆ ಸಮಾನ ವ್ಹೈ? ತು ತಾರಿ ಸ್ವಾಸ್ಥೈಮಾ ಉಗ್ರಲ ಅಪರಾಧ ಮಾಫ ಕರಸ. ತ್ಯುನ ದ್ರೊಹನೆ ದ್ಯಾನ ದಿವಾಲೊ ನ್ಹವೈ. ಹೊ ಅಪ್ನೊ ಕ್ಹುದಾ ಹಮೆಶಾಬಿ ಶಿಟ್ಟ ಥೈನ ರ್ಹವಾಲೊ ನ್ಹವೈ . ಮರ್ಗಾನುಜ಼ ತಿನು ಮನಸ ವ್ಹೈ.
ತಿನಾಹುತಿ ತುಮೆ ಕ್ಹುದಾ ಡೊಳಮಾ ಪರಿಶುದ್ಧ ವರಿ ಕ್ಹುದಾ ತುಮೊನೆ ಮಯಾ ಕರಲ ಹುತಿ ತುಮೆ ಮರಗಾಲಾ, ದಯಾ ಕರಾಲಾ, ಮಿಜ಼ ನ್ಹಾನೊ ವ್ಹೈ,ವರಿ ಸಾತ್ವಿಕತ್ವ ವರಿ ಪುರಾ ತಾಳಿಲಿನ ಜಾವನಾ ಚೊ಼ಕಾ ಚಾಳಿಯೊ ಘಾಲ್ಲಿವೊ.
ಯಕ್ಕನೆ ಯಕ್ಕ ಮರಗಾ ದೆಕಾಡೊ. ಯಕ್ಕನೆ ಯಕ್ಕ ಮಯಾ ಕರೊ. ಕ್ಹುದಾ ಕ್ರಿಸ್ತಮಾ ತುಮೊನೆ ಮಾಪ ಕರಲ ನಿಂಗತ ತುಮೆ ಯಕ್ಕನೆ ಯಕ್ಕ ಮಾಫ ಕರೊ.
ನಿತಿನಾಹುತಿ ಅನುಭೊಸಾನು ತ್ರಾಸ
ತಿನಾಹುತಿ ತುಮೆ ಕ್ಹಾರಾಜ಼ನಾ ಮಳಿನ ಶಾಂತಿಕ್ಹು ರ್ಹವೊ. ಯಕ್ನೆ ಯಕ್ಕ ಕಳೈಲಿವಾನು ಕೊಶಿಶ ಕರೊ. ಯಕ್ನೆ ಯಕ್ಕ ಭಾಯೊ ನಿಂಗತ ಮಯಾ ಕರು. ಮರಗಾ ದೆಕಾಡಾಲಾ ವರಿ ಸಮಾದಾನ ರ್ಹಯಲವಾಲಾ ಥೌ.
ಎ ದುನಿಯಾಮಾ ಸೌಕಾರ ರ್ಹಯಲ ಕುನಬಿ ಕೊರೆತೆಮಾ ರ್ಹಯಲ ತಿನಾ ಭೈನೆ ದೆಕಿನಬಿ ಮದತ ನೈ ಕರ್ಯಮ ತಿಮಾ ಕ್ಹುದಾನಿ ಮಯಾ ರ್ಹವಾನೆ ಸಾದ್ಯ ಛೆ ಸು?
ಪೌಲ ಕ್ಹುದಾನೆ ಸ್ತೊತ್ರಾ ಕದಲ
ಅಪ್ನೊ ಕರ್ತಾ ಥಯಲ ಯೆಸು ಕ್ರಿಸ್ತನೊ ಬಾ ಥಯಲ ಕ್ಹುದಾನೆ ಸ್ತೊತ್ರ. ತೆ ಮರಗಾಲೊ ಬಾ ವರಿ ಕ್ಹಾರಿ ತರಾಕ್ಹು ಕಾಳಜಿ ಕರಾಲೊ ಕ್ಹುದಾ ರ್ಹೈನ, ಅಪೊನೆ ಆವಾನಾ ಕ್ಹಾರಾ ದುಕ್ಕೊಮಾಬಿ ಅಪೊನೆ ಸಂತೈಸಾಲೊ ವ್ಹೈ. ಅಪೆ ಕಿಮ್ಮ ದುಕ್ಕಮಾ ರ್ಹತಾಮಾ ಕ್ಹುದಾ ಅಪೊನೆ ಸಂತೈಸ್ಯೊ ತಿನಾ ನಿಂಗತ ಅಪೆ ಬಿಜಾ಼ವೊನೆ ಕರು.
ಅಪ್ನೊ ಮ್ಹೊಟೊ ಯಾಜಕ ಥಯಲ ಅಪೊನೆ ರ್ಹಯಲ ಕಮಜೊ಼ರಿ ವಳಕಾನೆ ತಾಕತವಾಲೊ ಛೆ ತೆ ಆ ಜಗತಮಾ ರ್ಹತಾಮಾ, ಕ್ಹಾರಿ ತರಾಮಾ ಅಪ್ನಾ ನಿಂಗತಜ಼ ಶೊಧನೆಮಾ ಪಾಡ್ಯೊತಬಿ ವಟ್ಟಜ಼ ಪಾಪ ಕರ್ಯೊ ನೈ.
ಖುಶಿ ಥಾವಾಲಾವೊನಾ ಕ್ಹಾತೆ ಖುಶಿ ಥಾವೊ. ದುಖ ಥಾವಾಲಾವೊನಾ ಕ್ಹಾತೆ ದುಖಿ ಥಾವೊ.
ಲಾಸ್ಟಮಾ ಭಾಯೊ ಖುಶಿಕ್ಹು ರ್ಹವೊ ಪರಿಪುರ್ಣ ಕರ್ಲಿವೊ ಧೈರ್ಯಕ್ಹು ರ್ಹವೊ ಯಕ್ಕಜ಼ ಮನಸಕ್ಹು ರ್ಹವೊ ಸಮಾದಾನ ಕ್ಹು ರ್ಹವೊ ತೆಳಾಮಾ ಮಯಾಕ್ಹು ರ್ಹಯಲ ಶಾಂತಿದಾಯಕ ರ್ಹಯಲ ಕ್ಹುದಾ ತುಮಾರಾ ಕ್ಹಾತೆ ರ್ಹವಸ.