9 <<Uteku tsu na gaɗi wi daꞋangi n iɗika,

ta feu nwalu n va̱ mi daꞋangi nu nwalu n ɗa̱ nannai,

kusheshe ku va̱ kpamu ku laꞋa ta̱ kusheshe ku ɗa̱.

9 <<Ili ya atakaci i ɗa u vuza na u shamgbai a kanananai n vuza na u yaꞋin ni,

Ili ya atakaci i ɗa mogbodo ma na ma yaꞋan kanananai n kamaꞋi ka̱ ni,

ko ciꞋin ci ta̱ kece kamaꞋi,

<Yiɗa̱i vi a kuyaꞋan?>

Ko kpamu avu vi yeve,

ulinga u nu ba?>

28 A̱ɗa̱ i yeve ba?

Ka̱ta̱ yi ishi i pana ba?

Vuzavaguɗu Ka̱shile ka kowanai kaꞋa.

Vuza na u yaꞋin aduniyan dem.

A̱yi utsura u ni u tsu jebe ba ko woꞋo,

kusheshe ku ni kpamu ki kuyeve ba.

3 Vuzavaguɗu vuzagbayin ɗa,

mayun ɗa u yotsoi a cikpa yi,

tsugbayin ci ni tsu laꞋa ta̱ utsura u kuyeve.

2 Kafu vu yaꞋan nsasan,

kafu a iɗika

kafu kpamu vu yaꞋan aduniyan,

avu Ka̱shile kaꞋa ko wannai.

Vi n ugiti ba tana vi n ukocishi ba.

4 A̱ya̱ ka̱kpa̱n wa̱ nu i ta̱ tsu kanna ke te,

i ta̱ tsu kanna ke te ka na ka lazai,

tsu makyan ma kayin ma na ma lazai.

3 Ɗekei mu mpa tana mita̱ a̱ kushuku ɗa̱, kpamu n kudana ɗa̱ ta̱ ukuna u gbangam u na vu yevei ba.

7 Ugiti u cicoꞋo u ɗanna, ciya̱ cicoꞋo, n ili i na vu ciya̱i dem,

ciya̱ ku yeve.

29 Vuma na u tsu na̱mgba̱ ka̱tsuma̱ ba, wi ta̱ n kuyeve,

ama vuza vu una̱mgbi u ka̱tsuma̱ u tsu tuka̱ ta̱ tsulau tsu ni e keteshe.

21 Kusheshe ku ka̱ɗu ku vuma ki ta̱ n a̱bunda̱i,

ama kusheshe ku Vuzavaguɗu ku ɗa koci ki a kushana.

2 Vuma wi ta̱ a kusheshe uye u ni mayin ɗa wi,

ama Vuzavaguɗu utsu gisanku ta̱ ka̱ɗu.

130 Ku utuka̱ kadanshi ka̱ nu

e keteshe ku tsu neke ta̱ kutashi,

ku tsu neke ta̱ kuyeve u vuza na wi n kuyeve ba.

8 Vuzavaguɗu u danai,

mi ta̱ o kuyotsongu wu uye u na vu kutono,

mi ta̱ e kuneke wu kadanshi n neke wu odoki kpamu.

5 Tsu na vu yeve uye u wunla̱i u ba,

ko tsu na a yaꞋin maku a vuka vu ka̱tsuma̱ ba,

ta feu nannai yi a kufuɗa kuyeve kuyaꞋan ku Ka̱shile ba,

kayaꞋin ki ili ra̱ka̱.