Compreensão

9 ጫሪንጫ ሳዓፓ ዼጋሢጉዲ

ታኣኮ ጎይፃ ዒንሢ ጎይፃፓ

ታ ማሊፃኣ ዒንሢ ማሊፃፓ

ሚርጌና ዼግ ጌዔያኬ።»

ናንጊና ናንጋ ጎዳኮ ዼኤፖ ዎልቆ

9 ማዤሢና ዎላ ማርማሢም ባዴዔ!

ዒዚ ዓጪና ማዢንቴ ሜሆይዳፓ ፔቴሢኬ፤

ፔቴ ዓጪና ማዦና ሜሄ ማዤሢ ኮራ፦

«ሃይ ኔኤኒ ዎዎዳይ?

ኩጫ ዓርቃ ኬሌጫ ዎካዳይ?» ጌይ ዖኦጫኒ ዳንዳዓ? ✝

28 ፔቴታዖ ኔኤኒ ዔሩዋዓዳ?

ዋይዚያ ኔኤኒ ዋይዚባኣዓዳ?

ፆኦሲ ናንጊና ናንጋ ጎዳኬ፤

ዓጮ ቢያ ማዤሢ ዒዛኬ፤

ዒዚ ፔቴታዖ ላቢንቱዋሴ፥ ማሊፆዋ ፔኤኮ ሺርሹዋሴ።

3 ናንጊና ናንጋ ጎዳ ዼኤፒኬ፤

ፑኡፒ ጋላታ ዒዛም ኮይሳያኬ፤

ዒዛኮ ዼኤፑማ ዓሲ ዔራኒ ዳንዳዓያይዳፓ ዑሣኬ።

2 ዹኮ ማዻንዳሢና ዓጮዋ ኔ ማዣንዳሢኮ ቤርታ

ኔኤኒ ናኣናና ናናንጋ ፆኦሲኬ።

4 ሺያ ሌዔ ኔኤም ካሪ ዓኣዼ ዚጊናኣ ኬሊጉዲኬ፤

ዻካ ዴዓዖ ካራ ዹሚጉዲኬ። ✝

ፆኦሲ ሄርሺሢ

33 ፆኦሲኮ ኮሹሞና ሃኣማቶና ሃሣ ዔራቶና

ዖኦኒያ ዔሩዋያኬ!

ዒ ዎጋ ዎጊፃ «ዎዚምዳይ?» ጌይንቱዋያኬ፤

ዒ ማዻ ጎይፃኣ ዔርቱዋያኬ! ✝

3 ዒዚ ሂዚ ታኣም ጌዔኔ፦ «ታ ባንሢ ዒላቲ ታኣም ኬኤዜ፤ ታ ኔኤም ኔ ኮዓ ባኮ ማሃንዳኔ፤ ሃያኮ ቤርታ ኔኤኒ ዔሩዋኣያ፥ ዓሲ ጋፒሲ ዔራኑዋ ዼኤፒ ዼኤፒ ባኣዚ ፔጋሲ ታ ኔና ዻዋንዳኔ።

7 ዔራቶ ቢያይዳፓ ዑሣ ማዔሢሮ ዒዞ ሚኢሼ ማሂ ዛጌ፤ ኔኤኮ ዓኣ ባኮ ቢያ ኔና ጪጊሻያ ማዔቴያ ማሊ ጶቂሥሢ ዴንቃኒ ዶዴ።

29 ጊቢ ዳንዳዓ ዓሲ ኔ ማዔቴ ማሊ ጶቂሣ ዓሲ ማዔሢ ፔጋሲ ኔኤኒ ዻዋኔ፤

ዻጋዻ ዓሲ ማዔቴ ጋዓንቴ ቦኦዙሞ ኔኤኮ ኔኤኒ ፔጋሳኔ።

21 ዓሲ ሚርጌ ባኣዚ ማሊ ቱካኔ፤

ማዺንቲ ኩማሢ ጋዓንቴ ናንጊና ናንጋ ጎዳ «ማዖንጎ» ጋዓዛኬ።

2 ዓሲ ማዻ ባካ ቢያ ዬያ ማዻ ዓሢም ፒዜ ማላኔ፤

ናንጊና ናንጋ ጎዳ ጋዓንቴ ዓሲኮ ዒኖ ማሊፆ ዛጊ ዔራኔ።

17 ቦንቾ ኮይሳ፥ ኑ ጎዳሢ ዬሱስ ኪሪስቶሴኮ ዓዶ ማዔ፥ ፆኦዛሢ ኮሺ ዒንሢ ዔራንዳጉዲ ዔራቶና ዓኣሺንቴ ባኣዚ ዔርዛያ ማዔ፥ ዓያና ዒንሢም ዒንጊንታንዳጉዲ ታ ሺኢቃኔ።

18 ቢያፓ ባሼ ኑ ጎዳሢና ኑና ዻቂሻ ዬሱስ ኪሪስቶሴኮ ኮሹሞና ዒንጊንታ ዒንጊፆና ጊንሣ ዒዛ ዔሪሢና ዲጩዋቴ፤ ዒዛም ሃሢያ ሃጊያ ናንጊና ቦንቾ ማዖንጎ! ዓኣሜን።

130 ኔ ቃኣሎኮ ቡሊፃ ፖፖዓኔ፤

ዔሩዋ ዓሶ ማሊ ጶቂሣያ ማሃኔ።

8 ናንጊና ናንጋ ጎዳ ታኣም፦ «ታኣኒ ኔና ዔርዛንዳኔ፤

ኔኤኒ ሃንታንዳ ጎይፆዋ ታ ኔና ዻዋንዳኔ፤

ታ ኔና ዞራንዳኔ፥ ካፒያ ካፓንዳኔ» ጌዔኔ።

5 ዢባሬ ሃንታ ጎይሢንታ ዓሲኮ ሼምፓ ዒንዶ ጎጶይዳ ማዢንታ ጎይፆዋ ኔ ዔሩዋኣሢጉዲ ቢያ ባኮ ማዣ ፆኦዛሢ ፔ ማዾ ዎማይዲ ማዻቴያ ዔራኒ ኔ ዳንዳዑዋሴ።

3 ዬሱሴያ፦ «ጎኔ ታ ኔኤም ጋዓኔ ዓሲ ላሚ ሎፓ ሾይንቲባኣዖ ፆኦሲ ካኣቱሞ ዛጋኒ ዳንዳዑዋሴ» ጌዔኔ።

26 ዬማና ዬሱሴ ዔያቶ ባንሢ ዛጋዖ፦ «ዬይ ዓሲም ዳንዳዒንቱዋ ባኣዚኬ፤ ፆኦሲም ጋዓንቴ ቢያ ባኣዚ ዳንዳዒንታያኬ» ጌዔኔ።

35 ዬሱሴ ዴዔሢኮ ጊንፃ ታጶ ላምዖንሢ ዔኤላዖ፦ «ቢያፓ ቤርታ ማዓኒ ኮዓይ ዖናታቶዋ ቢያፓ ጋፒንሢና ሃሣ ቢያም ማዻያ ማዓንዳያ ኮይሳኔ» ጌዔኔ። ✝

28 ቢያሢ ዬሱስ ኪሪስቶሴ ዛሎና ፔቴ ዒንሢ ማዔሢሮ ዓይሁዴና ዓይሁዴ ማዒባኣ ዓሲና፥ ማዻሢና ማዺሻሢና፥ ዓቲንቄና ላኣሊናኮ ባኣካ ዱሙሞ ባኣሴ። 29 ዓካሪ ዒንሢ ኪሪስቶሴሮ ማዔቶ ዓብራሃሜ ዜርፆኬ፤ ዒንጊንቴ ዎዞ ቃኣሎ ጎይፆና ዒዛና ዎላ ዒንሢ ፆኦሲ ዒንጋ ባኮ ዔካንዳዞንሢኬ። ✝

21 ቢያ ባኮ ዛጊ ዔሩዋቴ፥ ኮሺ ማዔ ባኮ ዔኩዋቴ፤ 22 ዓይጎዋ ፑርታ ባኣዚፓ ቢያ ሃኩዋቴ።

3 ዎዚ ኑ ሃያ ዓጫ ናንጋያ ማዔቴያ ኑ ዖልታሢ ሃያ ዓጮ ዓሳ ዖልታ ጎይፆቱዋሴ።

18 ኑኡኒ ዛጊ ዓኣሢ፦ ጴዻ ባኮቱዋንቴ ጴዹዋ ባኮኬ፤ ዓይጎሮ ጌዔቴ ጴዻ ባካ ሃሣኣ ባኣዚ ሌሊኬ፤ ጴዹዋ ባካ ጋዓንቴ ናንጊና ባይቁዋ ባኣዚ ማዔሢሮኬ።

13 ዓሲ ሜቶይዳ ጌላ ዎዶና፦ «ፆኦሲ ታና ዻቢሻኒ ሜቶ ዒንጌኔ» ጎዖፓ፤ ዓይጎሮ ጌዔቶ ፑርታ ሜቶ ፆኦሲ ዓሲም ዓሲ ዻቢሻኒ ዒንጉዋሴ፤ ሃሣ ዒዚ ዖናኣ ዻቢሻኒ ፑርታ ሜቶ ዒንጉዋሴ፤