9 Mutindu mazulu me lutila ntoto na kuzangama,

ni mutindu mosi mpe nzila ya munu kele ya kuzangama na zulu ya banzila ya beno,

mpe mabanza ya munu kele ya kuzangama na zulu ya mabanza ya beno.

9 Kyadi na muntu yina ke swanisa yina me yidika yandi,

na kutala mbote, yandi kele kaka mbungu na kati-kati ya bambungu ya ntoto,

ntoto ya kulamba lenda tuba na kisadi-bambinda ti:

«Yinki nge ke na kusala?

Mpe ti kisalu yina nge kele ya mpamba!»

28 Nge zaba yawu ve?

Nge kuwaka yawu ve?

Ni Yave Mfumu yidikaka bandilu ya ntoto,

yandi ke lembanaka ata kima, yandi ke lembaka ve,

muntu lenda kota ve na mansweki ya mayela ya yandi.

3 Yave kele Nzambi ya nene, yandi kele ya kulunga na kuzwa nzitusu,

bunene ya yandi kele ve na ndilu.

2 Ntete-ntete myongo kubutama,

ntete nge kuyidika ntoto mpe yinza,

mankululu na mankululu nge kele Nzambi.

4 Ya tsyelika na meso ya nge, funda mosi (1 000) ya bamvula kele mutindu kilumbu ya mazono yina me luta yimeni,

yawu kele mutindu mwa bangunga ya mpimpa.

33 Kimvwama ya Nzambi kele nene mingi! Ndwenga mpe luzabu ya yandi kele ya kulutila! Ata muntu lenda kubangula banzengolo ya yandi, mpe lenda kubakula mabanza ya yandi.

3 Bokila munu mpe mu ke ndima. Mu ke lwengisa nge mambu ya nene, mambu ya kubumbama yina nge zaba ve.

7 Mbandukulu ya ndwenga ni yayi: kuzwa ndwenga, pesa nyonso yina nge kele na yawu samu na kuzwa mayela.

29 Muntu yina ke dasukaka ve na mbangu, yandi kele kuluntu na mayela ya yandi, kasi muntu yina ke dasukaka na mbangu ke lakisaka buzoba ya yandi.

21 Muntu ke banzaka na kuyidika mambu mingi, kasi ni luzolo ya Yave ke salamaka.

2 Konso muntu ke banzaka ti bansalulu ya yandi kele ya mbote, kasi ni Yave ke tezaka bantima.

17 mpe mu ke lombaka na Nzambi ya Mfumu ya beto Yesu-Klisto, Tata ya nkembo, na kupesa beno ndwenga yina ke lakisa beno yandi, mpe ke sala ti beno zaba yandi ya tsyelika.

18 Bika ti bumbote mpe luzabu ya Mfumu mpe Muvuukisi ya beto, Yesu-Klisto, kukula na beno. Nkembo kuvwanda ya yandi katuka ntangu yayi tii bantangu nyonso! Ameni.

130 Luzabu ya mambu ya nge ke kyenzolaka,

yawu ke pesaka mayela na bantu yina zaba mingi ve.

8 «Mu ke longisa nge,

mu ke lakisa nge nzila yina nge fwana kulanda.

Mu ke pesa nge malongi,

mu ke sikika meso ya munu na nge.

5 Nge zaba ve wapi mutindu mwela ya mwana na mikwa ya yandi ke yilamaka na kati ya kivumu ya kento. Ni mutindu mosi mpe samu na mavanga ya Nzambi yina ke salaka mambu nyonso: nge zaba yawu ve.

3 Yesu vutulaka: «Ya tsyelika, mu ke na kuzabisa nge: Ata muntu lenda kutala Kimfumu ya Nzambi kana yandi butuka dyaka* ve.»

26 Yesu talaka bawu, mpe tubaka: «Na bantu, yawu lenda kusalama ve. Kasi na Nzambi mambu nyonso lenda kusalama.»

35 Na yina, Yesu kwendaka vwanda. Yandi bokilaka bilandi kumi na zole, mpe zabisaka bawu: «Muntu yina zola kuvwanda muntu ya ntete, fwana kuvwanda muntu ya nsuka mpe kisadi ya bantu nyonso.»

28 Na yina, ya ke dyaka ve na ba-Zwife mpe ba-Ngeleke, bandongo mpe bantu ya kimpwanza, babakala mpe bakento. Ya tsyelika, beno nyonso me kuma kaka muntu mosi na kintwadi na Yesu-Klisto. 29 Kana beno kele ya kukangama na Klisto, beno kele bana ya Abalayami mpe bantu yina ke kuzwa difwa yina Nzambi pesaka nsilulu.

21 Beno tala mbote mambu nyonso: Beno ndima yina kele mbote, 22 mpe beno manga mambu nyonso ya yimbi.

3 Ya tsyelika, beto kele bantu, kasi beto ke na kunwana ve na mutindu ya kimuntu.

18 Beto ke sikikaka ve meso na bima yina ke talanaka, kasi na bima yina ke talanaka ve. Ya tsyelika, bima yina ke talanaka ke zingaka kaka ntangu fyoti. Kasi bima yina ke talanaka ve, ke zingaka seko.

13 Ntangu bantontolo ke kuminaka muntu, yandi bikaka na kutuba: «Nzambi ke na kutonta munu.» Mambu ya yimbi lenda kutonta Nzambi ve, mpe Nzambi lenda kutonta muntu ve.