Compreensão
A verdadeira compreensão vem de Deus. Os caminhos do Senhor são mais altos que os nossos. Mas Ele nos convida a buscar entendimento — e promete iluminar quem o busca de coração.
A sabedoria de Deus
Os meus pensamentos não são os vossos pensamentos. A incompreensibilidade de Deus nos leva à humildade e adoração.
Skae i antap we i antap,
i antap olgeta long graon,
mo long sem fasin,
tingting blong mi i hae we i hae, i antap olgeta long tingting blong yufala,
mo fasin blong mi i antap olgeta long fasin blong yufala.
Bakegen, profet i talem long ol man blong hem se,
"Olgeta.
?Olsem wanem?
?Yufala i ting se wan graonpot
we i sem mak wetem ol narafala graonpot,
hem i save girap,
i rao long man we i wokem hem?
?Yufala i ting se graon i save tok long man
we i stap wokem graonpot,
i talem se,
‘?Yu yu stap mekem wanem long mi?’?
?Yufala i ting
se hem i save talem long man olsem se,
‘!Yu no save samting ya we yu stap mekem!’?
?Weswe?
?Yufala i no save?
?Yufala i no harem stori blong hem?
Hae God ya,
hem i God we i stap oltaem,
mo bambae i stap gogo i no save finis.
Hem nao i mekem olgeta samting long wol ya.
Neva hem i save kam taed,
neva hem i save harem se i slak.
Mo i no gat man
we i save kasem tingting blong hem.
Hae God, hem i hae we i hae,
mo i stret
blong ol man oli stap leftemap
nem blong hem i go antap.
Hem i hae we i hae,
man i no naf
blong save paoa blong hem.
Bifo,
taem we yu no mekem ol hil ya yet,
long taem ya we yu no wokem wol ya nating yet,
be yu yu stap fastaem finis.
Yu yu God we yu stap we yu stap,
mo bambae yu save stap oltaem,
gogo i no save finis.
Long yu,
wan taosen yia i olsem wan dei nomo,
i olsem yestedei we i pas finis,
i olsem wan aoa nomo long naet,
we i pas kwiktaem nomo.
!Olgeta! !Fasin blong God blong givhan long ol man, i gud tumas! !Waes blong hem, mo save blong hem i bigfala tumas, i bitim mak! Yumi no save talemaot olsem wanem hem i jusumaot ol rod blong hem. Yumi no naf blong save ol plan blong hem, se bambae oli kamtru olsem wanem.
Buscar entendimento
Clama a mim e responder-te-ei. A sabedoria é a coisa principal — busque o entendimento com todo o coração.
‘Jeremaea. Sipos yu singaot i kam long mi, bambae mi harem yu, mo bambae mi talemaot ol gudgudfala samting long yu, we ol man oli no save faenemaot, mo we yu yu no save olgeta nating.
Waestok ya, hem i nambawan samting blong yu yu kasem. I nomata wanem samting we yu yu gat, be yu mas kasem fasin ya blong luksave mining blong ol samting we i had.
Man we i no save kros kwik, hem i waes we i waes, be man we i stap faerap kwiktaem nomo, hem i soemaot we hem i no gat hed nating.
Ol man oli save mekem plan blong mekem ol naranarafala samting, be ol samting we Hae God i wantem, bambae oli mas kamtru.
Maet yu ting se ol samting we yu stap mekem i stret nomo, be yu mas save we Hae God i stap skelem ol tingting blong yu, mo hem i savegud blong wanem yu stap mekem ol samting ya.
Oltaem mi mi stap askem long God ya we i God blong Jisas Kraes, Masta blong yumi, mo we i Papa blong yumi we i gudfala tumas, blong hem bambae i givim Spirit blong hem long yufala. Spirit ya i save mekem yufala i waes, i save soemaot God long yufala, blong mekem yufala i savegud hem.
Be oltaem yufala i mas kam strong moa long Kristin laef blong yufala, we Jisas Kraes*, we i Masta* mo Sevia blong yumi, i stap givhan moa long yufala long gladhat blong hem, mo we yufala i save hem moa. Yumi mas leftemap nem blong hem i stap go antap oltaem, i stat naoia, gogo i no save finis. Amen.
Iluminação divina
A entrada da tua Palavra dá luz e entendimento. Deus revela verdades ocultas e transforma nossa visão da realidade.
Taem mining blong ol tok blong yu i klia,
hem i givim laet long man,
mo i mekem
man we i no gat save i kam waes.
Psalms
Hae God i talem se,
"Mi bambae mi tijim yu
long rod we i stret blong yu yu folem.
Bambae mi stap givim gudfala tingting long yu,
mo mi stap lukaot gud long yu.
God i stap wokem olgeta samting, be i had blong yumi makem fasin blong hem. Yumi no save makem se laef blong pikinini we i stap gru long bel blong mama blong hem i stat olsem wanem, mo long sem fasin, yumi no save makem ol fasin we God i stap mekem.
Jisas i talem long hem se, "Tru mi talem long yu, sipos man i no bon bakegen blong i kam niufala man, bambae hem i no save luk rod blong kam we God i King* blong hem."
Be Jisas i lukluk long olgeta, i talem se, "Samting ya, i strong tumas blong man i mekem, be God i save mekem olgeta samting."
Nao Jisas i sidaon, mo i singaot ol twelef man blong hem oli kam long hem. Nao hem i talem long olgeta se, "Man we i wantem kam hae moa long ol narafala man, hem i mas tekem las ples daon long ol man. Hem i mas kam olsem man blong wok blong olgeta."
Nao i no moa gat ol samting blong mekem yufala i seraot. I no moa gat we sam long yufala oli laen blong Isrel, sam oli no laen blong Isrel, sam oli slef*, sam oli friman, sam oli man, sam oli woman, nogat. Yufala evriwan i joen long Jisas Kraes, nao from samting ya, yufala i kam wan nomo. Mo sipos yufala i blong Kraes, ale, yufala i olsem ol laen ya blong Ebraham. Mo bambae yufala i save kasem ol samting ya we God i promes finis blong givim long ol laen ya blong hem.
Yufala i mas traem olgeta samting fastaem, nao yufala i save holemstrong ol samting we oli gud. Be olgeta samting we oli nogud, yufala i mas agensem, yufala i no go klosap long olgeta.
Yes i tru, mifala i man blong wol ya. Be taem mifala i faet, mifala i no mekem long fasin blong man nomo.
Nao mifala i no moa tingbaot ol samting ya we yumi save luk long ae blong yumi. Mifala i stap tingbaot ol samting ya we yumi no save luk, from we ol samting ya we yumi save luk long ae blong yumi, oli blong stap smoltaem nomo. Be ol samting ya we yumi no save luk, oli blong stap oltaem, gogo i no save finis.
Sipos ol samting i kam blong pulum tingting blong man, blong mekem hem i foldaon long sin, bambae hem i no mas talem se, "Ol samting ya i kamaot long God," from we i no gat samting nogud we i save pulum God blong mekem hem i gorong. Mo i no fasin blong God blong pulum man blong mekem hem i foldaon long sin.