9 Adakunom fɛ́ a ki yes yin ayɛt kusot ifiri ne Arim wu aYeso Kristi aTisa yit, yet afi ishining ifɛ̀.

16 Iyin rēn yin fok, iyin ice yin yet yin karɔ iya Adakunom ntong awɛ? I rēn yin fok Kabik Adakunom sosok ayɛt yin awɛ?

12 Kurɔm anet awe se burang, ngma ni nkap zizɛɛt-zizɛɛt fi ku bɛ̀; ne ngma nkap dot fi ku bɛ́, ngma nsot kurɔm kuzining. Anet-Isheshek yɔng a se anɔng.

14 Won kunang aTisa yit aYeso Kristi, ni ishim Adakunom, ni imoon ice Kabik aJɛrɛ na ka sot gung ni iyin ngma.

16 Akyɛ fi i mon karɔ isosok Adakunom nɛ karɔ nabannom ɛ? Nek iyin ba in yet yit karɔ isosok Adakunom atset; ti Adakunom di fɛ̀,

<<In da sot gung ni bá,

in da kat nate ba;

in da sot Adakunom bá,

wat iba da sot banet hom.>>

17 Nek anɔng, ngma anet fɛ́ a se ayɛt Anet-Isheshek, a yet anet afas, nkyɔrɔk nzen mi gosok, di yin nkyɔrɔk nfas mi bɛ̀. 18 Ngma nkyɔrɔk nang ne na Adakunom, iwu fɛ́ a bɛ̀ ni inosong-ashi nate yit ni iwu fi ine ni bɔk Anet-Isheshek. A tɛ a ki nɔɔk yit kutomong isaas banet ne ba ra inosong-ashi ni iwu. 19 Na anɔng wu Adakunom kin di ra inosong-ashi nate wu ne kazatse fi ine na Anet-Isheshek. A rawu dang fa anɛn fɛ́ ba mang ku ra ne, a ki won yit ifɛ́ itonoso banet irèn inosong-ashi me.

20 Imi yong ni inyeseng atitu, in tsin tsot ika. Ngma ayɔng fɛ́ a fok kutɔ hom, a tarak ika, in da nɔ ayɛt e, in da yas ni iwu ni iwu yas ni imi.

3 In fok kutɔ kuratek fi ku ne ni kuta igwɔm e, ku fɛ̀ ye, <<Di, yɔkɔnɔng, Adakunom mi te karɔ isonong wu na banet, a da sot gung ni iba. Iba da sot banet wu, na Adakunom ice wu sot gung ni iba, ni iba ku ya ntong.>>

20 Nek karɔ fɛ́ banet bafaa ke bataat ayi di nyim ni iyerek hom, imi se gung ni ibá.>>

20 <<Nek ba bang wu kyɛk, fi in tsin di ra awon awo, in tsin ra awon ngma naton bayɔng fɛ́ ba bi di nɔɔk atsak ni ifɛ̀ ba. 21 Nɔng ngma ba, ba bi sot bazining, kpaf ti fi imi se ayɛt ngɔn, ngɔn se ayɛt hom, in tsin ra awon, won iba ne ba sot ayɛt yit anɔng ba. Ne anɔng wu fɛ́ banet azatse di ki nɔɔk atsak, fok ngɔn wu fi i di tom. 22 Iratek yɔng fi ngɔn ki mang di nɔɔk, imi mi ka ba nɔɔk ide ba, nɔng iba bin sot bazining, kpaf ti fi iyit di se yit. 23 Imi da sot ayɛt ba, ngɔn da sot ayɛt hom, nɔng ba bin sot bazining yɛɛt-yɛɛt, nɔng ba da rēn fok ngɔn ka ba shim, kpaf ti fi i di shim.

24 Ngma bayɔng fɛ́ ba foos agbat ifɛ̀ wu, ba se ayɛt wu, iwu se ayɛt ba. Na ane fi in di rēn yit fok a se ayɛt yit: in rēn yit anɔng nek Kabik wu fɛ́ a ki nɔɔk.

20 In ti in rēn yit fok Arim Adakunom mi bɛ́, a mi ki nɔɔk yit irēn, fi in di ki rēn yit Ayɔng fɛ́ a yet atsak. Iyit se yit ayɛt Ayɔng fɛ́ a yet atsak, in se yit ayɛt Ari wu aYeso Kristi. Iwu fɛ́ a yet Adakunom atsak e, a yet kutset vit igang e.

13 Iyit rēn yit fok in se yit ayɛt wu, iwu se ayɛt yit, nek iwu mi ki nɔɔk yit Kabik wu.

7 Bafidang in, won ni in shim bafidang yit, nek ishim nes na Adakunom. Ngma ayɔng fɛ́ a tonoso ishim, a yet kutes Adakunom, a rēn Adakunom.

3 Iyit tsin ki taas yin, ikyɛng fi in kin di yit, fi in kin fok yit, nɔng iyin da bin moon yin ice ni iyit, na atsak e, imoon ice yit se gung ne Ada Adakunom, nɛ ari wu aYeso Kristi.

28 Yɔkɔnɔng ana, naban nnon, di nak yin ni wu, nɔng izen fɛ́ a bi bɛ́, in bi bɛ̀ yit agap iyɛ, vit nsum ashon wu ni izen kubɛ́ wu.

1 Yɔkɔnɔng fi in bɛ́ yit kusot kutabat ashon Adakunom nek inɔɔk atsak, in mi sɛ yit kusot kukyang ne Adakunom fi ku ne na aTisa yit aYeso Kristi. 2 Ni wu fi in mi sɛ yit kunɔ ayit itek fi in di se yit yɔkɔnɔng, nek inɔɔk atsak yit. In bɛ̀ yit ifeng ni ite iyɛ imoon mbɔk iyit ízɔk Adakunom.

22 Nek anɔng, won ni in serek yit bakat na Adakunom na atsitsak iyɛ fi itonong inɔɔk atsak yit. Na anɔng wu fɛ́ ba ki te yit mo jɛrɛ ni kuras iyiring iyɛ yit, ba tɛ ba kus nrɔm yit cɛ́l na ashi.

7 Nek anɔng, nabak yin ice yin sak na Adakunom. Rayin aShetan, a da teng a ki won yin. 8 Serek yin bakat na Adakunom, iwu da serek bakat ni iyin. Kusu yin mbɔk yin, iyin bafi inɛn, kusu yin ayɛ yin, iyin bafɛ́ ayɛ afifa.