Comunhão com Deus
A comunhão com Deus é o propósito supremo da existência humana. Fomos criados para viver em intimidade com o Criador — e em Cristo, esse acesso é plenamente restaurado.
Em comunhão com Deus
Deus é fiel, pelo qual fostes chamados à comunhão de seu Filho. A comunhão com Deus é dom da graça e fruto da redenção.
Nzambi yandi bende wulutumisa mu zinga mu kintwadi na Mwana andi Yesu-Klisto Mfumu eto: Yandi wukwikama kadi mu nsilulu zandi.
Luzebi ko ti, yeno nzo-Nzambi ludi, mpe Mpeve yi Nzambi yikwe zakalanga mu kati dyeno e?
Nitu yimosi kwandi yidi, kansi yii na binama bibingi, mpeleko binama bi nitu bibingi bidi, kansi nitu yimosi kwandi bikwe tunganga, bwabobo mpe buu Klisto.
Nkye nyuwasani yilendi ba ha kati di nzo-Nzambi na nsambudulu yi biteki e? Mu dyambu ti, yeto tudi nzo yi Nzambi yimoyo, bonso Yandi bende Nzambi bu kata ti:
«Naazinga ha kati dyawu, mpe naadyata nawu,
naaba Nzambi awu na yawu baaba mukangu ani.»
Ni hahoho, tala ti muntu wudi mu Klisto, yandi weka muntu wumoona, misamu mi nkulu mihyoka, misamu mimoona mihingani. Mpe, mimvimba bemyomyo mikwe fumanga ku Nzambi wutuwawisa nandi mu Klisto, mpe wutuhaana kiyeko kye wawisa bahiika na Nzambi. Mu dyambu ti, mu Klisto, Nzambi wusala mu wawisa nza na Yandi bende, wulembolo tala masumu ma bantu. Mpe wutusoola mu samuna kisalu ki nyuwasani.
Presença divina
Eis que estou à porta e bato. O Senhor fez sua morada entre nós — e toda a criação é convidada à comunhão eterna.
Tala, meno ntelamani ha mwelo mpe nkonkoti. Tala ti muntu yudi ndinga ani na zibudi mwelo, nina kota mu nzo andi, nina dya ha kimosi nandi mpe yandi na meno.
Nayuwa ndinga yingolo yiduuka ha kyandu ki kintinu, yita ti: «Tala, bwabu Nzambi zakadi ha kati-kati di bantu! Waazakala ha kimosi nawu, mpe baaba bantu bandi. Nzambi yandi bende waaba nawu, mpe waaba Nzambi awu.
Mu dyambu ti honso ha kutakani bantu bole hoti batatu mu nkumbu ani, ha kati dyawu nidi.»
Nina sambila mu dyambu dyawu kaka ko, kansi mu dyambu di yobobo mpe baakwikila mu meno, mu mambu mawu. Nina sambila mwanki bamvimba baba wumosi, bonso ngeye Tata wuu mu meno, mpe meno mu ngeye. Bika yawu mpe baba wumosi mu yeto, mwanki nza yikwikila ti ngeye wumfidisi. Nabaheeni nkembo yi wumpaana mwanki baba muntu wumosi bonso butudi muntu wumosi ngeye na meno, meno mu yawu, ngeye mu meno, mwanki baba nkatika muntu wumosi, mpe nza yibakula ti ngeye wumfidisi, na wubatiidi bonso buntiidi.
Viver na comunhão
Quem permanece nele e ele no Senhor, esse dá muito fruto. A comunhão com Deus produz transformação e alegria.
Muntu kwe kebanga ntumunu andi kwe sikilanga mu Nzambi na Nzambi mu yandi, mpe mu Mpeve yi katuhaana tukwe zabilanga ti wuna sikila mu yeto.
Tuzebi mpe ti Mwana Nzambi wuyiza na wutuhaana madyela mu zaba Nzambi yi makedika. Tudi kintwadi na Nzambi yi makedika mu nzila yi Mwana andi Yesu-Klisto. Ni yandi wudi Nzambi yi makedika, na luzingu lu mimvu ka mimvu.
Taleeno bwedi tukwe zabilanga ti tukwe sikilanga mu Nzambi mboki Nzambi kwe sikilanga mu yeto: wutuhaana Mpeve andi.
Mpangi zani zizola, bika tuzolasaneeno yeto na yeto, mu dyambu ti, zola kukwe fumanga ku Nzambi. Wonso muntu wuu na zola wubutu ku Nzambi mpe zebi Nzambi .
Mambu ma tuyuwa na ma tuyena, mama mpe tuna lusamunina, mwanki luba bakangama neto mu kintwadi ki tudi na Tata, mpe na Mwana andi Yesu-Klisto.
Baala bani, sikileeno bwabu mu kintwadi na Klisto, mwanki tutoma ba na kivuvu bu kaayenika, mpe tulembolo fwa nsoni ha ntadisi andi kilumbu ki kaakwiza.
Ni hahoho mu kiminu, batubongila bantu balunungu, na tweka bwabu mu kiyenge na Nzambi mu nzila yi Mfumu eto, Yesu-Klisto. Mu Yesu, mu nzila yi kiminu, tutambudi mulemvo we finama na Nzambi wu tumeni simbidila. Mpe kyese kyeto kikangamani mu kivuvu kyaatukotisa mu nkembo wu Nzambi.
Tufinameeno bwabu ku Nzambi na mutima wu makedika, mpe na kiminu kimvimba, mutima wuvedila mu mayindu mambi na nitu yisukuka mu mamba mavedila.
Ni hahoho, tumimineeno Nzambi, tedimineeno nkadyampemba, mpe yandi waatina kitatu neeno. Finameeno ku Nzambi, mpe yandi waafinama ku yeno. Yeno minsumuki, sukuleeno moko meno, na yeno banga mitima myole, vediseeno mitima myeno!