Comunhão com Deus

9 परमेश्वर तुहुरिन्हे अपन छावा प्रभु येशू ख्रीष्टके संग एकजुट हुइक लग रोज्ले बताँ, और परमेश्वर अपन कर्लक वाचाहे विश्वासयोग्यसे पूरा करथाँ।

16 पक्कै फेन तुहुरिन्हे पता बा कि तुहुरे परमेश्वरके मन्दिर हुइतो, और परमेश्वरके आत्मा तुहुरिन्केमे रथाँ।

एक्केथो शरीर, मेरमेरके अङ्ग

12 जसिके शरीर एक्केथो बा, और ओकर अङ्ग भर बहुत्ते रथाँ, शरीरके सक्कु अङ्ग बहुत्ते रलेसे फेन शरीर भर एक्केथो रहत, ख्रीष्ट फेन ओस्तेहेँ बताँ।

14 प्रभु येशू ख्रीष्टके अनुग्रह, परमेश्वरके प्रेम और पवित्र आत्मक संगति तुहुरिन् सक्कु जहनके संग पलिरहे।

16 परमेश्वरके मन्दिरमे मूर्तिनके लग कौनो ठाउँ नै हुइतिन। काकरेकी हम्रे जित्ती परमेश्वरके मन्दिर हुइती। जसिके परमेश्वर पवित्र शास्त्रमे कले बताँ,

"मै उ मनैनके संग रहम, और ओइनेहेँन्के बिच्चेम नेंगघुम करम,

और मै ओइन्के परमेश्वर हुइबुँ,

और ओइने मोरिक मनै हुइहीँ।"

17 तबेकमारे यदि केऊ ख्रीष्टहे विश्वास करत कलेसे ऊ लावा स्वभाव भेटैले बा। पुरान बात बितगिल बा, हेरो, उ सक्कु लावा होगिल बा। 18 यी सक्कु परमेश्वरके ओहोँरसे हुइलक हो, परमेश्वर ख्रीष्टहे अपन और हमार बिच्चेम मिलाप कराइक लग पठैलाँ। और ऊ हम्रिहिन्हे अपन और मनैनके बिच्चेम मिलापके सेवा देले बताँ। 19 अथवा ख्रीष्टके कर्लक सक्कु कामके माध्यमसे परमेश्वर सक्कु मनैनहे मिलापमे नानक लग एकथो डगर बनाइतिहिँत। और परमेश्वर मनैनके पापके हिसाब नै लेके शान्तिक बारेमे ऊ अपन सन्देश प्रचार करक लग हम्रिहिन्हे जिम्मा लगादेले बताँ।

20 सुनो, मै तुहुरिन्के मनके भित्तर जाइक लग घरक बाहेर ठरह्याके दवार ढकढकुइया मनैया हस हुइतुँ। यदि तुहुरे मोरिक आवाज सुन्बो, और मोरिक लग अपन मन खोल्बो कलेसे मै भित्तर अइम। और हम्रे एकदोसर जहनसे एक्के संग संगति करब।

3 तब मै एकथो आवाज सुन्नु जोन परमेश्वरके सिंहासनमेसे जोरसे बोलल, "हेरो, आबसे पक्कै फेन परमेश्वर मनैनके संग बैठिहीँ। और ओइने हुँकार अपन मनै रहिहीँ। ऊ अप्निहीँ ओइन्हे अपन मनैनके रुपमे स्वीकार करहीँ। और ऊ ओइन्के संग रहिहीँ। और ओइने फेन हुँकिन्हे अपन परमेश्वरके रुपमे स्वीकार करहीँ।

20 काकरेकी जहाँ दुई या तीन जाने मोरिक चेलनके जमा हुइहीँ। वहाँ मै ओइन्के बिच्चेम रहम।"

सक्कु विश्वासीनके लग येशूक प्राथना

20 येशू कलाँ, "मै यी चेलनके लग किल प्राथना नै करथुँ, पर ओइन्के लग फेन करथुँ, जेने यनके देहल सन्देशसे मोरिकमे विश्वास करहीँ। 21 ताकि ओइने सक्कु जाने एक हुई सेकिँत। जसिके हे बाबा, तैँ मोरिक संग एकतामे बते और मै तोरिक संग एकतामे बतुँ। ओस्तेके ओइने फेन हमार संग एकतामे होजाँइत, और तैँ महिन्हे पठैले कहिके संसारके मनै विश्वास करिँत। 22 जोन महिमा तैँ महिन्हे देले बते, वहे महिमा मै ओइन्हे देले बतुँ, ताकि जसिके हमार मन एक्के बा, ओस्तेके ओइन्के मन फेन एक्के होजाइन। 23 तैँ मोरिकमे और मै ओइन्केमे बतुँ ताकि ओइने पूरा रुपमे एक होजाँइत। जिहिसे संसारके मनै यी जानलिँत कि तहिँए महिन्हे पठैले, और तैँ ओइन्हे ओस्तेहेँ प्रेम कर्ले, जसिके महिन्हे कर्ले।

24 और जे परमेश्वरके आज्ञा पालन करत, ऊ परमेश्वरके संग और परमेश्वर ओकर संग एकतामे रथाँ। और वहे पवित्र आत्मा जोन ऊ हम्रिहिन्हे देले बताँ, उहिएसे हम्रे जन्थी कि परमेश्वर हमार संग एकतामे पलिरथाँ।

20 और हम्रे यी जन्थी कि परमेश्वरके छावा येशू ख्रीष्ट यी संसारमे अइलाँ। और ऊ हम्रिहिन्हे अक्किल देले बताँ ताकि हम्रे उ सच्चा परमेश्वरहे चिन्हे सेकी। और हम्रे सच्चा परमेश्वरके संग एकतामे रथी। काकरेकी हम्रे हुँकार छावा येशू ख्रीष्टके संग एकतामे रथी। वहे एकथो किल रहल सच्चा परमेश्वर हुइँत। और वहे सदाकालके जीवन फेन हुइँत।

13 यिहिएसे हम्रे जन्थी कि हम्रे परमेश्वरके संग एकतामे रथी, और ऊ हमार संग एकतामे रथाँ। काकरेकी ऊ अपन पवित्र आत्मा हम्रिहिन्हे देले बताँ।

परमेश्वरके प्रेम और हमार प्रेम

7 हे मोरिक प्रिय संघरियन, हम्रे एकदोसुर जहनसे प्रेम करी, काकरेकी प्रेम परमेश्वरके थेनसे आइत। जे दोसुर जहनहे प्रेम करत, उ परमेश्वरके लरका हो और उ परमेश्वरहे चिन्हत।

3 येशूक बारेमे हम्रे ज्या देख्ली और सुनल बती, ओक्रेहे हम्रे तुहुरिन्के थेन प्रचार करती, ताकि तुहुरे फेन हमार संग शामिल होजाऊ; और हमार यी सहभागिता परमेश्वर बाबक संग, और हुँकार छावा येशू ख्रीष्टके संग बा।

परमेश्वरके लरका

28 हे लरको, ख्रीष्टके संग एकतामे पलिरहो; ताकि जब ऊ प्रकट हुइहीँ, तब् हमारमे हिम्मत होए। और जब ऊ फेनदोस्रे देखा परहीँ, तब हुँकार आघे हमार लाज ना होए।

शान्ति और आनन्द

1 तबेकमारे विश्वासेके कारण परमेश्वर हम्रिहिन्हे धर्मी ठहरैलाँ। और प्रभु येशू ख्रीष्टके हमार लग कर्लक कामसे हमार सम्बन्ध परमेश्वरसे शान्तिपूर्ण हुइल बा। 2 हमार विश्वासके कारण ख्रीष्ट हम्रिहिन्हे अनुग्रहमे नानल बताँ, जहाँ अब्बे हम्रे ठरह्याइल बती। और निर्धक्क होके और आनन्दसे हम्रे परमेश्वरके महिमामे शामिल हुइना आशामे बती।

22 ख्रीष्टके खुन छिट्कलक कारण हमार मनके दोष हटके चलगिल बताँ, और हमार शरीर शुद्ध पानीलेके धोगिल बा। और हम्रे तयार करगिल बती। तबेकमारे आब आई, सच्चा मन और बल्गर विश्वाससे हम्रे परमेश्वरके थेन जाई।

7 तबेकमारे अपनहे परमेश्वरके अधिनमे धारो। और उ सक्कु काम करनासे अस्वीकार करदेऊ, जोन काम शैतान चाहत कि तुहुरे करो। तब ऊ तुहुरिन्के थेनसे भागजाई। 8 परमेश्वरके लग्गे आऊ, तब ऊ फेन तुहुरिन्के लग्गे अइहीँ। हे पापी मनै, अपन जीवनमेसे पापहे दूर कराऊ। हे मन बदल्ती रना मनै! तुहुरे अपन मन शुद्ध बनाऊ।