Comunhão com Deus
A comunhão com Deus é o propósito supremo da existência humana. Fomos criados para viver em intimidade com o Criador — e em Cristo, esse acesso é plenamente restaurado.
Em comunhão com Deus
Deus é fiel, pelo qual fostes chamados à comunhão de seu Filho. A comunhão com Deus é dom da graça e fruto da redenção.
परमेश्वर विश्वास इन लायक आन, याव नीमी तान पार नाम्द प्रभु यीशु मसीह इन संगत दा कारस्यान.
येन नीव जान्सालीर कि नीव परमेश्वर उन मंदिर हुईर, अदिक परमेश्वर उन आत्मा नीम दा वास माळतद?
यतिकी या प्रकार शरीर रा ऊंद आद अदिक अदुरव अंग हापाळ सा आव, अदिक आ ऊंद शरीर इन सप्पा अंग हापाळ आगदुर मा भी सप्पा मिलुसकु ऊंद अच शरीर आद, अदा प्रकार मसीह अन्द मय भी आद.
प्रभु यीशु मसीह अन अनुग्रह अदिक परमेश्वर उन प्यार अदिक पवित्र आत्मा अन सहभागीता नीम सप्पा मुंदुर सांगुळ आगतेला ईरूल.
अदिक मूर्तीगोळ्द सांगुळ परमेश्वर उन मंदिर इन येन संबंध? यतिकी नाव रा जित्ता परमेश्वर उन मंदिर हुयेव; ह्यांग परमेश्वर अंदान,
"ना आंदुर दा ईराइन
अदिक आंदुर दा नळुतोगाईन;
अदिक ना आंदुर परमेश्वर आगाईन,
अदिक आंदुर नान लॉकुर आदार."
इदुरसाटी अगर यावारा मसीह दा आन रा आव व्हाशोद दुनिया आन: हाळोद मातगोळ बितसेग्याव; नोळी, सप्पा मातगोळ व्हाशेव आगेग्याव. ईव सप्पा मातगोळ परमेश्वर उन दी टु आव, याव मसीह अन द्वारा तान सांगुळ नाम मेल-मिलाप माळ कोंडुन, अदिक मेल-मिलाप इन स्यावा नामी सौप्सदुन. मतलब परमेश्वर मसीह अन द्वारा तान सांगुळ दुनिया अन मेल-मिलाप माळ कोंडुन, अदिक आंदुर्द अपराधगोळ्द दोष आंदुर मा हचीदिल, अदिक आव मेल-मिलाप इन वचन नामी सौप्सदुन.
Presença divina
Eis que estou à porta e bato. O Senhor fez sua morada entre nós — e toda a criação é convidada à comunhão eterna.
नोळ, ना दरवाजा मा निदुरकु ठोक्सतिन; अगर यावारा नान शब्द केळकु दरवाजा तेरदान, रा ना आऊन हात्ती बुळ्क बंदकु आऊन सांगुळ ऊमाईन अदिक आव नान सांगुळ.
बाक ना सिंहासन दा टु यावारा अक धोळ शब्द देल ईद अनतेला केळदीन, "नोळ, परमेश्वर उन ड्यारा मंळसागोळ्द न्याड्या दा आद. आव आंदुर सांगुळ ड्यारा माळ्यान, अदिक आंदुर आऊन लॉकुर आदार, अदिक परमेश्वर खुद आंदुर सांगुळ ईत्तान अदिक आंदुर परमेश्वर आदान.
अदिक ना इस्त्राएलीगोळ न्याड्या निवास माळाईन, अदिक आंदुर परमेश्वर ठहरूसाईन."
यतिकी येल येढ्ढ या मुर मुंदुर नान हेसुर मा जमा आगतार, अल ना आंदुर न्याड्या दा ईरतीन."
"ना सिर्फ इंदुर्दा साटी विनती माळालीन, लेकीन आंदुर साटी भी जो इंदुर वचन इन द्वारा नान मा विश्वास माळ्यार, कि आंदुर सप्पा ऊंद आगुल; ह्यांग नी हे आप्प नान दा आय, अदिक ना नीन दा आईन, हांग अच आंदुर भी नाम दा आगुल, यार से दुनिया विश्वास माळुल कि नी अच नानी कळ्या. अद महिमा जो नी नानी कोट्या ना आंदरी अद कोट्टीन, कि आंदुर हांग अच ऊंद आगुल ह्यांग कि नाव ऊंद आयेव, ना आंदुर दा अदिक नी नान दा कि आंदुर सिद्ध आगकु ऊंद आगेगुल, अदिक दुनिया जानसुल कि नी अच नानी कळ्या, अदिक ह्यांग नी नान से प्यार ईट्द हांग अच आंदुर से प्यार ईट्द.
Viver na comunhão
Quem permanece nele e ele no Senhor, esse dá muito fruto. A comunhão com Deus produz transformação e alegria.
जो परमेश्वर उन आग्यागोळ इक मान्सतान, आव परमेश्वर दा अदिक परमेश्वर आंदुर दा बन्सकु ईरतान: अदिक इदुर देल अच, मतलब आ आत्मा देल जो परमेश्वर नामी कोटान, नाव जान्सतेव कि परमेश्वर नाम दा बन्सकु ईरतान.
नाव ईद भी जान्सतेव कि परमेश्वर उन पार होट बंदान अदिक आव नामी समझ कोटान कि नाव आ सही परमेश्वर उक अरतेव; अदिक नाव अदुर दा जो सच्चाई आद, मतलब आऊन पार यीशु मसीह दा ईरतेव. खरा परमेश्वर अदिक अनन्त जीवन ईदा हुन.
इदुर देल अच नाव जान्सतेव कि नाव आऊन दा बन्सकु ईरतेव, अदिक आव नाम दा; यतिकी आव तान आत्मा नामी कोटान.
हे प्रिय, नाव आबुर दाबुर दा प्यार ईट्टेव, यतिकी प्यार परमेश्वर से आद, जो यावारा प्यार माळतान, आव परमेश्वर से पैदा आग्यान अदिक परमेश्वर उक जान्सतान.
जो येनारा नाव नोळेव अदिक केळेव अदुर्द समाचार नीमी भी कोळतेव, इदुरसाटी कि नीव भी नाम सांगुळ सहभागी आगी; अदिक नाम्द ईद सहभागीता आप्प उन सांगुळ अदिक आऊन पार यीशु मसीह अन सांगुळ आद.
इदुरसाटी हे चिकोरा, अदुर्दा बन्सकु ईरी कि याग आव प्रगट आदान रा नाम दा हिम्मत ईरूल, अदिक नाव आऊन बंदुर मा आऊन मुंद नाच्कतिदिल.
ईग जो नाव तान विश्वास इन कारण परमेश्वर उन मुंद न्यायी ठहरूसेव, रा नाम प्रभु यीशु मसीह अन कारण परमेश्वर नामी शांती कोटान. अदिक ईग आऊंदा द्वारा विश्वास इन कारण नाव परमेश्वर उन अनुग्रह दा जीवन व्यतीत माळतेव. अदिक नाव आ आशा मा घमण्ड माळतेव यदुर द्वारा नामी परमेश्वर उन महिमा अन सांगुळ भागीदारी सिक्याद.
रा बरी, नाव खरा मन अदिक पुरा विश्वास इन सांगुळ, अदिक नामी मन इन दोष इन भावनागोळी शुद्ध माळोर साटी अदिक दिल मा रक्ता छिळकुसकु, अदिक शरीर इक शुद्ध नीर देल तोळकु परमेश्वर उन हात्ती होदेव.
इदुरसाटी परमेश्वर उन हात्ती आगेगी; अदिक शैतान उन सामना माळी, रा अद नीम्द हात्ती टु ओळकु होदित. परमेश्वर उन हात्ती बरी रा आव भी नीम्द हात्ती बंदान. हे पापीगोळा, तान कय तोळ कोमी; अदिक हे पाखंडी लॉकुरा, तान मन इक शुद्ध माळी.