Comunhão com Deus
A comunhão com Deus é o propósito supremo da existência humana. Fomos criados para viver em intimidade com o Criador — e em Cristo, esse acesso é plenamente restaurado.
Em comunhão com Deus
Deus é fiel, pelo qual fostes chamados à comunhão de seu Filho. A comunhão com Deus é dom da graça e fruto da redenção.
Njambi uapua ua kulongua uje muli ikeye vamisanene kupua vumo na munendi Yesu Kilistu Muene uetu.
Nkuma yeni kumuazivukile ngeci muapua mu njivo ya Njambi, kaha ngeci Cimbembesi ua Njambi uakala muli yeni ndi?
Muomu ngue muje vene muvila uapua umo lika kaha uakala na vilio viavingi, kaha vilio via muvila vioshe cipuevene viapua viavingi, vuno honi viapua muvila umo lika, kaha mukemo vene mucafua na Kilistu.
Kavumbi ka Muene Yesu Kilistu na cizango ca Njambi na kulitombola ca Cimbembesi Uakulela vikale neni voshe.
Nkuma Njivo ya Njambi ili na litavasano muka na tumponia? Muomu yetu tunapu Njivo ya Njambi, Njambi ua kuyoya, ngue muje muahandekele Njambi nguendi,
"Njikakala muli vakevo
nakuenda hakati kavo,
kaha njikapua Njambi yavo,
kaha navo vakapua vantu vange."
Nankuma, nga kuli umo uje ali muli Kilistu, kaha napu kutanga ca ciha. Kaha via laja vinahiti, taleni, viavihia vineja. Vioshe evi vihuma kuli Njambi, uje kuhitila muli Kilistu uatukonekelele linga tuije kuli ikeye kaha uatuhanene cipangi ca kulikonekela umo na mukuovo. Kaha kuhitila muli Kilistu, Njambi uakonekelele mavu naku aneha kuli ikeye vavenia cakuhona kutanda milonga yavo ije yakuvaluisa nayo kaha nakundika kuli yetu muzimbu uakulikonekela umo na mukuavo.
Presença divina
Eis que estou à porta e bato. O Senhor fez sua morada entre nós — e toda a criação é convidada à comunhão eterna.
Tala! Njinemana ku cikolo na kutota, nga kuli umo evua lizi liange na kushokolola cikolo, njikakovela na kulia nendi, kaha nendi naua akalia nange.
Kaha njevuile lizi litambeka kuhuma ha litanda ngualio, "Taleni, mbalaka ya Njambi ili hamo na vantu. Akakala hamo navo, kaha vakapua vantu vendi, na Njambi vavenia akakala hamo navo.
Muomu kuje kunakungulukila vavali cipue vatatu mu lizina liange, kuje vene nange naua njili hakati kavo."
"Kunjilombo muomu yavo lika, vuno honi kuli voshe vaje vatsiliela muli yange kuhitila mu mezi avo, linga voshe vapue vamo lika. Ngue omo yove, Tate, uakala muli yange nange naua njakala muli yove, kaha na vakevo vakale muli yetu, linga vaka mavu vatsiliele nguavo yove uanjitumine. Vumpau vuje vuuanjihanene njavahanako navo, linga vapue vamolika, omo yetu tuapua umolika, yange muli vakevo kaha yove muli yange, kaha navo vapue vantu vamolika mu vusunga, linga vaka mavu vazivuke nguavo yove uanjitumine kaha uavazanga ngue muje muuazangela yange.
Viver na comunhão
Quem permanece nele e ele no Senhor, esse dá muito fruto. A comunhão com Deus produz transformação e alegria.
Voshe vaje vaniunga mashiko endi vakala muli ikeye, kaha nendi akala muli vakevo. Kaha hali eci tuazivuka nguetu uakala muli yetu kuhitila mu Cimbembesi uje uatuhanene.
Kaha tuazivuka nguetu Muna Njambi neja kaha natuhana kuvuisisa, linga tumuzivuke uje ua vusunga, kaha tuli muli ikeye uje ua vusunga, muli Munendi Yesu Kilistu. Ou ikeye Njambi ua vusunga na muono uayaye.
Hali eci mukemo tuzivuka nguetu tuakala muli ikeye kaha na ikeye uakala muli yetu, muomu na tuhana Cimbembesi uendi vavenia.
Vamuanetu vanjazanga, tuyeni tulizange umo na mukuavo, muomu cizango cahuma kuli Njambi, kaha uoshe uakala na cizango uasemuka kuli Njambi kaha azivuka Njambi.
Vije vitunamono nakuivua tuli na kuviambulula naua na kuli yeni linga mukapangele hamo netu, na vipangi vietu vili na Tate na Munendi Yesu Kilistu.
Kaha honi yeni vanike vavandende kaleni muli ikeye, linga omo akasholoka tukakale na kusimpa kaha keti tukevue shuamua hakuija cendi.
Nankuma, muomu vanatupuisa vaka vusunga ku mesho a Njambi kuhitila mu lutsilielo, kaha tuli mu ciyulo na Njambi hali Muene uetu Yesu Kilistu. Hali ikeye natulingisa linga tuzivuke kavumbi ka Njambi, kaje tuli nakuyoyelamo hano. Kaha tulina kulihalesa ha kutsiliela kua vumpau vua Njambi!
tushueneni muyehi na mutima ua vusunga mukushula na vusunga vua lutsilielo, na mitima yetu ije ivanalelesa ku mana a vupi na mivila yetu ije ivanakushu na mema akulela.
Nankuma, lihaneni yeni vavenia kuli Njambi. Luiseni Liyavolo kaha akateua kuli yeni. Shueneni kuyehi na Njambi kaha na ikeye akashuena kuyehi neni. Leleseni mavoko eni, yeni vaka vupi, kaha leleseni mitima yeni, yeni vantu va mitima ivali.