9 जिये तियाआ बेटुह्हू ईसु ख्रिस्त, आपाआ प्रभुउ संगतीमेहें तुमुहूं हाद्ये, तो देव खोरु होय.

16 तुमू देवोअ मंदिर होय आन देवोअ आत्मा तुमामेहें रोहे ओं तुमुहूं नाहां मुंदू के?

12 काहाके जेहें कोइत डिल एक होय आन तियाआ भाग जाअखीलाहा होय, आन तिया डिलोअ जाअखिलाहा भाग होय तेबी आखा भाग मिलीत एक डिल होय, तेहेंज कोइत ख्रिस्त बी होय.

14 प्रभु ईसु ख्रिस्ताआ मेरवानी आन देवोअ मेर आन पवित्र आत्माआं हाजी संगती तुमा आखाअरी रोअहूं जोवे. आमेन.

16 देवोअ मंदिरोअरी मुर्तीइ कि सबंध? काहाके आपू तोम जिवता देवोअ मंदिर होय; जेहलोहो देवे कोयोहो,

"आंय तियांमेहें वोहती कोअहीं

आन तियांमेहें सालीहीं फिरीहीं;

आंय तियांआं देव ओविहीं

आन तें माआं माअहें बोणे."✝

17 तियाहा काजे जर एखू ख्रिस्तामेहें ओय, ताहां तों नोवो बोण्योहों; जुनी गोठी जाती रोयी; पाला, आखी गोठी नोवी ओत गोयीही. 18 ए आखी गोठी देवोप रोत ओवीही, तियेज ख्रिस्ता वाअहीं सोताअरी आपाआ होमजोण कोअयी आन बिहीराहा बी तियाअरी होमजोण कोइलोअ काम आपुहूं होप्योहो. 19 मोन्ज्ये देव दुन्याआ गुनाआं ईसाब दुन्यापोअ ने लेदू, पोन ख्रिस्ता वाअहीं तिये सोताअरी होमजोण कोअयी, आन तों होमजोण कोइलोअ काम आपुहूं होप्योहो.

20 पाल! आंय बाअपुरे उबू रोत बाअणो ठोक्या कोअहो; जर एखू माआं आवाज उनाइत कोइत बाआ उगाड़े, ताहां आंय तियाआ जागे मायते आवीत कोइत तियाअरी रोटू खाहीं आन तो माअरी खाय.

3 ताहां आंय राजगादीइहीं रोत निहींल्या एका आवाजोहो उनाअयू, "पाला, देवोअ वोहती माअहोंअ विसमेहें होय. तो तियांआं विसमेहें रोय, आन तें तियाआ माहें बोणे आन देव सोताहा तियांआं विसमेहें रोत कोइत तियांआं देव बोणे.✝

45 आन आंय इस्राएलोअ विसमेहें रोहीं, आन तियांआं देव बोणिहीं.

20 काहाके जिहीं बेन नेताहां तीन माआं नावोमेहें टोलू ओवतेहे, तिहीं आंय तियांआं विसमेहें रोहो."

20 "आंय निस्तु तियांआंज काजे प्रार्थना नाहां कोअतू, पोन तियां काजे बी जे यांआं वसनोवाअहीं मापोअ विश्वास कोअनारे, 21 के ते आखे एक ओवुहूं जोवे; जेहेंकोइत तू ए बा मामेहें होय, आन आंय तामेहें होय, तेहेंज कोइत ते बी आपामेहें रोअहूं जोवे, जियावाअहीं दुन्या विश्वास कोए के तुमेज माहूं मोकल्युहू. 22 ते महिमा जे तुमे माहूं आप्यी आंय तियांहां आप्यीही, के ते तेहेंज कोइत एक रोअहूं जोवे जेहेंकोइत के आपू एक होय, 23 आंय तियांमेहें रोहीं आन तू मामेहें रोही जिया वाअहीं के ते पुरे ओत कोइत एक ओत जाय, आन दुन्या ओलखे के तुमेज माहूं मोकल्यू, आन जाईंत लेय के तुमे मापोअ मेर कोअयिही आन तेहेंज कोइत तियांपोअ बी मेर कोअल्यी.

24 जों देवोअ आदेशोअ पालन कोहे तों देवोअरी रोहे, आन देव तियाअरी रोहे. आन तिये जो पवित्र आत्मा आपुहूं आप्युहू तिया वाअहीं आपुहूं मुंदू जाहे के देव आपाअरी रोहे.

20 आन आपुहूं ओं बी मुंदू होय के, देवोअ बेटुह्हू आवित लागुहू आन तिये आपुहूं एहलीही ओकल आप्यीही, के आपू तिया खोरला देवोहो ओलखीत सेको, आन आपू जें तिया खोरला देवोमेहें रोतेहे मोन्ज्ये देवोअ बेटाह्हा ईसु ख्रिस्तामेहें रोतेहे. ओज खोरलु देव आन तोज अमर जिवन होय.

13 इंहींज वाईं आपुहूं समजाअहे के देव आपामेहें रोहे आन आपू तियामेहें रोतेहे; काहाके तिये सोताआ आत्मा आपामेहें मिक्युहू.

7 मेराला दोस्तां, आपू एकमेकापोअ मेर कोअहूं जोवे, काहाके मेर देवोअहें रोत होय. जों कोडो मेर कोअहे, तों देवोअ उबज्योहो आन तों देवोहो ओलखेहे.

3 जो कि बी आमू देख्योहो आन उनाअयाहा तियाआ खबर तुमुहूं बी आपताहा. याअकाजे के, तुमू बी आमाअरी हेंगात बोणुहूं जोवे; आन आमाअ ए हेंगात आब्हाअरी आन तियाआ बेटाह्हा ईसु ख्रिस्त याअरी होय.

28 ताहां, माअ पोर्‍यां, तुमू तियाअरी जुड़ात रोवा, ताहां ख्रिस्त प्रगट ओवे तेहेलाम आपुहूं वोडी हिम्मत जोड़ुहूं जोवे आन तो प्रगट ओवे तेहेलाम आपुहूं लाज ने आवुहूं जोवे.

1 ताहां ओमे जाहां आपू विश्वासो वाईं देवोअरी धर्मी ठऱ्येहे, ताहां प्रभु ईसु ख्रिस्ता वाअहीं देवोअरी आपाआ होक होये. 2 जियी मेरवानीम आपू जिवतेहे, तियी देवोअ मेरवानीइं वोजेसे तिये विश्वासोवाईं आपुहूं प्रवेश बी आप्युहू, आन आपू देवोअ महिमा वाअहीं आशा पोअ वोडाय कोअतेहे.

22 ताहां साला, आपू खोरा मोनोवाअहीं आन पुरा विश्वासोवाअहीं, बुद्दीइ दोश दुर कोइलोअ काजेहे मोन हितड़ावल्यो आन सोका पाअयों वाअहीं तुवल्यो शरीर लेत कोइत देवोअ आहने आवा.

7 तियाहा काजे देवोअ आथम होपात जावा; आन सैतानोहो रुका, ताहां तो तुमाआं जागे रोत नाहींत जाय. 8 देवोअ जागे आवा, ताहां तो बी तुमाआं जागे आवे. ए पाप्यों, तुमाआं आथ सोका कोआ, ए बेन मुंड्या माअहों, सोताआ मोन सोको कोआ.