Comunhão com Deus

9 သူ့ရဲ့ သားတော်ဖြစ်ဟှူ နို့လေရဲ့ သခင် ယေရှုခရစ်တော်ရဲ့ မိတ်သဟာယဖွဲ့ရှင်း ထဲဟှို နန်းနို့လေဟှို ခေါ်တော်မူဟှူ ဘုရားသခင်ဟှာ သစ်စာန ပ္လဲ့ဇောင်တော်မူလေဟှယ်။

16 ✝နန်းနို့လေဟှာ ဘုရားသခင်ရဲ့ ဗိမာန်တော် ဖြစ်ဟှယ် ဆိုဟှူဇာန ဘုရားသခင်ရဲ့ ဝိညာဉ်တော်ဟှာ နန်းနို့လေထဲမာ ကိန်းဝပ်နေဟှယ် ဆိုဇာဟှို နန်းနို့လေ သိဂေ့ဟှလော။

အင်္ဂါစိပိုင်းလေရှိဟှူ ကိုယ်ခန္ဓာကြောန်း

12 ✝ခရစ်တော်ဟှာ အင်္ဂါစိပိုင်းလေဘောင်ဂီးရှိဟှူ ကိုယ်ခန္ဓာနတူဟှယ်။ ကိုယ်ခန္ဓာမာ အင်္ဂါစိပိုင်းလေ ဘောင်ဂီးရှိဟှူလည်းဘဲ့ ကိုယ်တကိုယ်ဒဲဘဲ့ ဖြစ်ဟှယ်။

14 သခင်ယေရှုခရစ်တော်ရဲ့ ကျေးဇူးတော်၊ ဘုရားသခင်ရဲ့ မြစ်တာတော်န၊ သန့်ရှင်းဟှူဝိညာဉ်တော်ရဲ့ မိတ်သဟာယလေဟှာ နန်းနို့လေ ဂူလောင်းနတူးဒူ ရှိပါစေ။

16 ✝ဘုရားသခင်ရဲ့ ဗိမာန်တော်ဟှာ ရောက်ထုလေန ဖယ်မျိုး ဘောတူညီချစ် ရနိုင်ဟှို့နူး။ နို့လေဟှာ သတ်ရှင်ဟှူ ဘုရားသခင်ရဲ့ ဗိမာန်တော် ဖြစ်ဂေ့ဟှယ်။ ဘုရားသခင်ဟှ၊

"ငါဟှာ ငါ့ရဲ့ လူစုထဲမာ ကိန်းဝပ်မယ်။ သူးနို့နားမာ နေမယ်။

ငါဟှာ သူးနို့ရဲ့ ဘုရားသခင်ဖြစ်ဘီး သူးနို့ဟှလည်း ငါ့ရဲ့ လူမျိုးစု ဖြစ်ဂေ့လေ့မယ်၊"

17 ခရစ်တော်နှိုက် တလောင်းတဝဒဲ ရှိဟှူလူဟှာ သတ္တဝါသစ် ဖြစ်ဟှယ်။ သူဟှာ ဘဝဟောန်းဟှို စွန့်ဘီးဟှာ ဘဝသစ်ဟှို ဝမ်စားဟှယ်။ 18 အယ်မှုလေဟှာ ဘုရားသခင်ရဲ့ တဂိုးကြောန့် ဖြစ်ဟှယ်။ ဘုရားသခင်ဟှာ နို့လေဟှို သူ့ရဲ့ ရန်သူဟှနေဘီးဟှာ ခရစ်တော်အားဖြင့် မိဆွေဖြစ်ဟှို့တွပ် ပ္လောန်းလဲပေးဘီး ကိုယ်တော်န ပ္လန်ဘီးဟှာ သင့်မြတ်စေဟှယ်။ အယ် သင့်မြတ်ဇာနဆိုင်ဟှူ မှုဆောန်ဟှိုတွပ် တာဝန်ဟှို နို့လေဟှို ပေးအပ်လေဟှယ်။ 19 ဘုရားသခင်ဟှာ ခရစ်တော်အားဖြင့် လောကသား ဂူလောင်းဟှို သူ့ရဲ့ မိဆွေလေ ဖြစ်စေရှင်းဟှာ နို့လေရဲ့ တရားဖြစ်ဟှယ်။* ကိုယ်တော်ဟှာ လူသားလေရဲ့ ပြစ်လေဟှို မှတ်ဟှားဟှ။ လူသားလေဟှို ကိုယ်တော်နပ္လန်ဘီး သင့်မြတ်စေဟှူ တရားဟှို နို့လေဟှို အပ်ပေးဟှားဟှယ်။

20 နားထောန်ဂေ့။ ငါဟှာ ခွဗော့-က်ရှေ့မာ ရပ်ဘီး ခေါ့-က်ဘီးနေဟှယ်။ ဖယ်သူမဆို ငါ့ရဲ့သံဟှို ကြားဘီး ခွဗော့-က်ခွမ့်မယ် ဆိုဟှာ အယ်လူရှိဟှူ နေရာဟှို ဝမ်ဘီး သူ့နတူးဒူ စာစားမယ်။ သူဟှလည်း ငါ့နတူးဒူ စားသော့-က်ရလေ့မယ်။

3 အယ်ဘီးန ပလ္လင်ထဲဟှ ရရာတိုင်း က္လယ်ဟှူသံဟှ "ကေ့ကေ့ပါ။ ဘုရားသခင်နေဟှူ တဲတော်ဟှာ လူလေထဲမာရှိဘီး ကိုယ်တော်ဟှာ သူးနို့နတူးဒူ စံမြန်းမယ်။ သူးနို့ဟှလည်း ကိုယ်တော်ရဲ့ လူမျိုးတော်ဖြစ်ဂေ့ဘီး၊ ဘုရားသခင်ကိုယ်တိုင် သူးနို့လေနရှိဘီး သူးနို့လေရဲ့ ဘုရားသခင် ဖြစ်တော်မူမယ်။

20 ဖြားဖြစ်ကြောန့်နူးဆိုဟှာ လူနှေ့ယော့-က်၊ သောင်းယော့-က်ဟှာ ငါ့ရဲ့ နာမဟှို အားကိုးဘီး စုဝေးနေဟှူ နေရာလေမာ ငါဟှာ သူးနို့နတူးဒူး ရှိနေမယ်။"

20 "ကျွန်တော်ဟှာ သူးနို့တွပ်ဘဲ့မှုဘဲန သူးနို့ဟောပြောဟှူ တရားစကားအားဖြင့် ကျွန်တော့်ဟှို ယောင်ကြည်ဟှူ လူလေတွပ်လည်း တောန်းလျှော့-က်ဟှယ်။ 21 သူးနို့လေ ဂူလောင်းဟှာ တလောင်းတဝဒဲ ဖြစ်စေဟှို့ ကျွန်တော်ဆုတောန်းဟှယ်။ ဖ! ကိုယ်တော်ဟှာ ကျွန်တော့်ထဲမာရှိဘီး ကျွန်တော်ဟှာလည်း ကိုယ်တော်ထဲမာ ရှိနေမျိုးဘဲ့ သူးနို့ဟှိုလည်း ကျွန်တော့်ဟှားလေထဲမာ ရှိတော်မူစေပါ။ ကျွန်တော့်ဟှို ကိုယ်တော်စေလွှတ်တော်မူဟှယ် ဆိုဇာဟှို လောကသားလေ ယောင်ကြည်လာစေဟှို့တွပ် သူးနို့ဟှို တလောင်းတဝဒဲ ဖြစ်စေတော်မူပါ။ 22 ကိုယ်တော်န ကျွန်တော်ဟှာ တလောင်းတဝဒဲ ဖြစ်မျိုးဘဲ့ သူးနို့ဟှိုလည်း တလောင်းတဝဒဲ ဖြစ်စေဟှို့တွပ် ကျွန်တော်ဟှို ကိုယ်တော်ပေးတော်မူဟှူ ဖောင်းသရေတော်ဟှို သူးနို့ဟှိုလည်း ပေးတော်မူဘီ။ 23 ကျွန်တော်ဟှာ သူးနို့ထဲမာရှိဘီး ကိုယ်တော်ဟှာ ကျွန်တော်ထဲမာ ရှိပါဟှယ်။ သူးနို့ဟှို တလောင်းတဝဒဲ ပ္လဲ့ဇောင်စေဟှို့တွပ် ကိုယ်တော်ဟှာ ကျွန်တော့်ဟှို စေလွှတ်တော်မူကြောန်းန ကျွန်တော့်ဟှို ရှစ်မျိုးဘဲ့ သူးနို့ဟှိုလည်း ရှစ်တော်မူကြောန်းဟှို လောကသားလေဟှာ သိရှိစေဟှို့ဖြစ်ဟှယ်။

24 ဘုရားသခင်ရဲ့ ပညတ်တော်လေဟှို စောန့်ဟှူလူဟှာ ဘုရားသခင်န တလောင်းတဝဒဲဖြစ်ဘီး ဘုရားသခင်ဟှလည်း အယ်လူန တလောင်းတဝဒဲ ဖြစ်ဟှယ်။ အယ်မျိုး ဖြစ်ဟှူကြောန်းဟှို ကိုယ်တော်ပေးဟှားဟှူ ဝိညာဉ်တော်ကြောန့် နို့လေ သိဂေ့ဟှယ်။

20 ဘုရားသခင်ရဲ့ သားတော်ဟှာ လောကဟှို ကြွလာဘီးဟှာ နို့လေဟှို ဘုရားစစ်ဘုရားမှန်ဟှို သိနိုင်ဟှူဉာဏ်ဟှို ပေးဟှူကြောန့် နို့လေဟှ သိရဟှယ်။ နို့လေဟှာ ဘုရားသခင်ရဲ့ သားတော် ယေရှုခရစ်နရော၊ ဘုရားစစ် ဘုရားမှန်ဖြစ်ဟှူ ဘုရားသခင်နရော၊ တလောင်းတဝဒဲ ရှိဂေ့ဟှယ်။ ကိုယ်တော်ဟှာ ဘုရားစစ်ဘုရားမှန် ဖြစ်ဟှယ်။ ထာဝရသတ်လည်း ဖြစ်ဟှယ်။

13 ဘုရားသခင်ဟှာ သူ့ရဲ့ ဝိညာဉ်တော်ဟှို နို့လေဟှို ပေးဟှူကြောန့် နို့လေဟှာ ဘုရားသခင်မာတည်ဘီး ဘုရားသခင်ဟှလည်း နို့လေမာ တည်နေဟှူကြောန်းဟှို နို့လေ သိဂေ့ဟှယ်။

ဘုရားသခင်ဟှာ ရှစ်ရှင်းမြစ်တာဖြစ်ကြောန်း

7 ရှစ်ရဟှူသူလေ၊ နို့လေဟှာ ရှင်းရှင်းရှစ်ဂေ့ဇို့။ ဖြားဖြစ်ကြောန့်နူးဆိုဟှာ ရှစ်ရှင်းမြစ်တာဟှာ ဘုရားသခင်န ဆိုင်ဟှူကြောန့် ရှစ်တတ်ဟှူလူဟှာ ဘုရားသခင်ဟှနေ ပေါ့-က်လာဟှူ သားမီးလေဖြစ်ဟှယ်။ ဘုရားသခင်ဟှိုသိဟှူ လူလည်းဖြစ်ဟှယ်။

3 နို့လေဟှာ ဖနရော၊ သားတော် ယေရှုခရစ်နရော၊ မိတ်သဟာယဖွဲ့ရဂေ့ဟှူကြောန့် နန်းနို့ဟှလည်း နို့လေနတူးဒူ အယ်မိတ်သဟာယမာ ပါဝမ်ခွမ့် ရဂေ့ဟှို့တွပ် နို့လေ ဗြင်ရကြားရဟှူ ဇာလေဟှို နန်းနို့ဟှို ဖော်ပြဟှယ်။

28 သားမီးလေ၊ ကိုယ်တော်ကြွလာဟှူနေ့မာ နို့လေဟှာ ရှစ်ကြော့-က်ရှင်းမှေ့ဘဲ့ ရှေ့တော်မာ ရဲရဲရင့်ရင့်ဖြစ်ဟှို့တွပ် ကိုယ်တော်န တလောင်းတဝဒဲ ရှိနေဂေ့ပါ။

ယောင်ကြည်ရှင်းအားဖြင့် ဘုရားသခင်နှိုက်ငြီသတ်ရှင်း

1 အယ်ကြောန့် ယောင်ကြည်ရှင်းအားဖြင့် ဖြောန့်မတ်ဟှယ် ဆိုဘီး သိမှတ်ပြုခံရဟှူ နို့လေဟှာ သခင်ယေရှုခရစ်တော်အားဖြင့် ဘုရားသခင်ရဲ့ ငြီသတ်ရှင်းဟှို ရရှိဂေ့ဟှယ်။* 2 အယ်သခင်ဟှို နို့လေယောင်ကြည်ဂေ့ကြောန့် အယ်မျိုး ကျေးဇူးတော်ဟှို ခံစားရဟှူဇာ ဖြစ်ဟှယ်။ အယ်ကြောန့် ဘုရားသခင်ရဲ့ ဖောင်းသရေတော်ဟှို မျှော်လင့်ဘီးဟှာ နို့လေ ဝါကြွားဘီး ဝမ်းမြော့-က်ဂေ့ဟှယ်!*

22 နို့လေရဲ့ စိနှလောင်းဟှို ဆိုးညစ်ဟှူ စိသဘောန ကင်းစေဟှို့တွပ် ပတ်ဖျမ်းရှင်းဟှို ခံယူဘီး ကိုယ်ခန္ဓာဟှိုလည်း စင်ကြယ်ဟှူ ရေအားဖြင့် ဆေးကြောဘီး ယောင်ကြည်ရှင်းနဆိုင်ဟှူ စိခ္လမှု ပ္လဲ့ပ္လဲ့ဝဝန မှန်ကန်ဟှူ စိနှလောင်းအားဖြင့် ဘုရားသခင်နားဟှို တိုးဝမ်ဂေ့ဇို့။

7 အယ်ကြောန့် ဘုရားသခင်ရဲ့ လိုတော်ဟှို လိုက်ဂေ့ပါ။ မာရ်နတ်ဟှို ဆီးတာဂေ့ပါ။ အယ်မျိုးလောက်မယ် ဆိုဟှာ သူဟှာ နန်းနို့နားဟှနေဘီးဟှာ ထွပ်ပ္လေးဟှားလေ့မယ်။ 8 ဘုရားသခင်နားဟှို သွားဂေ့။ အယ်မျိုးဆိုဟှာ ကိုယ်တော်ဟှာ နန်းနို့နားဟှို ကြွလာလေ့မယ်။ ပြစ်ကျူးလွန်ဟှူလူလေ၊ နန်းနို့လတ်လေဟှို ဆေးဂေ့ပါ။ မာနကီးဟှူလူလေ၊ နန်းနို့လေရဲ့ စိနှလောင်းဟှို သန့်ရှင်းစင်ကြယ်အောန်လောက်ဂေ့ပါ။