Comunhão com Deus
A comunhão com Deus é o propósito supremo da existência humana. Fomos criados para viver em intimidade com o Criador — e em Cristo, esse acesso é plenamente restaurado.
Em comunhão com Deus
Deus é fiel, pelo qual fostes chamados à comunhão de seu Filho. A comunhão com Deus é dom da graça e fruto da redenção.
Shekwoyi n wo la fye yì fyi n ɓwadodna n kwnusnu n əwo Nugwnui, Yeisu Kirisiti əyi Dagayi nyi, wo zhni gbenui nu.
Fye ta kpəlo nge əfye n əfyehni, fye zhni Shekwoyi Dagayipwuwa nu jesnu nge Shekwoyi Zafnu dnalo n fye m?
La ɓədogbe ń nayii, kwo shikwonyi kwo zhni gbmanyi nu, ama kwo n agai fyilo n mwa bəgyé, jesnu əkwo aga bəgyé fyilo n nayi gbmanyi nu. To, kwo ɓwa wulo nlonu dna n Kirisiti.
Fa shebmyashi Dagayi Yeisu Kirisiti nya, n yeye Shekwoyi nyai, n jedoɓəzhni Zafnu Gyigyiyi nyai ɓa kwnusnu n əfyei vnyanya.
Dagayipwuwa n knyi ɓəgbedoloi nu lo n ashnapwuwai a? Ntuge əyi nu zhni Dagayipwuwa Shekwoyi wyewyeyida nya. Shi Shekwoyi kwu da nyi:
"Mi ɓa sase n ɓai jesnu ma znazna dna n əɓa atasni,
jesnu mi ɓaa zhni əɓa Shekwoyi,
jesnu ɓa ɓá kwu zhni əmi aza."
Ntucenu, ngye zahozahoyi dnalo n Kirisiti, shnazhni woiwoyi n la ɓe, aɓo akwokwoyi ɓa la duya aɓo awoiwoyi n kwu ɓe! Aɓo ye vnyanya ɓa kwnu n Shekwoyi nu, n wo lá əwohni aɓəwnazhi n yii dna n Kirisiti nyi, jesnu waa ga yi ɓəvyitnutnu aɓəwnazhi nya nyi. Nge Shekwoyi ɓə gnyi woi ye anyì ɓədo əwohni nu dna n Kirisiti, toge woi ba aza aleifyi kpe ɓa m. Njesnu wo lá ɓəvyitnutnu aɓəwnazhi nya fnyi yi aɓwa.
Presença divina
Eis que estou à porta e bato. O Senhor fez sua morada entre nós — e toda a criação é convidada à comunhão eterna.
Mi gnyi nyi n ya! Mi gnyi n abwokwnumi nu mii je kpakwo. Zahozahoyi n wa wo əmi bəgye waa gwu kpakwo ya, mi ɓa loɓe da wo, ma kwnu nyagyi gyi n woi, əwohni ce n kwnusnu n mii.
Jesnu ma wo bəgye n latu kwoi gbmi n əbeshnikpegye kwoi gna, "Shiawye! Nsaiye Shekwoyi aseseba kwo la kwnusnu n azanyikwocii, jesnu wo ɓa kwnudna n ɓai. Ɓa ɓə kwu zhni əwo aza, jesnu Shekwoyi n əwohni tukwoi wo ɓə kwnusnu n ɓai woi la zhni əɓa Shekwoyi.
Ntuge aba ń aza ngwnu-aba kwo ngwnu-ata ɓa yezhi dna n əmi əye, mi kwnusnu lo n ɓai n abaayi."
"Əmi aduwazhni to ɓwasnu ntu n əɓa ɓo nu gbmanyi m. Mi zhniaduwa ntu n aza yi ɓo nu ce n ɓa ɓəə ga gaiciya ntu n əɓa ɓəda ɓo nyi, nabai əɓa vnyanya ɓai kwu zè gbmanyi. Dada, n ɓwasnu shi ho dnalo n mi, əmihni ce n dna ń ho nyi, fa ɓa kwu fyi ce n yi, nabai anyìmi ɓa ga gaiciya ge əho nu ɓə tnu n mii. Latu ń ho ɓə ga mi nyi, mi la ga ɓa, nabai ɓa kwu zè gbmanyi ngye shi yi zhni gbmanyi nu nyi; Əmi n dna ń ɓa, jesnu əho ń dna əmi; nabai n ɓa ɓə kwu lofyi n gbedogwnu nunui. Nlonu n anyì ɓə kpe nge əho nu ɓə tnu n mii, jesnu ho kwu yeye wu ɓai n ɓwasnu shi ho kwu yeye wu mi nyi.
Viver na comunhão
Quem permanece nele e ele no Senhor, esse dá muito fruto. A comunhão com Deus produz transformação e alegria.
Əza n wa shi Shekwoyi ɓəgbetu əɓwa, wo gyianyì dnalo nu n Shekwoyi, n kasnu ce, Shekwoyi dnalo n wo. Nlai nu n yi ɓa kpəge wo gyianyì dnalo n yi: Yi kpe əkwo əye n Zafnui nu n wo ɓə ga yi nyi.
Yi kpəlo nge Shekwoyi Nugwnu wo la ɓe, wo la awyega ga yi, nabai n yi ɓa myi ya kpé əwo əye, n wo zhni gaiciya nyi. Njesnu yi fyilo n wo nu n wo zhni gaiciya nyi, əsa n yi fyilo ncei n əwo Nugwnu Yeisu Kirisiti. Əwo nu zhni Shekwoyi gaiciya nya ɓədo n wyewyeyi nyalonyalo nyai.
Nlai nu n yi kpe nge yi gyianyì fyilo n wo, n kasnu əwo ce n dnalo n yi: Wo la əwo Zafnu ga yi.
Anugwnudo ayeyeyi, fye fa ya wu aje yeye, ntuge yeye gbmi n Shekwoyi nu. Zahozahoyi n wo wu yeye, a la wo shna ma nu dna n Shekwoyi, jesnu wo kpe Shekwoyi əye lo.
Yi gna fye əɓo nu n yi kwu gyewye njesnu n yi kwu wo, ntulonu əfyehni ce, fye ɓa myi fya kwnu jedoɓəzhni n əyii. Njesnu əyi jedoɓəzhni kwo kwnusnu lo n Dadai nu ɓədo n əwo Nugwnui, Yeisu Kirisiti.
Njesnu nsaiye, aɓyi ayeyeyi, fye gwodu fyi n wo, nabai əsa n wo ɓə kpeyaɓe ncei, n yi ɓə ɓwa agwumyi njesnu to vnyinkwo kwoi wo yi zhi n əwo abye m, əsa n wo ɓə ɓe nyi m.
Ntucenu, shikwonyi yi kwu ɓəgyikpmaya ɓwa dna ń gaiciyaga nyi, yi n bwugbafui lo ń Shekwoyii ntu Dagayi Yeisu Kirisiti ɓo. Dna n əwo nu n yi kwu aduba ɓwa n gaiciyagai dna ń shebmyashi n yi kpe gnyi n kwo nu nsaiye nyi. Njesnu yi gbma, yii gyigbe dna ń awyetu Shekwoyi latu nya nu.
fa ya yegwu Shekwoyi n ədu hnihnii nyai, jesnu n əɓo awyekwnui n nunui fyii n gaiciyaganunui ɓe ncei nyi; ai kwu əyi adu myi ami, ɓa zhna yi ya n ɓəgyi tukwovnyi nya, jesnu a la əyi anayi zhnaya n nuwna gyigyiyii.
Nlonu, fye kwu əfyehni ga fyi n Shekwoyi akwnu. Fye na shetam aɓo, njesnu wo ɓaa kpesiya n əfye aba. Fye yeɓe vyivyiwyi da Shekwoyi jesnu wo ɓa yeɓe vyivyiwyi da fye. Fye na əfye aɓwa, əfye aleifyizhniyi, jesnu əfye abwugba ngwnu-aba da fye la əfye adu pmya ɓa kwu zè atnaɓətuyi.