Comunhão com Deus
A comunhão com Deus é o propósito supremo da existência humana. Fomos criados para viver em intimidade com o Criador — e em Cristo, esse acesso é plenamente restaurado.
Em comunhão com Deus
Deus é fiel, pelo qual fostes chamados à comunhão de seu Filho. A comunhão com Deus é dom da graça e fruto da redenção.
Ma Jou’ongu Madutu ḏuanga i’a 'o 'a’a so’o gena-ge sababu 'O cufala di’a sitotomo 'Ai jaji. Unanga gena-ge ga’a ro 'aro’o ngini di’a ni marimoi Tai Ngowa’a Nau’u, Yesus Kristus, nanga Jou.
Ngini ni waro bolo ua, mangale ngini gena-ge sa’olo Ma Jou’ongu Madutu 'ai Wala?! Re Ma Ngagara 'Ofi-'Ofi ra Ma Jou’ongu Madutu tala, Enanga 'i tegoro taninga sigolona?!
Ngene, ga’a rewo marimoi ra Kristus, ma tero sa’olo manusia manga lese. Pa’i lese rimoi ḇato mada’a lese ma bageanga ma repe. Kalaha lese ma bageanga lai repe mada’a bageanga gena-ge, 'i dadi lese rimoi ḇato.
Sanga ua, Ma Jou’ongu Madutu 'ai Wala ma ngi’i ma tero sa’olo jou’ongu ma somoara ma wala! Re ngene ma tero sa’olo Ma Jou’ongu Madutu 'ai Wala, sababu Unanga gena-ge ga’a 'O 'ahu kasingado-ngadolo i’a 'O tegoro tananga 'akala re sinyingara ma dara. Ma Jou’ongu Madutu masiretene ro kanau so’o ne:
"Ngoi ḏuanga i’a to tegoro tamanga sigolona
re To 'ahu ma’u mete’e ra ananga.
Ngoi ḏuanga i’a to dadi Ma Jou’ongu Madutu ga’a ananga 'aḏi silamo’o re siḏubuso,
re ananga 'aḏi dadi Ngoi 'ari 'umata."
Sababu gena-ge, na’o 'age rema ngowa’a ga’a raḏi marimoi ra Kristus, ananga gena-ge raḏi dadi manusia su-sungi. Manusia manga 'ahu ma siḏa ri cua. 'Orasa nange-ne, ananga manga 'ahu 'i dadi su-sungi. Mo-moini gena-ge Ma Jou’ongu Madutu 'ai munara. Ma Jou’ongu Madutu 'o sirimoi ngene ra Unanga masiretene, sababu Kristus. Re Unanga 'o 'utusu ngomi di’a mi singadolo habari gena-ge toma ngowa-ngowa’a lelegu, la ananga nyengara 'aḏi sirimoi ra Ma Jou’ongu Madutu.
Gena-ge, ngomi ma singadolo habari mangale sababu Kristus 'ai se-sengene toma salib, Ma Jou’ongu Madutu nyengara 'o sirimoi manusia ra Unanga masiretene. Sababu gena-ge, Ma Jou’ongu Madutu 'o roimi riwara manusia manga ḏosa ga’a manusia raḏi 'a’a. Re Ma Jou’ongu Madutu ro pula’a tugasa ra ngomi di’a mi singadolo habari gena-ge.
Presença divina
Eis que estou à porta e bato. O Senhor fez sua morada entre nós — e toda a criação é convidada à comunhão eterna.
Oḏi’i! Ngoi toma de-de’oso taninga ngalana, re to tolo’o. Na’o 'a guna ḇato 'o 'isene 'Ari iḏingi, re 'a welanga ma ngalana, Ngoi ḏuanga i’a to osama ma’u sanga ra unanga, kara ngomi mi oromo mamete’e.
Re ngoi to 'isene iḏingi ra Ma Jou’ongu Madutu 'ai ḏe-ḏegoro gena-ge 'i kanau ya siduga-duga, ma betongo so’o ne: "Mulaingi nange-ne Ma Jou’ongu Madutu 'o tegoro re 'o 'ahu toma manusia manga sigolona. Ananga ḏuanga i’a 'aḏi dadi Unanga 'ai ngowa-ngowa’a. Re Ma Jou’ongu Madutu masiretene 'age Ma Jou’ongu Madutu ga’a ananga 'aḏi silamo’o re siḏubuso.
Sababu toma ngi’i le’a ḇato 'age nga muḏiḏi bolo nga ḏu’ange 'aḏi malomu sababu Ngoi, Ngoi 'age tamanga sigolona."
"Ngoi to manyiata pa’i 'Ari me-mete’e nena-ne ḇato ua, mada’a di’a ngowa-ngowa’a ḏi’i ga’a ḏuanga i’a 'aḏi ngaku Ngoi sababu ananga nena-ne manga habari. Ngoi to golo’o ra Baba mangale ananga mo-moini gena-ge 'aḏi marimoi ma tero Baba marimoi ra Ngoi, re Ngoi to marimoi ra Baba. Na’o nyengara gari’a ananga 'aḏi marimoi ra Ngene, la ngowa’a toma dungia nena-ne ananga ḏuanga i’a 'aḏi ngaku mangale Baba reno 'utusu Ngoi. Ngoi nena-ne Ta’u pula’a ḏua 'Ani mulia ra ananga ga’a Baba reno pula’a ra Ngoi, la ananga 'aḏi marimoi, ma tero Ngene wo marimoi. Ngoi to marimoi ra ananga re Baba no marimoi ra Ngoi, la ananga mode-mode’e 'aḏi marimoi. Ḏua ngowa’a toma dungia ḏuanga i’a ya waro mangale Baba masiretene Reno 'utusu Ngoi, re Baba no dadalara ananga ma tero Baba no dadalara Ngoi.
Viver na comunhão
Quem permanece nele e ele no Senhor, esse dá muito fruto. A comunhão com Deus produz transformação e alegria.
Ngowa’a mo-moini ga’a 'aḏi mete’e Ma Jou’ongu Madutu 'ai parenta, ananga manga 'ahu marimoi ra Unanga, re Unanga marimoi ra ananga. Re ngene wa waro Ma Jou’ongu Madutu 'o marimoi ra ngene sababu Ma Ngagara 'Ofi-'Ofi ri sipula’a ra ngene.
Ngene rewo waro ḏi’i mangale Ma Jou’ongu Madutu 'ai Ngowa’a Nau’u ro sapolo re Ro pula’a wo-waro ra ngene, la ngene wu nana’o Ma Jou’ongu Madutu ga’a banari. Ngene wo 'ahu marimoi ra Ma Jou’ongu Madutu ga’a banari re wo 'ahu marimoi Rai Ngowa’a Nau’u, Yesus Kristus. Unanga gena-ge mode-mode’e ma tero Ma Jou’ongu Madutu re Unanga masiretene 'ahu kasingado-ngadolo i’a ma cimi.
Ma Jou’ongu Madutu ro pula’a Ma Ngagara 'Ofi-'Ofi ra ngene. Sababu gena-ge, ngene wo waro mangale ngene rewo 'ahu marimoi ra Ma Jou’ongu Madutu re Unanga 'o 'ahu marimoi ra ngene.
Ngini, ioronongoḏu ngo-ngaku rimoi ga’a ngoi tunu dadalara! Ino ngene wo ma’u dadalara matengo re matengo, sababu dadalara gena-ge ma 'asala ra Ma Jou’ongu Madutu tala. Dadi na’o 'a guna ḇato 'o dadalara 'ai ioronongoḏu ngo-ngaku rimoi, unanga gena-ge Ma Jou’ongu Madutu 'ai ngowa’a re 'o nana’o Ma Jou’ongu Madutu.
Dadi 'oru ga’a ngomi ma oḏi’i re 'isene ḏua, nange-ne ngomi ma singadolo ra ngini, la ngini ni 'ahu marimoi ra ngomi. Sidogo ḏi’i, ngene wo 'ahu marimoi ḏua ra Ma Jou’ongu Madutu nanga Ḇaḇa re 'Ai Ngowa’a Nau’u, Yesus Kristus.
Sababu gena-ge, 'ari ngowa-ngowa’a ni 'ahu marimoi tau-taunu ra Kristus. Dadi ḏuanga i’a ma 'orasa 'i ngadolo wakutu Unanga dadunu 'o sapolo moju, ngene nyengara wo talaḏi Unanga kananga mojongo ua re wo magogono ua, sababu wo mara’a ua.
Sababu gena-ge, nange-ne ngene wo 'ahu dame ra Ma Jou’ongu Madutu sababu 'oru ga’a nanga Jou Yesus Kristus ra 'a’a di’a ngene. Gena-ge 'i dadi sababu ngene nanga ngo-ngaku ra Yesus Kristus, dadi ngene rewo dadi ngowa’a kamanga sala ua Tai momina. Re ḏi’i, sababu ngene rewo ngaku Yesus Kristus, ngene wo basono Ma Jou’ongu Madutu 'ai mura re dadalara tananga 'ahu tau-taunu sababu 'oru ga’a Yesus Kristus ro 'a’a di’a ngene. Re ngene wo maroanga, sababu ngene renanga ngo-nganono 'i te’e mangale ḏuanga i’a ngene wo sanga balangu ra Ma Jou’ongu Madutu 'ai mulia.
Sababu gena-ge ino ngene wo maco-cori ra Ma Jou’ongu Madutu renanga 'akala re sinyingara ma dara bo-boloto re nanga ngo-ngaku mode-mode’e. Gena-ge 'i nyengara sababu nanga 'akala re sinyingara ri si’ofi Rai ngaunu dadi ngene wo basono nanga sala riwara re nanga lese mai ri sigofi reo ḇanyo na’o wo sanga baptis.
Sababu gena-ge, ngini balasu ni siholo ninga 'akala re sinyingara ra Ma Jou’ongu Madutu, re ni lawana 'Iblisi ma bo-baja, la enanga 'i maki-kiḏanga ra ngini. Ni maco-cori ra Ma Jou’ongu Madutu re Unanga ḏuanga i’a 'o maco-cori ra ngini ḏi’i. Ngini ngowa’a baraḏosa ga’a ninga 'akala re sinyingara ri sa-salanga, matogumu ni madaga’a 'ori i’a ma jira re ni siboloto ninga 'akala re sinyingara.