Comunhão com Deus
A comunhão com Deus é o propósito supremo da existência humana. Fomos criados para viver em intimidade com o Criador — e em Cristo, esse acesso é plenamente restaurado.
Em comunhão com Deus
Deus é fiel, pelo qual fostes chamados à comunhão de seu Filho. A comunhão com Deus é dom da graça e fruto da redenção.
Gúnfuli lumuti Bungiu le füramase lubéi ani ligía agúarubei hun lun lidan humá aban luma Hesukrístu, le Liráü, le Wabureme.
Ibidiñeti san hun luagu litenpulun lan Bungiu huguya, ani aganawa lan Sífiri Sandu hidan?
Gíbeti umegeguni lidan wágubu, gama lumoun sun umegeguni ligía ábanrügüñein úgubu ladüga. Ítara liña giñe le unbei wagúara lúgubu Kristu.
Resibi huméi labiniragüle Hesusu, luma línsiñehabu Bungiu, ani humalá Sífiri Sandu. Ítarala.
Kagia idan túaradagua litenpulun Bungiu hama guáriua? Ani litenpulun Bungiu le wínwanbei wagía, kei lariñagun Bungiu guánarügü:
Naganóuba haganagua, éibuga aume haganagua;
auba Habungiute, hagíame numutuniña.
Le lubeiti lídanhalibei aban luma Kristu, ábanhali gürigia iseri; gumuha sun katei le binadubei; labagariduña aban iseri ibagari.
Adüga lumuti Bungiu sun katei le. Gáganiguatiwa meha luma Bungiu ladüga wafigoun, aba lóunahani Kristu lun lachibuni wafigoun, gayara láamuga warandarun luma. Ru lumuti wadagimanu ligía woun lun warandaragüdüniña sun gürigia luma. Mabahüdün lumuti Bungiu hafigoun gürigia, ani busenti harandarun sun gürigia luma lídangiñe Hesukrístu. Ru lumuti wadagimanu ligía woun lun warandaragüdüniña sun gürigia luma.
Presença divina
Eis que estou à porta e bato. O Senhor fez sua morada entre nós — e toda a criação é convidada à comunhão eterna.
Anaha bénabu, nagúahaña; le aganbuti numalali, aba ladaaruni bena nubá, nebeluruba lumoun, ábame neigin luma, hou ligíame numa.
Aba naganbun lariñagun aban umalali héreti siélugiñe:
—Arihabá, aganawati Bungiu hadan gürigia guentó. Laganóuba hama ani hagíaba lumutuniña; Búngiumemeba hama lun ligía lan Habungiute.
Naganóuba hadan Ísüraelina, Auba Habungiute.
ladüga le ñein hamuti biama o ǘrüwa óundaragu lidan niri, anahein ñein hamidangua.
«Mámarügüñein hawagu namuriaha buma, amuriahatina giñe hawagu ha lúnbaña hafiñerun nuagu danme le haganbuni uganu hámagiñe. Amuriahatina buma lun lidan hamá aban sun hagía, lun ábanmeme hamá wama kei au buma, buguya numa, lun lidan hamá aban buidu buidu, lun lafiñerun ubóu luagu bóunahan nan. Ru naali uéiriguni lememe bíchugubei nun houn, lun ábanmeme hamá kei ábanmeme wamá au buma; au hadan, buguya nidan, lun hayabin lun ábanmemebaña lan buidu buidu, subudi láamugei ubóu luagu bóunahan lan au, ani hínsiñe hamá bun saragu kei nínsiñe bun.
Viver na comunhão
Quem permanece nele e ele no Senhor, esse dá muito fruto. A comunhão com Deus produz transformação e alegria.
Ha agunfulirubaña lau lugumadin Bungiu aganawatiña lidan Bungiu, aganawa ligía Bungiu hadan. Subudi wamuti luagu aganawa lan wadan luagu Sífiri Sandu le ru laalibei woun.
Subudi wamuti giñe luagu ñǘbuinhali lan Liráü Bungiu ubouagun, ani rúhali lan gunfurandaü woun lun wasubudiruni Bungiu le tímatimaati. Wabagariduña le tímatimaati lidan aban luma Bungiu, keisi lídanñadiwa lan aban luma Liráü, le Hesukrístubei. Ligía Búngiubei le tímatimaati, ligía giñe ibagaribei le magumuchaditi.
Anihán lébubei gayara lan wachoururuni luagu lídanñadiwa lan aban luma Bungiu, ani lídanñein lan giñe aban wama: Luagu ru laali lan lani Sífiri Sandu woun.
Niduheñu hínsiñetiña nun, lunti hínsiñegua wamá wámagua lugundun lúmagiñe Bungiu liabin ínsiñehabuni. Sun le hínsiñehabubei, liráü Bungiu, ani subuditi giñe Bungiu lun.
Wariñaguñein lubeiti le ariha wamaalibei luma le aganba wamaalibei hun, lun gayaraabei lan lidan humá aban wama, ítara kei lídanñadiwa lan aban luma Bungiu Úguchili labu luma Hesukrístu le liráü.
Ítara liña lubeiti, nirahüñü, ítarameme humá lidan aban luma Kristu lun danme lan le liabin, gayara láamuga wemenigidun luagu, ua láamuga busiganu wawagu ligibugiñe.
Kéisiti richaguagüda láadiwa lubéi Bungiu lau wafiñerun luagu, resibihadiwa darangilaü luma Bungiu, lídangiñe Wabureme Hesukrístu. Ladüga luéigiñe Kristu, gayara lubéi wayarafadun lun Bungiu lau wafiñerun, lun wadeiruni lufulesein, ani derebuguñu waña gunda wagía lau emenigini luagu gafanranbadiwa lan lidan luéirigun Bungiu.
ligía lunti lubéi wayarafadun lun Bungiu lau taruman wanigi, luma lau sun wafiñen deregüdagu luagu. Harumagüda laaru wanigi lun masandiragun wamá woungua lau duru luagu figóu lárigiñe lachibuniwa lau duna harumati.
Rugua humá lubeiti hungua lábugiñoun lererehan Bungiu; gagibugua humá luma Mafia, ábame lanurahan huéi. Yarafa humá lun Bungiu, ábame giñe layarafadun hun. Gafigountiña, chibá huméi húhabu; ánheinti huguya biangua tigibu, harumagüda humóun hanigi.