Comunhão com Deus
A comunhão com Deus é o propósito supremo da existência humana. Fomos criados para viver em intimidade com o Criador — e em Cristo, esse acesso é plenamente restaurado.
Em comunhão com Deus
Deus é fiel, pelo qual fostes chamados à comunhão de seu Filho. A comunhão com Deus é dom da graça e fruto da redenção.
ಕ್ಹುದಾ ಬರೊಕ್ಹೊವಾಲೊ ಥಯೊಸ. ಕ್ಹುದಾನೊ ದಿಕ್ರೊ ಥಯಲ ವರಿ ಪ್ರಭು ಥಯಲ ಯೆಸು ಕ್ರಿಸ್ತನಾ ಜ಼ಲಮಮಾ ವಾಟೊ ಲಿವಾಲಾ ಥೌ ಕೈನ ತುಮೊನೆ ಬಲಾಯಲವಾಲೊಜ಼ ಕ್ಹುದಾ ವ್ಹೈ.
ತುಮೆಜ಼ ಕ್ಹುದಾನಿ ಆಲಯ ಥಯಾಸ. ಎ ತುಮೊನೆ ಕ್ಹರಿಮಾಜ಼ ಗ್ವತ್ತ ಛೆ. ಕ್ಹುದಾನಿ ಆತ್ಮಾ ತುಮಾರಾಮಾ ಛೆ.
ಅಂಗ ಯಕ್ಕಜ಼ ವ್ಹೈ; ಅಂಗನಾ ಭಾಗೊ ಘನ್ನಾ ವ್ಹೈ. ತೆ ಅಂಗನಾ ಭಾಗೊ ಘನ್ನಾ ರ್ಹಯಾತಬಿ ತೆ ಯಕ್ಕಜ಼ ಅಂಗ ವ್ಹೈ. ತಿನಾ ನಿಂಗತಜ಼ ಕ್ರಿಸ್ತ ಯೆಸು ವ್ಹೈ.
ಅಪ್ನೊ ಪ್ರಭು ಯೆಸುಕ್ರಿಸ್ತನಾ ಬಗಲ್ತಿ ಆಲಯ ವರಾ ಕ್ಹುದಾನಿ ಮಯಾ, ಪವಿತ್ರ ಆತ್ಮಾನಿ ಅನ್ಯುನ್ಯತೆ ತುಮಾರಾ ಕ್ಹಾತೆ ರ್ಹವಾದೆ..
ಕ್ಹುದಾನಿ ಸಭೆನೆ ವಿಗ್ರಹೊನೆ ಒಪ್ಪಿಗೆ ಸುವೈ? ಅಪೆ ಕ್ಹುದಾ ಕದಲ ನಿಂಗತ ಜಿವ ಸ್ವರೂಪ ಥಯಲ ಕ್ಹುದಾನಾ ಸಭೆ ಥಯಾಸತೊ, ಮಾರಾ ಮನಕ್ಹೊಮಾಜ಼ ಮಿ ಘರ ಕರುಸ, ತ್ಯುನಾ ವಚ್ಮಾಜ಼ ಮಿ ಫರುಸ ತ್ಯುನೊನೆ ಮಿಜ಼ ಕ್ಹುದಾ ಥಯಲ ರ್ಹೌಸ, ತ್ಯುನೆ ಮನೆ ಪ್ರಜೆ ಥಾವಸ ಕೈನ ಕದ್ಯೊಸ.
ಕುನಬಿ ಕ್ರಿಸ್ತಮಾ ರ್ಹಯೊಮ ತೆ ನವೊ ಸೃಷ್ಠಿ ಥಯಾಸ. ಜುನ್ನಿಯೊ ಸಂಗತಿಯೊ ಗೈಪಡಿಯೊ. ಕ್ಹಾರುಜ ನವು ಥಯು. ಎ ಕ್ಹಾರುಜ಼ ಕ್ಹುದಾಕ್ಹುಜ಼ ಥಯು. ಕ್ರಿಸ್ತನಾ ಮುಲಕ ಕ್ಹುದಾ ಅಪೊನೆ ತಿನಾಕ್ಹಾತೆ ಸಮಾಧಾನ ಕರ್ಯೊಸ. ವರಿ ಬಿಜಾ಼ವೊನೆಬಿ ಸಮಾಧಾನಮಾ ಬಲೈಲಾವಾನೆ ಕ್ಹುದಾ ತೆ ಕಾಮ ಅಪೊನೆ ದಿದ್ಯೊಸ. ಕದ್ಯಾಮ ಕ್ಹುದಾ ಕ್ರಿಸ್ತಮಾ ಕ್ಹಾರಿ ಜಗತ್ನೆ ತಿನಾ ಕ್ಹಾತೆ ಸಮಾಧಾನ ಕರಿಲೆತೊತೊ. ಕ್ಹುದಾ ಕ್ರಿಸ್ತಮಾ ಮನಕ್ಹೊನು ಅಪರಾಧ ದೆಕಾಡತೊ ನೈ. ಎ ಸಮಾಧಾನನು ಸುದ್ದಿ ಮನಕ್ಹೊನೆ ಕೆ ಕೈನ. ಕಾಮ ಕ್ಹುದಾ ಅಪೊನೆ ದಿದ್ಯೊಸ.
Presença divina
Eis que estou à porta e bato. O Senhor fez sua morada entre nós — e toda a criação é convidada à comunhão eterna.
ದೆಕೊ, ಮಿ ತುಮಾರಾ ಬಾಕಲಕನ ಹುಬ್ರೈನ ವಜಾ಼ಡ್ಯಾಡ್ಯೊಸ. ಕಯೊಬಿ ಮಾರೊ ಗಳೊ ಐಕಿನ ಬಾಕಲ ಕಾಡ್ಯೊಮ, ಮಿ ಮ್ಹೈ ಐನ ತಿನಾ ಕ್ಹಾತೆ ಖಾವಾನೆ ಬೈಟುಸ ವರಿ ತೆ ಮಾರಾ ಕ್ಹಾತೆ ಖಾವಸ.
ಸಿಂಹಾಸನಕಂತು ಯಕ್ಕ ಝೊರ ಅವಾಜ಼ ಮಿ ಐಕ್ಯೊ. ತೆ ಅವಾಜ಼ ಕ್ಹುದಾನು ಘರ ಮನಕ್ಹೊನಾ ಕ್ಹಾತೆ ಛೆ. ತೆ ತ್ಯುನಾ ಕ್ಹಾತೆ ರ್ಹವಸ. ತ್ಯುನೆ ತಿನಾ ಥೈನ ರ್ಹವಸ. ಕ್ಹುದಾಜ಼ ತ್ಯುನಾ ಕ್ಹಾತೆ ರ್ಹವಸ. ವರಿ ತ್ಯುನೊ ಕ್ಹುದಾ ಥೈನ ರ್ಹವಸ.
ಮಿ ಇಸ್ರಾಯಲನಾ ವಚ್ಮಾ ರ್ಹೌಸ ವರಿ ತ್ಯುನೊ ಕ್ಹುದಾ ಥೈನ ರ್ಹೌಸ.
ಕಾಕದ್ಯಾಮ ಬೆಜ಼ನಾ ರ್ಹೈನೆಕಾ ತನ್ನಜ಼ನಾ ರ್ಹೈನೆಕಾ ಮಾರಾ ನಾಮಂಪರ ಮಳಿನ ಕಿಜಾ಼ ಆವಸ ತ್ಯುನಾ ವಚ್ಮಾ಼ ಮಿ ರ್ಹೌಸ. ಕೈನ ಕದ್ಯೊ.
"ಮಾರಿ ಪ್ರಾಥನಾ ಇವ್ನಾ ಹುತಿ ಯಕ್ಕಜ಼ ನ್ಹವೈ ತೆನೈಸೊ ಇವ್ನಿಯೊ ವಾಕ್ಯಾಕ್ಹು ಮಪರ ಬರೊಕ್ಹೊ ಮ್ಹೆಲಾಲಾ ಕ್ಹಾರಾ ಮನಕ್ಹೊನಾ ಹುತಿ ಪ್ರಾಥನಾ ಕರುಸ. ಬಾ, ಮಪರ ಬರೊಕ್ಹೊ ಮ್ಹೆಲಾಲಾ ಕ್ಹಾರಾ ಮನಕ್ಹೊ ಯಕ್ಕಜ಼ ಥೌ. ಕಿಮ್ಮ ತು ಮಾರಾಮಾ ಛೆ ವರಿ ಮಿ ತಾರಾ ಛೆ. ತ್ಯುನೆಬಿ ಅಪ್ನಾಮಾ ಯಕ್ಕ ಥಾವಾದೆ ತಿನಾಹುತಿ ದುನಿಯಾ ತುಜ಼಼ ಮನೆ ವಳಾಯೊಸ ಕೈನ ಬರೊಕ್ಹೊ ಕರಾದೆ. ತು ಮನೆ ದಿದಲ ಮಹಿಮಾ ಮಿ ಎ ಮನಕ್ಹೊನೆ ದಿದ್ಯೊಸ. ಇನಾಹುತಿ ತ್ಯುನೆ ಯಕ್ಕ ಥಾವಾವೆ ಕಿಮ್ಮ ತು ವರಿ ಮಿ ಯಕ್ಕ ಛೆ. ಮಿ ಇವ್ನೊಮಾ ರ್ಹೌಸ ವರಿ ತು ಮಾರಾಮಾ ಛೆ. ಇಮ್ಮ ತ್ಯುನೆ ಪುರಾಜ ಯಕ್ಕ ಥೈನ ರ್ಹವಸ. ತುಜ಼಼ ಮನೆ ಮೊಕ್ಲಲ ಹುತಿ ತು ಮನೆ ಮಯಾ ಕರಲ ನಿಂಗತ ಎ ಮನಕ್ಹೊನೆಬಿ ಮಯಾ ಕರಶಿ ಕೈನ ಎ ದುನಿಯಾ ವಳಕಸ.
Viver na comunhão
Quem permanece nele e ele no Senhor, esse dá muito fruto. A comunhão com Deus produz transformação e alegria.
ಕ್ಹುದಾನಿ ಆಗನ್ಯಾನೆ ವಿಧೆಯ ರ್ಹಯಲವಾಲೊ ಕ್ಹುದಾಮಾ ಛೆ ಕವಾನು ಅಪ್ನೊನೆ ಕಿಮ್ಮ ಗ್ವತ್ತ ಛೆ ಕ್ಹುದಾ ಅಪ್ನೊನೆ ದಿದಲ ಪವಿತ್ರ ಆತ್ಮಾ ಕ್ಹುಜ಼ ಅಪೊನೆ ಗ್ವತ್ತ ಛೆ.
ಕ್ಹುದಾನೊ ದಿಕ್ರೊ ಆ ದುನಿಯಾಮಾ ಐನ ಅಪೆ ಕ್ಹರಿನಾಜ ಕ್ಹುದಾನೆ ವಳಕಿಲಿವಾನಾ ಹುತಿ ಅಪನೊನೆ ಗ್ಯಾನ ದಿವಸ ಕೈನ ಅಪನೊನೆ ಗೊತ್ತ ಛೆ,ವರಿ ಹಮೆ ಕ್ಹುದಾನಾ ದಿಕ್ರೊ ಥಯಲ ಯೆಸುಕ್ರಿಸ್ತಮಾ ರ್ಹವಾಲೊ ಥೈನ ಕ್ಹರಿನಾ ಕ್ಹುದಾಮಾ ರ್ಹಹೆಲವಾಲಾ ಛೆ. ತೆ ಕ್ರಿಸ್ತ ಕ್ಹರಿನೊ ಕ್ಹುದಾ ವ್ಹೈ,ಹಮೆಶಾನೊ ಜ಼ಲಮ ಥಯೊಸ.
ಅಪೆ ಕ್ಹುದಾಮಾ ಛೆ ವರಿ ಕ್ಹುದಾ ಅಪೊಮಾ ಛೆ ಕವಾನು ಅಪೊನೆ ಗ್ವತ್ತ ಛೆ. ಕ್ಹುದಾ ತಿನಿ ಆತ್ಮಾ ದಿದಲ ಹುತಿ ತಿನಾಹುತಿ ಅಪ್ನೊನೆ ಎ ಗ್ವತ್ತ ಥಯೊಸ.
ಮಯಾನಾ ದೊಸ್ತೊ. ಮಯಾ ಕ್ಹುದಾಕಂತು ಆಯಲ ರ್ಹಯಲ ಹುತಿ ಅಪೆ ಬಿ ಯಕ್ನೆ ಯಕ್ಕ ಮಯಾ ಕರು. ಮಯಾ ಕರಾಲೊ ನವೊ ಜ಼ಲಮಲಿನ ಹುಟ್ಟಲವಾಲೊ ಥಯಾಸ. ತಿನಾಹುತಿ ತೆ ಕ್ಹುದಾನೆ ವಳಕಲವಾಲೊ ವ್ಹೈ.
ಹಮೆ ದೆಕಲ ಕ್ಹಾರು ವರಿ ಐಕಲ ಹಮ್ನಾ ಹಮೆ ತುಮೊನೆ ಕಯೆಸ. ಕಾ ಕದ್ಯಾಮ ತುಮೆ ಹಮಾರಿ ಅನ್ಯುನತೆಮಾ ಪಾಲಲಿವಾಲಾ ಥೌ ಕೈನ ಹಮಾರಿ ಆಸ ವ್ಹೈ. ಅಪ್ನಿ ಅನ್ಯುನೆತೆ ಬಾ ಥಯಲ ಕ್ಹುದಾ ವರಿ ತಿನೊ ದಿಕ್ರೊ ಯೆಸು ಕ್ರಿಸ್ತನಾ ಕ್ಹಾತೆ ರ್ಹವಾನು ವ್ಹೈ.
ಹೊ, ಮಾರಾ ಮಯಾನಾ ದಿಕ್ರಾವೊ, ತಿನಾಮಾಜ಼ ರ್ಹಯ್ಯೆ. ಅಪೆ ಇಮ್ಮ ಕರ್ಯಾಮ. ಕ್ರಿಸ್ತ ಫ್ಹರಿನ ಆವಾನಾ ದಿನಮಾ ಅಪೆ ಭುಚ್ಕಾನಿ ಜ಼ರುರತ ನತ್ತಿ. ದಡಿ ರ್ಹವಾನಿ ಜ಼ರುರತ ನತ್ತಿ; ಸರಮಾವಾನಿ ಜ಼ರುರತ ರ್ಹತಿ ನೈ.
ಇಮ್ಮ ರ್ಹತಾಮಾ, ಅಪೆ ಬರೊಕ್ಹಾಕ್ಹು ನಿತಿವಂತವಾಲಾ ಥಯಾಸ. ತಿನಾಹುತಿ ಅಪ್ನೊ ಪ್ರಬು ಥಯಲ ಯೆಸು ಕ್ರಿಸ್ತನಾ ಮುಲಕ ಅಪೆ ಕ್ಹುದಾನಾ ಕ್ಹಾತೆ ಸಮಾಧಾನಕ್ಹು ಛೆ. ಹಮ್ನಾ ಅಪೆ ಕ್ಹುಶಿ ಕರತಾ ರ್ಹಯಲ ಕ್ಹುದಾನಿ ಮರಗಾಕ್ಹು ಕ್ರಿಸ್ತಜ಼ ಅಪೊನೆ ಅಪ್ನಾ ಬರೊಕ್ಹಾನಾ ಮುಲಕ ಲಾಯೊಸ. ಕ್ಹುದಾನಿ ಮಹಿಮಾ ಹೊಂದಿಲಿಯೆಸ ಕವಾನು ಆಸ ಅಪೊನೆ ರ್ಹಯಲಕ್ಹು ಅಪೆ ಬರೊಕ್ಹಾನಿ ಘಮಂಡಿಕ್ಹು ಛೆ.
ತಿನಾಹುತಿ ಕೆಟ್ಟ ಮನಸಾಕ್ಷಿನೆ ವಳಕಿನ ಶುದ್ಧ ಕರಲಿನ, ಪಾತಳಾ ಪಾನಿಕ್ಹು ಧ್ವೈಲಿದಲ ಅಂಗಕ್ಹು, ಯಕ್ಕಜ಼ ಮನಸಕ್ಹು, ಬರೊಕ್ಹಾಕ್ಹು ಪುರಾ ಚಿತ್ತಕ್ಹು, ಕ್ಹುದಾನಾ ನಜಿಕ ಐಯೆ.
ಇಮ್ಮ ರ್ಹತಾಮಾ ಕ್ಹುದಾನೆ ಅದಿನ ಥೈನ ರ್ಹೈನ ಸೈತಾನನೆ ಭುಚ್ಕಾಡೊ, ತೆಳಾಮಾ ತೆ ತುಮೊನೆ ಛೊಡಿನ ನ್ಹಾಟಿ ಜಾ಼ವಸ. ಕ್ಹುದಾನಾ ನಜಿಕ ಆವೊ, ತೆಳಾಮಾ ತೆ ತುಮಾರಾ ನಜಿಕ ಆವಸ. ಪಾಪಿಯೊ, ತುಮಾರಾ ಹತೊ ಶುದ್ದ ಕರಿಲಿವೊ; ಬೆ ಮನಸೊ ರ್ಹಯಲವಾಲಾ, ತುಮಾರಾ ಮನಸೊ ಚೊ಼ಕಾ ಕರಿಲಿವೊ.