Comunhão com Deus
A comunhão com Deus é o propósito supremo da existência humana. Fomos criados para viver em intimidade com o Criador — e em Cristo, esse acesso é plenamente restaurado.
Em comunhão com Deus
Deus é fiel, pelo qual fostes chamados à comunhão de seu Filho. A comunhão com Deus é dom da graça e fruto da redenção.
'Okia naga ma Jo’oungu ma Dutu wojajiokau ge’ena ma raiokau wadiai. 'Unau ge’ena wini’asokokau ma ngale nimarimoi de 'awi Ngowaka, ge’ena la ma Yesus Kristus to ngone nanga Jou.
Ngini ma rai nianakokau 'ato ngini ge’ena matero ka ma Jo’oungu ma Dutu 'awi woa, de 'o Ngomasa 'Itebi-tebini 'imanoa nginioka.
Ma Kristus ge’ena 'isi-'ade-'ade 'isoka 'o nyawa nanga roese; 'o roese ka 'o ngai moi, duga ma kia sonaa 'o gudaioka. Ma kia sonaa 'iodumu ge’ena ngaro 'o gudaioka, ma ka 'o roese moi.
Ma Jou 'awi woa de 'o barahala ma woa ge’ena 'imakaregu ma sala. Ngone ne’ena ma Jo’oungu ma Dutu wo’ahu-'ahu 'awi woa. Ma Jo’oungu ma Dutu ma sirete wongose,
<<Ngoi 'asa togogere to 'ona manga sigoronaka,
de to’ahu de de 'ona.
Ngoi 'asa todadi to 'ona manga Jo’oungu ma Dutu,
de 'ona 'asa yodadi 'ai 'umati.
'O nyawa gee yomarimoiokau de ma Kristus, ma gou-goungu 'ona manga singina ma sungiou. Manga 'ahu ma sira ma 'orasi koyongakuwasi 'o Yesusika ge’ena koi’iwau so ma du’uru de ma 'enau. Ge’ena 'iodumu ma Jo’oungu ma Dutu wamanarama. Ma ngekomo ma Kristus ma Jo’oungu ma Dutu wodiai ngone pomarimoioli de de 'una. De wonakula 'o manarama la 'o nyawa 'iregu-regu ma 'idadi yomarimoioli mita de ma Jo’oungu ma Dutu.
Ma ngekomo ma Kristus, ma Jo’oungu ma Dutu wodiai ngone 'o nyawa pomarimoioli de de 'una, de kowosi-singinawau nanga so-sowono. De ma Jo’oungu ma Dutu wosulokokau ngomino ma ngale miositotara 'o habari ge’ena.
Presença divina
Eis que estou à porta e bato. O Senhor fez sua morada entre nós — e toda a criação é convidada à comunhão eterna.
Niosi-singina, ngoi toma’okode 'o ngorana ma bionoka de totote-toteke. Nago’ona la yo’isene 'ai 'ilingi de 'o ngorana 'idebelenga, ngoi 'asa towosanga mimakamake de de 'ona, de ngoi 'asa mimasido’odomo de de 'ona.
Ge’enaka de to’isene 'o 'ilingi 'o koana ma go-gogerino 'imapoaka yakua-kuatie 'ingose 'ato, <<Ma 'orasi ne’ena, ma Jo’oungu ma Dutu 'awi gogere naga 'o nyawa ma sigoronaka! 'Una naga de de 'ona, de 'ona yodadi to 'una 'awi kawasa. 'Una ma sirete naga de de 'ona de wodadi to 'ona manga Jo’oungu ma Dutu.
Sababu kiaka yamididi bolo yaruangeka yomatoomuno ma ngale ngoi, ngoi naga de de 'ona.>>
Ngoi takisilahidoa duga ka 'onawa ne’ena. Ma mita 'o nyawa-nyawa gee dua yongaku ngoino de to 'ona manga sakisii ne’ena. Ngoi toga’asoko 'Aba, la 'ona yoodumu ka moi, 'isoka ngona de de ngoi pomarimoi, de ngoi de de ngona. Tanu 'ona 'idadi ka moi de de ngone la 'o dunia ma nyawa yongaku 'ato ngonau 'Aba noisulo-suloko ngoi. Ngoi todiaiokau 'ona yokumati, kaimatero de ngona noidiaiokau ngoi tokumati, la 'ona 'idadi yomarimoi, 'isoka ngoneli mita pomarimoi; ngoi naga de de 'ona de ngona 'Aba de de ngoi; la 'ona ma gou-goungu ka moi. So ma rai 'o dunia ma nyawa 'asa yanako 'ato ngoi ne’ena ngona noisulokino, de ngona 'Aba nakisibosono 'ona kaimatero de ngoino.
Viver na comunhão
Quem permanece nele e ele no Senhor, esse dá muito fruto. A comunhão com Deus produz transformação e alegria.
'O nyawa 'iodumu gee yamote-moteke ma Jo’oungu ma Dutu wi pareta, 'ona ge’ena de ma Jo’oungu ma Dutu, de ma Jo’oungu ma Dutu de de 'ona. De ngone panako ma Jo’oungu ma Dutu naga de de ngone, sababu 'awi Ngomasa wonakulakau.
Ngone panakokau 'ato ma Jo’oungu ma Dutu 'awi Ngowaka woboakau de wonasisahekau la ngone powinako ma Jo’oungu ma Dutu. Ngone po’ahu de de 'una sababu po’ahu de 'awi Ngowaka ma Yesus Kristus. Nu’unau ma Jo’oungu ma Dutu de nu’unau 'o 'ahu 'ika-kakali ma titi.
Sababu ma Jo’oungu ma Dutu wonakulakau 'awi Ngomasa, so ngone panako 'ato ngone po’ahu de ma Jo’oungu ma Dutu, de ma Jo’oungu ma Dutu wo’ahu de de ngone.
'Esa moi riaka dodoto, nou ngone pomakadora, sababu 'o dora ge’ena ma Jo’oungu ma Dutuno. 'O nyawa gee manga 'esa moika yakidora-dora, 'ona ge’ena ma Jo’oungu ma Dutu wi ngowa-ngowaka, de 'ona winako ma Jo’oungu ma Dutu.
'Okia naga gee ngomi miamakekau de mio’isenokau, ge’enau miositotara nginika la ngone poodumu po’ahu pomarimoi de nanga Dea ma Jo’oungu ma Dutu de 'awi Ngowaka ma Yesus Kristus.
Ge’enau so 'ai ngowa-ngowaka, 'uwa nimasipidili nio’ahu de ma Kristus, la gee dua woboali, ngone pomo-moroini potaari 'unaka de koinamaekuwa.
Ne’ena ngone pomarimoiokali de ma Jo’oungu ma Dutu, ngano ngone pongaku 'o Yesusika. De sababu ge’ena ngone po’ahu 'isa-sanangi de ma Jo’oungu ma Dutu ma ngekomo ma Yesus Kristus. Ma sababu ngone powingaku 'o Yesus, so 'una wonasi’akunu ngone panako ma Jo’oungu ma Dutu 'awi dora. De 'o dora ge’enau ma sigoronaka, ngone po’ahu ma 'orasi ne’ena. Sababu ge’ena ngone pomorene ma ngale ngone pongano-nganonou 'asa pamake 'o sanangi ma Jo’oungu ma Dutuno!
Sababu ge’ena nou, ngone pomasisori ma Jo’oungu ma Dutuka de nanga singina 'itebi-tebini de nanga ngo-ngaku 'ikua-kuata. Sababu 'inasitebinokau nanga singinaka gee pamaoku de nanga salaka, de nanga roese gee 'isitebinokau de 'o 'akere 'idodo-dodono.
Sababu ge’ena salingou winisigisene ma Jo’oungu ma Dutu de nialawani 'o Tokata ma Koana, la 'ena 'asa 'iowara nginioka. Nimasisori ma Jo’oungu ma Dutuka la 'una mita 'asa womasisori nginika. Nia 'ahu niatebinika ma ngale niamada 'o dorou, ngini gee niosowo-sowono! De nia singina niatebinika gee nia singina 'ikapula-pula!