Comunhão com Deus
A comunhão com Deus é o propósito supremo da existência humana. Fomos criados para viver em intimidade com o Criador — e em Cristo, esse acesso é plenamente restaurado.
Em comunhão com Deus
Deus é fiel, pelo qual fostes chamados à comunhão de seu Filho. A comunhão com Deus é dom da graça e fruto da redenção.
Numuu rí maphú jmbii Ana̱ꞌlóꞌ, tsí nindxaꞌwálaꞌ rí ma̱mbáxa̱ꞌlaꞌ gajmiálaꞌ A̱dée, ikhaa máꞌ tsí ñajuun Tátiálóꞌ Jesukrísto̱.
Ndu̱ya̱á májánlaꞌ máꞌ rí ikháanꞌlaꞌ ñajwanlaꞌ xómá guꞌwóo Ana̱ꞌlóꞌ, jamí Xu̱u̱ꞌ Ana̱ꞌlóꞌ xtáa ga̱jma̱á nindxa̱ꞌlaꞌ.
Tsí xa̱bo̱ numbaa, maphú mbaꞌa dxájuu xuyuu̱, jamí mbá xúgíí rúꞌkhue̱n kuatun-mina̱ꞌ rí naꞌne mbáwíi xa̱bo̱ ñajuu̱n. Xkuaꞌnii máꞌ jaꞌnii xuyuu Krísto̱ mangaa.
Táta̱ Jesukrísto̱ gáꞌne-tsakun-rámáaꞌlaꞌ. Ana̱ꞌlóꞌ mikhuíí gásngájma rí nandoo jaꞌyalaꞌ, jamí Xu̱u̱ꞌ Ana̱ꞌlóꞌ gáxtáa ga̱jma̱á nindxa̱ꞌlaꞌ mbá xúgiáanꞌlaꞌ. Xkuaꞌnii gáꞌne.
Xáne lá gágoo rí ma̱mbáxu̱u̱ꞌ guꞌwá dxákuiin Ana̱ꞌlóꞌ ga̱jma̱á nindxu̱ún tsí ra̱ꞌkháa Ana̱ꞌlóꞌ ñajúún rá. Numuu rí ikháanꞌ ñajwanlaꞌ guꞌwá dxákuiin Ana̱ꞌlóꞌ tsí xtáa ndaꞌya, xómá rí jmína̱a̱ꞌ máꞌ Ana̱ꞌlóꞌ niꞌthán:
«Ma̱xtáá ná majñúu̱ ikhii̱n jamí ma̱ngrigo̱ꞌ ga̱jma̱á nindxúu̱n.
Ikhúúnꞌ ma̱nindxu̱ꞌ Anúu̱ jamí ikhii̱n ma̱nindxúu̱n xa̱bo̱ xuajñuꞌ.
Ikhaa jngó, xí mbáa xa̱bo̱ xtáa̱ ga̱jma̱á nindxu̱u̱ Krísto̱, mbáa xa̱bo̱ tsí ni̱gu̱ma-nuxi̱iꞌ ñajuu̱n. Wámba̱ máꞌ mbá xúgíí rí wayuu, jamí mbá xúgíí neꞌne-nuxi̱iꞌ rí xúge̱ꞌ rá. Mbá xúgíí rí nuxe̱ꞌ na̱ꞌkha̱ ná inuu Ana̱ꞌlóꞌ, tsí neꞌne rí tsímáá gámbáxi̱iꞌxo̱ꞌ ga̱jma̱á nindxu̱u̱ máꞌ ikhaa̱ ga̱jma̱á majñu̱u̱ Krísto̱. Xúꞌkhue̱n máꞌ nixnángawalóꞌ rí mu̱ꞌthánlóꞌ rí Ana̱ꞌlóꞌ nandoo rí tsímáá gámbáxii̱ gajmíi̱ xa̱bo̱. Rúꞌkhue̱n iꞌthán rí jmína̱a̱ꞌ máꞌ Ana̱ꞌlóꞌ naꞌne rí tsímáá gámbáxi̱in xa̱bo̱ numbaa ga̱jma̱á nindxu̱u̱. Ga̱jma̱á majñu̱u̱ Krísto̱ naꞌgí-mine̱e̱ꞌ rí ma̱ꞌne mba̱a̱ a̱kuii̱n jaꞌyoo̱ aꞌkhúún xa̱bo̱. Jamí ikháanꞌxo̱ꞌ nixnángawaxo̱ꞌ Ana̱ꞌlóꞌ rí mu̱thu̱únxo̱ꞌ xa̱bo̱ ajngáa rúꞌkhue̱n.
Presença divina
Eis que estou à porta e bato. O Senhor fez sua morada entre nós — e toda a criação é convidada à comunhão eterna.
Atadxawíín, ikhúúnꞌ wáju̱nlo̱ꞌ ná xkrugua jamí na̱tha̱n-ráꞌalo̱ꞌ. Xí mbáa nadxawuun a̱ꞌwóꞌ jamí narmáꞌthoo̱ xkrugua, a̱ꞌkhue̱n rí ma̱to̱ꞌo̱ꞌ jamí ma̱kuéꞌtsó-añuꞌlo̱ꞌ ga̱jma̱á nindxu̱u̱.
A̱ꞌkhue̱n ni̱dxawuun mbá a̱ꞌwá rí phú gakhe̱ naꞌthán ná mikhuíí: «A̱gu̱ya̱álaꞌ rí ná majñu̱ú xa̱bo̱ numbaa ꞌgí guꞌwóo Ana̱ꞌlóꞌ rí xúge̱ꞌ rá, jamí ikhaa̱ ma̱xtáa̱ gajmíi̱. Xómáꞌ ikhii̱n ma̱nindxúu̱n xa̱bo̱ xuajñuu̱, jamí jmína̱a̱ꞌ máꞌ Ana̱ꞌlóꞌ ma̱nindxu̱u̱ Anúu̱.
»Tsítha̱n-jáñaaꞌ i̱ndo̱ó máꞌ ga̱jma̱á numúú tsíge̱ꞌ, rí na̱tha̱n-jáñaaꞌ máꞌ mangaa ga̱jma̱á numúú tsí ma̱nimbu̱únꞌ juyeꞌ ga̱jma̱á majñu̱u̱ ajngáa rí muthee̱n ikhii̱n, kajngó mbá xúgíi̱n gánindxúu̱n mbáwíi máꞌ xa̱bo̱. Táa̱, xómá rí ikháánꞌ xtaa jayu ga̱jma̱á nindxu̱ꞌ jamí ikhúúnꞌ xtáá jayu ga̱jma̱á nindxa̱a̱ꞌ, athane̱ rí xkuaꞌnii máꞌ mbáwíi xa̱bo̱ gánindxúu̱n ikhii̱n ga̱jma̱á nindxa̱ꞌlóꞌ, kajngó ma̱nimbu̱únꞌ xa̱bo̱ numbaa rí ikháánꞌ nitaxúngu̱únꞌ. Ikhúúnꞌ ne̱ne̱lo̱ꞌ rí mu̱dríguíi̱ ikhaa máꞌ gamaku rí ikháánꞌ nithane̱ rí ma̱gruígúlo̱ꞌ, kajngó mbáwíi máꞌ xa̱bo̱ gánindxúu̱n mangii̱n, xómá rí mbáwíi máꞌ xa̱bo̱ ñajwanlóꞌ ikháánꞌ jamí ikhúúnꞌ. Ikhúúnꞌ xtáá jayu ga̱jma̱á nindxúu̱n ikhii̱n, jamí ikháánꞌ xtaa jayu ga̱jma̱á nindxu̱ꞌ ikhúúnꞌ, kajngó ma̱ꞌne káxe̱ rí mbáwíi xa̱bo̱ ñajúu̱n. Xkuaꞌnii kajngó mbuyáá xa̱bo̱ numbaa rí ikháánꞌ nitaxúngu̱únꞌ, jamí rí ikháánꞌ nandaaꞌ xtañúu̱ xómá rí nandaaꞌ xtayoꞌ ikhúúnꞌ.
Viver na comunhão
Quem permanece nele e ele no Senhor, esse dá muito fruto. A comunhão com Deus produz transformação e alegria.
Xa̱bo̱ tsí naꞌne-mbánuu xtángawoo Ana̱ꞌlóꞌ, xtáa jayu ga̱jma̱á nindxu̱u̱ Ana̱ꞌlóꞌ, jamí Ana̱ꞌlóꞌ xtáa jayu ga̱jma̱á nindxu̱u̱ ikhaa̱. Xkuaꞌnii nduꞌyáálóꞌ rí xtáa jayu Ana̱ꞌlóꞌ ga̱jma̱á nindxa̱ꞌlóꞌ, numuu rí nixniálóꞌ Xu̱u̱ꞌ ikhaa̱.
Mangaa máꞌ nduꞌyáálóꞌ rí A̱dée Ana̱ꞌlóꞌ ni̱ꞌkha̱ ná numbaa, jamí ikhaa̱ máꞌ nixnálóꞌ rí mu̱ꞌne̱-nuwiinlóꞌ Ana̱ꞌlóꞌ, tsí phú gakon rí Ana̱ꞌlóꞌ ñajuun. Xómáꞌ ikháánꞌlóꞌ, juwalóꞌ mbóó ga̱jma̱á nindxu̱u̱ Jesukrísto̱, tsí phú gakon rí A̱dée Ana̱ꞌlóꞌ ñajuun. Tsíge̱ꞌ tsí phú gakon rí Ana̱ꞌlóꞌ ñajuun, jamí ikhaa̱ ñajuun tsí naꞌne rí ma̱juwalóꞌ mbá jámuu.
Xáne lá gágoo mbu̱ꞌyáálóꞌ rí juwalóꞌ jayu ga̱jma̱á nindxu̱u̱ Ana̱ꞌlóꞌ, jamí ikhaa̱ xtáa̱ jayu ga̱jma̱á nindxa̱ꞌlóꞌ ikháánꞌlóꞌ rá. Nduꞌyáálóꞌ rúꞌkhue̱n numuu rí ikhaa̱ nixniálóꞌ Xu̱u̱ꞌ.
A̱ngui̱nꞌ, tsáanꞌ phú nandoꞌ ja̱ya̱ꞌlaꞌ, ga̱galóꞌ juꞌya-mijnálóꞌ, numuu rí Ana̱ꞌlóꞌ nandoo jaꞌñúú xa̱bo̱. Jámba̱a̱ xa̱bo̱ tsí nandoo jaꞌñúú xa̱bo̱, a̱dée Ana̱ꞌlóꞌ ñajuun tsúꞌkhue̱n, jamí naꞌne-nuwii̱n Ana̱ꞌlóꞌ.
Rí ndi̱ya̱áxo̱ꞌ ga̱jma̱á rí ni̱dxawíínxo̱ꞌ, ikhaa rúꞌkhue̱n nu̱tha̱nxo̱ꞌ rí mu̱dxawíínlaꞌ, kajngó mangáanꞌlaꞌ mbóó gámbáxa̱ꞌlaꞌ ga̱jma̱á nindxa̱ꞌxo̱ꞌ, xómá rí ikháanꞌxo̱ꞌ nambáxa̱ꞌxo̱ꞌ gajmiáxo̱ꞌ Ana̱ꞌlóꞌ Mikhuíí, xúꞌkhue̱n máꞌ ga̱jma̱á nindxu̱u̱ Jesukrísto̱, tsí A̱dée̱ máꞌ ikhaa̱.
Rí xúge̱ꞌ rá, i̱ji̱nꞌ, ga̱juwalaꞌ jayu ga̱jma̱á nindxu̱u̱ Krísto̱, kajngó ído̱ gákujmaa̱ inalóꞌ, a̱ꞌkhue̱n rí mbá jañii a̱kia̱nꞌlóꞌ gájuwalóꞌ inuu̱, xúꞌkhue̱n máꞌ ma̱xáti̱ya̱ꞌlóꞌ ído̱ mbu̱ꞌyáa̱lóꞌ.
Numuu rí Ana̱ꞌlóꞌ naꞌthán rí nánda̱a̱ aꞌkhánlóꞌ ga̱jma̱á numuu rí wéje̱ a̱kia̱nꞌlóꞌ ná inuu̱, ikhaa jngó juwalóꞌ tsímáá ga̱jma̱á nindxu̱u̱ Ana̱ꞌlóꞌ, ga̱jma̱á numuu rí neꞌne Tátiálóꞌ Jesukrísto̱ ga̱jma̱á numalóꞌ. Xúꞌkhue̱n máꞌ mangaa, ga̱jma̱á majñu̱u̱ Jesús jamí ga̱jma̱á majñu̱u̱ rí wéje̱ a̱kia̱nꞌlóꞌ ná inuu Ana̱ꞌlóꞌ, nandoo najanálóꞌ rí máján ríge̱ꞌ, ná kuajún-gúkuálóꞌ jamí nadxalóꞌ, numuu rí ga̱jma̱á mbá jañii a̱kia̱nꞌlóꞌ guáꞌthi̱ínlóꞌ rí ma̱juwalóꞌ ná phú tsímáá xtáa Ana̱ꞌlóꞌ.
Ikhaa jngó, mbá jañii a̱kia̱nꞌlóꞌ gúxu̱ꞌmá-mijnálóꞌ ná inuu̱, jamí mbá jañii a̱kia̱nꞌlóꞌ gánimba̱ꞌlóꞌ juꞌyáa̱. Numuu rí ni̱gu̱ma-jaꞌwu̱u máꞌ a̱kia̱nꞌlóꞌ nákhí rí ni̱gata̱a mbá xúgíí rí xkawe̱ꞌ, jamí rí nigaꞌwu̱u máꞌ xuyalóꞌ ga̱jma̱á iya jaꞌwu.
Ikhaa jngó, gu̱ni̱ꞌñá-mijnálaꞌ rí maꞌthán-ñájwanlaꞌ Ana̱ꞌlóꞌ. Ga̱wajún-ꞌthi̱ínlaꞌ gixa̱a̱, a̱ꞌkhue̱n rí ikhaa̱ magáyuu̱ ma̱ꞌgee̱ i̱mba̱ janíí. Gu̱xu̱ꞌmá-mijnálaꞌ ná inuu Ana̱ꞌlóꞌ, jamí ikhaa̱ maxuꞌma-mine̱e̱ꞌ ná inalaꞌ. Xa̱bo̱ aꞌkhán, gu̱ni̱ꞌñáá-ru̱ne̱laꞌ aꞌkhán. Tsáanꞌ a̱jma̱ a̱kia̱nꞌlaꞌ, ga̱ꞌne jañii a̱kia̱nꞌlaꞌ ná inuu Ana̱ꞌlóꞌ.