Comunhão com Deus
A comunhão com Deus é o propósito supremo da existência humana. Fomos criados para viver em intimidade com o Criador — e em Cristo, esse acesso é plenamente restaurado.
Em comunhão com Deus
Deus é fiel, pelo qual fostes chamados à comunhão de seu Filho. A comunhão com Deus é dom da graça e fruto da redenção.
Nde mwakulu wu ateele benu mu uba itwadi na Mwana a nde Yisu Kristo Pfumu a bisu: nde li ngetetee mu malahi ma nde.
Benu laafwana uyaaba ti nyutu a benu yili mbuha ya ngidi ya Nzambi, na ti Livupu la Nzambi lili mu benu.
Eeye, Kristo afwanina na nyutu yi yili na binama bi bilahi. Tso bu binama mo biina bili bi bilahi, byo byapfuutana ndulu mu nyutu mosi.
Ki hyenze hyutwala uba ŋa hati la nzo a Nzambi na nzo yi bifwita? Mu tooni ati, bisu a benu ni nzo a Nzambi ya Nzambi a moonyi.
We bu Nzambi nde mwakulu haleeli lo:
«Me ukwilala uba, na me undyata ŋa hati la bo,
me umba Nzambi a bo, na bo buuba buli la me.
Tso muutu li itwadi mu Kristo, nde li ivaangu hi inyatihi. Mbiili yikulu yimiidimbala, bunuubu, mbiili a nde ka yinyatihi. Mambu mo maana moosi maamati huli Nzambi, wu anongisi bisu na nde mu nzila a Kristo, na wu aviidi bisu isalu hi unongese baatu bakima na nde. Eeye, ni mu Kristo, Nzambi haakasala mu unongese baatu ba tsi na nde, hwavele utaanga mamabi ma bo. Na nde atumi bisu, mu uyayabisa musamu wu inoongi.
Presença divina
Eis que estou à porta e bato. O Senhor fez sua morada entre nós — e toda a criação é convidada à comunhão eterna.
Yuha, me amiiteleme ŋa munywa a nzo na me ndi mu undodo. Tso muutu yuhi ndaha a me na dibuli munywa a nzo, me ukoto huli nde, me undya itwadi na nde, na nde kaka udya itwadi na me.
Me anzuhi ndaha yi mifudi yi yaakamata hu kiti-ipfumu na yaakaleele: «Bunuubu, ngooto a ngidi ya Nzambi yika ŋa hati la baatu. Nde sa akwilala na bo, na bo sa baba mabuli ma nde, Nzambi nde mwakulu sa aba na bo. Nde sa aba Nzambi a bo.
Mu tooni ati, baatu boole buuve baatu batatu bapfuutana mu nduhi a me, me ndi ŋa hati la bo.»
Me a handi mu utsambila we ndulu mu bo ve, ka napa mu ba buusiila me imiinu mu ma bo buuleele mu me. Me ndi mu utsambila, mana boosi baba we muutu mumosi. Taata, nyaha bo baba itwadi mu we na me, we bu we li itwadi na me, na me ndi itwadi na we. Nyaha bo baba muutu mumosi, mana baatu ba tsi basa imiinu ti ni we atsindaha me. Na me miipa bo muyusu wu we aviidi me, mana bo baba muutu mumosi, we bu we na me lili muutu mumosi. Me ndi moonyi mu bo, na we li moonyi mu me. Buuna, bo buuba muutu mumosi we bu hwafwana, mana baatu ba tsi bayaaba ti we atsindaha me, na ti we atondo bayihi ba me we bu we atondo me.»
Viver na comunhão
Quem permanece nele e ele no Senhor, esse dá muito fruto. A comunhão com Deus produz transformação e alegria.
Woosi wu ubaasiingala Mikele mya Nzambi, ubaakwilala mu Nzambi na Nzambi ubaakwilala mu nde. Mono buni bisu libaayaba ti Nzambi akwilala mu bisu: ni mu tooni Livupu la nde li nde hava bisu.
Bisu liyabi kaka ti, Mwana a Nzambi ayidi ŋa tsi na aviidi bisu buyedi mana bisu litsikaha Nzambi wa mbuli. Bisu lili ba baakangama mu Nzambi wa mbuli mu tooni a Mwana a nde Yisu Kristo. Nde ni Nzambi wa mbuli na moonyi wu bilima na bilima.
Nzambi aviidi bisu Livupu la nde. Ni buuna bisu libaayaba ti bisu libaakwilala mu nde, na nde kaka ubaakwilala mu bisu.
Bambaahi baa litondo, litondosonwaani.
Mu tooni ati, litondo libaamata huli Nzambi.
Woosi wu ubaatondo bana, li wu Nzambi habuta.
Nde yaabi Nzambi.
Bisu lili mu ulongese benu ma bisu laamoni na laayuhi. Bisu luulongese benu mo, mana benu kaka liba ba baakangama na bisu mu itwadi hi bumwana bu bungu, hi bisu lili na hyo na Taata Nzambi na Mwana a nde Yisu Kristo.
Bunuubu, baana ba me, kangamaani mu Kristo, mana bisu liluula mu hiitu mu taangu yi nde huyamonehele. Kangamaani mu nde, mu uvelekwa tsonyi ŋa busu bwa Kristo, mu ilumbu hya nziili a nde.
Ni mu buuna, bu bisu laaka ba tsiitsa mu imiinu, bisu lili mu hyenze na Nzambi mu likumbasa la Pfumu a bisu Yisu Kristo. Mu tooni imiinu hya bisu mu nde, bisu lili na muswa mu ubaha hyese hi bisu luukwilala ba bavangama mu hyo. Na bisu lili na kinya, bu bisu lili na hiitu mu ukabasana muyusu a Nzambi.
Ni mu buuna, lisusahaani huli Nzambi, na mutima wu imbuli, na imiinu hi hyakuha, na mutima wu atsyeme mu matsimi ma mabi, na nyutu yi baaswaha mu mamba ma maatsyeme.
Ni mu buuna, singalaani Nzambi, bisalaani Saatana, na nde ubata benu. Yasusahani huli Nzambi, na nde uyasusaha huli benu. Swahani myoho mya benu, benu baatu banga masumu. Tsyemesaani mitima mya benu, benu banga a moole-moole.