Comunhão com Deus
A comunhão com Deus é o propósito supremo da existência humana. Fomos criados para viver em intimidade com o Criador — e em Cristo, esse acesso é plenamente restaurado.
Em comunhão com Deus
Deus é fiel, pelo qual fostes chamados à comunhão de seu Filho. A comunhão com Deus é dom da graça e fruto da redenção.
A Ccapaw, ah Bawipaw Jesu Khri kya-e vaeccawkunaw kalan nanning ae ko oh paw Pachia tuh a lungzipaw nynh thua.
Nanning tuh Pachia beikinn na thua oh paw te Pachia Muisaw nae kya a umpaw kha na nyh khyh oh tou?
Pyn pynkheit kyakhe pyn kya-e hae patae um hae zah, pyn kya-e hae balyn tuh alung hae zemah pyn pynkheit athua hae hawte, Khri mah tuhawte nynh athua.
Bawipaw Jesu Khri thawccinaw, Pachia sungsahnaw te Thyaa Muisaw vaeccawkunaw tuh nae balyn tungvaw kya la um sah. Amen.
Pachia beikinn nynh zohtuh hae te paw nawccawnaw mou a hoi? Pawccecize Pachia nynh,
"Minmin kya ka um cih zah
minmin laku ka cceih cih,
kae tuh mih Pachia ka thua cih zah
minmin tuh ka ccungccaw hae
athua cih hae," a ci hawte,
nanning tuh ahiinpaw
Pachia beikinn nynh na thua oh.
Tukeiccuze humhung zemah Khri kya a um lanze, aning tuh rae thawpaw ccungccaw nynh thua; arynpaw uccaw miakaw tuh marya zo zah, pawpaw balyn tuh athawpaw lang a tang vae. E hae balyn tuh Pachia kyate nynh thua; Pachia nynh Khri liate aening kha amaw ryte bua oun ccawsakuthui zah, ccawkuthuinawpaw rya kha kaening oun pya; tuh-e tuh, Pachia nynh laephi ccungccaw hae mih cyiseinaw kha ccuinpya vae leite, Khri liate minmin kha amaw te bua a ccawsakuthui hae, tuh-e ccawsakuthuinawpaw bya tuh kaening kya phe oun ap vae.
Presença divina
Eis que estou à porta e bato. O Senhor fez sua morada entre nós — e toda a criação é convidada à comunhão eterna.
Dotua, kae tuh thuakawzung khe ka thadyn zah ka khua. Ccungccaw lukhakheit nynh ka roi thae zah thuakaw yn hungpya ze, tuh-e paw kalan ka tee cih zah looh kae aekheih cih, aning mah kamaw ryte kae aekheih cih.
Vaawlang te roi accaepaw nynh,
"Dotua oh, Pachia nynh
a umnawpaw bu tuh
ccungccaw hae kya um zah,
Pachia tuh minmin ryte a um vae cih;
minmin tuh a ccungccaw hae
athua vae cih hae.
Pachia tuh minmin ryte a um cih zah
mih Pachia athua vae cih.
Israel hae laku khe ka um cih zah mih Pachia ka thua cih.
Pawccecize lu ning khyhze lu thum nynh ka min te a sueluakunaw hae kyakhe kae mah minmin kya ka umbua," a cipya hae.
"Minmin elang kyalya saw ka sang khyh; mih bya liate kae yn zyn cih hae paw hanlan mah saw ka sang. Mih balynte ccangkheit athua nawlan hae saw ka sang. Apang, nang tuh ka kya na um zah kae mah na kya ka um hawte, minmin mah aening kya umbua hae sah. Nang nynh kae hynh nae saw cipaw laephi nynh a zyn nawlan minmin tuh ccangkheit lang beih tang hae sah. Aening tuh ccangkheit ah thua hawte minmin mah ccangkheit athua nawlan hae, nae pyapaw phu-enaw kha minmin ka pya hae, minmin tuh ccangkheit ccaccing lang a tang nawlan hae, kae tuh minmin kya ka um zah nang tuh ka kya na um, tuhteze nynh nang nynh kae hynh nae saw cipaw te kae hynh nae sungsah hawte minmin kha mah na sungsah hae cipaw kha laephi nynh a nyh cih.
Viver na comunhão
Quem permanece nele e ele no Senhor, esse dá muito fruto. A comunhão com Deus produz transformação e alegria.
Pachia kawbya a zuipaw ccungccaw tuh Pachia kya tyn zah Pachia mah tuh-e paw kya atyn. Aening oun pyapaw Thyaa Muisaw liate Pachia tuh aening kya atyn cipaw ah ny oh.
Ahmepaw Pachia kha ah ny nawlan oh, Pachia Ccapaw tuh yn thua vae zah, aening kha thaethyanaw oun pya vae cipaw ah ny oh; aening tuh ahmepaw Pachia kya te a Ccapaw Jesu Khri kya nynh ah um oh. Aning tuh ahmepaw Pachia thua zah zungzae hiinnaw mah athua.
Pachia nynh a Muisaw kha aening oun pya vae keiccuze aening tuh Pachia kya ah um oh zah Pachia tuh aening kya a um cipaw ah ny oh.
Ka sungsah hae, lu kheit te lu kheit sungsakuh oh sih, pawccecize sungsakunaw tuh Pachia kyate yn thuapaw nynh thua. Ccungccaw a sungsahpaw miakaw tuh Pachia kyate yn puipaw thua zah Pachia kha a ny.
Nanning mah kaening ryte vaeccawkunaw na hoibua ccaw oh cite kae muihpaw te kae thaepaw kha kae hopya oh; kaening tuh Paaw te a Ccapaw Jesu Khri ryte vaeccawkunaw kae hoi.
Ka ccaaw hae, atu Ccapaw kya la tyn oh, tuhteze tuh Ccapaw he yn langku vae ze aening nynh zynkunaw ah hoi cih oh zah, he yn thua vae ze amaw malang maethyanaw ah ccou lan khyh oh.
Tukeiccuze zynnaw liate thyaaccousah ah thua vae oh zah, ah Bawipaw Jesu Khri liate aening tuh Pachia te ah ccawkuh vae oh. Aening ah thadynnaw oh hynh-e thawccinaw lungkhu lang amaw zynnaw liate nynh aening naeku khonaw ah hoi oh; Pachia phu-enaw kha neethungku lan ah ngaehoi oh zah ah lungtua.
ahoy leipaw mawtemaw nykunaw thinlung kha thyaasaku khylan tui theikute, ah pyn kha tui ccipaw te singkute, thinlung ccaccing te zynnaw atynpaw te Pachia kalan naekuh oh sih.
Tukeiccuze Pachia rynaw kha zui oh. Satan kha dou oh lah, nanning kha ae ccuetaw cih oh. Pachia kalan naekuh oh lah, aning mah nae kalan a naekuh cih. Misei hae, nae kuih kha ccikankuh oh, thinlung aphei hae paw, nae thinlung kha thyaasakuh oh.