Comunhão com os irmãos

41 P’es’iroosi odeeddawaa akkeeddawanttu s’ammak’etteeddino; he gallassi heezzu sha"a gidiyaa Asay ammaneeddino. 42 Unttunttu Yesuusi kiitteeddawanttu timirttiyaan, ittippetetsaan ukitsaa mentsi miyaawaaninne S’oossaa woosan genc’c’iino.

Ammaniyaa Asay Ishatetsaaninne Ittippetetsaan De’iyaa De’uwaa

43 Yesuusi kiitteeddawanttu kushiyan daro ooratsabaynne malaatatuu oosettina, asaa ubbaa yashshay oyk’k’eedda. 44 Ammaneedda ubbatuu ittippe de’iino; k’ay barenttoo de’iyaabaa ubbaakka ittippe shaakki akkeeddino. 45 Unttunttu barenttu gadiyaanne barenttoo de’iyaabaa zal"i zal"iide, oonanne koshsheedda keena miishshaa ubbaw shaakkeeddino. 46 K’ay ubbaa gallassi, itti wozanaa gidiide, Geeshsha Golliyaan pac’c’ennan gakettiide, barenttu golle golle s’eesettiide nashechchaaninne pashikka wozanaan k’umaa miino. 47 S’oossaa galatiidde, asaa ubbaan sabetteeddino. K’ay Goday ammani attiyaawantta gallassi gallassikka unttunttu bolla gujjee.

24 Ittuu ittuwaanna waan siik’ettanenttonne k’ay lo"o oosuwaa wooti ootsanentto, ittuu ittoo k’oppeetto. 25 Ittuu ittuu shiik’uwaa dooyaa ootsiide shiik’iyaawaadan, nuunikka ittippe shiik’iyaawaa aggokko; shin Godaa gallassay matattiyaawaa hinttenttu be’iyaa diraw, ittuu ittuwaa mentsetseetto.

Ishatuwaa Siik’oo Shiik’eedda Sabaa

1 Ishatuu ittippetetsan de’iyaawe ayiba lo"obeenne nashechchiyaabee!

2 Hewe huup’iyaa okkina, buuchchaanna goggiyaa,

Aaroona buuchchaanna goggiide

Aa mayuwaa morggiyaa gakkiyaa al"o zayitiyaa mala.

3 Hewe Hermmoone deriyaa ketterssay,

S’iyoone Deretuwaa gakkiyaawaa mala.

Med’inaa Goday hewan anjjuwaa, med’inaa de’uwaa immeedda.

14 Nuuni ittuu ittuwaanna ulobaa haasayeeddo;

nuuni S’oossaa golliyaan asaana ittippe simeretteeddo.

9 Ittuwaa gidiyaawaappe laa"a gidiyaawe lo"a; ayaw gooppe, unttunttu oosuu ittuwaawaappe aad’d’iide, lo"o ayifiyaa immanaw danddayee. 10 K’ay, laa"uwaappe ittuu kunddooppe ittuu dentsee; shin barekka de’iyaa uray kunddooppenne Aa dentsiyaawe bayinna diraw, aw aayye ana! 11 Meego wodiyaan laa"uu ittippe gisooppe ho"ee; shin barekka gisiyaa uraa hak’appe ho"anaw danddayii? 12 Itti Asay barekka te"anaw danddayenna metuwaa laa"u asatuu ittippe ek’ettiide, te"anaw danddayiino. Heezzu kutsaan dook’etteedda wodoruukka elle duus’s’enna.

22 Tumatetsaw hintte azazettiyaawan, lo"a malatiyaa iitatetsay bayinnaan hintte ishatuwaa siik’anaw hintte huup’iyaa geeshshiide, ittuu ittuwaanna minisiide wozanaappe siik’ettite.

9 Zuuzummennan ittuu ittuwaa imatsatetsaan mokkite.

10 Ittuu ittuwaanna ishatuwaadan siik’ettite; ittuu ittuwaa bonchchiyaawan nashettite.

Kiristtoosi Barena Kawushsheeddawaa Leemisuwaa

1 Kiristtoosan hinttenttu de’iyaa de’uu hinttena wozantsii? Aa siik’uu hinttena mentsetsii? Geeshsha Ayyaanana hinttenttoo ittippetetsay de’ii? Hintte ittuu ittoo keekiiteennee k’arettiitee? 2 Yaatooppe, hinttenttu k’ofaan, siik’uwaan, wozanaaninne k’ofaa poluwaan ittuwaa gidiide, taana polo nashechchite.

16 Kiristtoosa k’aalay hinttenttu wozanaan kumiide de’o; hinttenttoo de’iyaa aad’d’eedda eratetsaa ubbaan ittuu ittuwaa tamaarissitenne zorite; hinttenttu wozanaan S’oossaa galatiidde, woosaanne mazimuriyaa, S’oossaa suntsaa d’ok’k’u ootsiyaa yetsaa yes’s’ite.✝

32 Ittuu ittoo keekitenne k’arettite; k’ay S’oossay Kiristtoosa baggana hinttenttoo atto geeddawaadan, hinttekka ittuu ittuwaa atto giite.

13 Hinttentta gidooppe, taanaadan ammaniyaawanttoo, ayiletetsaappe kesanaw s’eesetteeddita. Gidooppennekka ayiletetsaappe hintte keseeddawaan, hintte asatetsaa amuu hinttentta mooddoppo. Hewaa diraa siik’uwaan ittuu ittoo moodettite.

11 Hewaa diraw, hinttenttu k’ay ha"i ootsiyaawaadan, haratuwaa mentsetsitenne ittuu ittuwaa dichchite.

6 Nuuni nuw aanana ittippetetsay de’ee giide d’umaan de’ooppe, nu haasayaaninne nu oosuwaan worddoteetto. 7 Shin poo’uwaan I de’iyaawaadan, nuunikka poo’uwaan de’ooppe, nuw ittoo ittuwaanna ittippetetsay de’ee; k’ay Aa Na’aa, Yesuusi Kiristtoosa suutsay nagaraa ubbaappe nuuna geeshshee.

11 Wurssetsaan taanaadan S’oossaa kaalliyaawanttoo, saro de’ite; bali baynnaan de’ite; ta zoriyaa sisite; itti wozana gidiide de’ite; sarotetsaan de’ite. Siik’uwaanne sarotetsaa S’oossay, hinttenanna ittippe de’ana.

34 Taani hinttentta ooratsa azazuwaa azazay; ittuu ittuwaa siik’ite. Taani hinttentta siik’eeddawaadankka, hinttenttu ittuu ittuwaa siik’ana bessee.