Comunhão com os irmãos

41 Zɔiti ti yeezeini gooi wu, naati ti ɓatizeni, naama voloi nu waasaʋagɔ (3.000) ɠɛɠala ɠa é ʋɛɛni kidaaleʋe nuiti ba. 42 Ti ɠɛni woilosu yeenɔpɛ kalagi ma, nii keelaiti ti ɠɛni feezu, ti ɠɛ kpɔfaamai zu, ti ɗa daamii wo, ta ti ɗa GALA falii wo ʋɔɔma. 43 Dualuagi ɠɛni ɛsɛ pɛ su, mazɔlɔɔ GALA ge ɠɛni maaɓɛlɛ vaiti ta laavɔɔ vaiti kɛɛzu ga gola ga keelaiti maaʋele. 44 Kidaaleʋe nuiti pɛ ti ɠilini ʋa, ti-ɠɔligiti ti ɠɛ su ɠila kpe. 45 Ti ɠɛni ta-yooiti ta ti-ɠɔligiti pɔdizu, ti ʋa ga ma walii, ti gaaɠwɛ ɛsɛ ba, é zoloo ma nu ɓɛdɛma vai ma. 46 Ti pɛ ti ɠɛni ɠaalɛɛzu ba folo-o-folo GALA sei ʋɛlɛi wu, ti ɠɛni ɓului ɠaleɠalezu ta-ʋɛlɛiti bu, ti daamii wo koozunɛɛi zu, ta zii ʋagɔlai zu. 47 Ti ɠɛni GALA maamusɛzu, naa ʋoluma ta-vai ɠɛni nuɓusɛi pɛ ziilaazu. Folo-o-folo Maliɠii ɠɛni ta ɓɔsu kidaaleʋe nuiti ma ɓɔgi ʋa ga niiti é ɠɛni ti ɠizosu.

24 Ɛsɛ ge wɛlɛ bɔɔla ma, ade ɠilagilagi pɛ, ga de ɓɔɠɔ iɲɔdɔ nɛɛbɛi ziɛ vai zu, ta kɛɛwoti ʋagɔiti kɛɛ vai. 25 Ade mina ɠɛ ga tanigaani kɛʋele, de ʋa ɠɛlɛ da-maaɓɔgi ʋa, kɛlɛ ade ɓɔɠɔ iɲɔdɔ, eɠɛʋelei vɔlɔ wo ɠaazu Maliɠii ná-tukpɔɠaaleʋe voloi ʋa la, maa ɗa ɓuɠa.

Soloogɛ ɠɛɛɠɛlointi ma, ti ɠili ʋa

1 Tɛɛ wo guyei. Davide ná-guyei.

Wɛlɛ, pagɛ, é vizɔ ɠɛɛɠɛlointi ma,

ga ti ɠili ʋa, ti zei ada ɠila!

2 Kɛɛʋɛ eɠɛ gulɔ maku nɛɛnɛgi,

puai Aalɔn nɔungi zu, é ɗa yei kpɛlɛiti ga,

ta ná-seɠe ɠɔgi zu.

3 Kɛɛʋɛ eɠɛ nɔɗagi, é ʋuuni Ɠɛɛlɛmɔn gizei ma,

é ɗa yei Siyɔn gizei ma.

Miná ɠa Ɠɔoɠɔ GALAGI ná-tuyai veezu ná, nii é ga zɛnvui, eyɛsu ɠɔ.

14 Kɛlɛ ɗa ʋe, è ga zunui ga nɔ̀un kɛʋele,

bɔ̀ɔlai, nɛ̀ɛɲɔɠɔi!

Tɛnɛ gooiti

9 Nu felegɔi ɓɔgai su, naa vizɔgɛ nu ɠilagi ʋa,

ta ɠɛna fele, ta ɗa ta-wotii zulɔnɔgi zɔlɔɔ.

10 Ni gila ka loona, bɔɔlai ɠa ɗa buzeɠe,

kɛlɛ zɔi tɔ ɠila be, naa maawɔingo,

ni a loona, bɔɔla la ná, nii a buzeɠe.

11 Ʋele nɔ ɠana é la, ni nu wa ɠɛna laani ga nu felegɔ betei zu,

diegi ɠa zoo zeizu wo ma,

kɛlɛ zɔi tɔ ɠila é laani,

diegi ɠa zoo zeizu ɠale naa ma?

12 Ni nui ta a ɠɛna ná, é ɗa vɔni nu ɠilagi ma,

nu felegɔi ɠa zoo vɔnisu tɔun ma.

Galu ʋɔɛngi nii é ma ga saʋagɔ,

naa leʋe la ɓaaʋɛ.

22 Wo ɓega ʋoluma ga ɠolo gaamai ʋɛ, wo ɓɔɠɔ ɲadega ga, wo wo-ɠɛɛleaiti nɛɛ ʋɛ ga nɛɛbɛi nii wooveleda la su. À ɓɔɠɔ nɛɛ ʋɛ mu wo ɠilagilagi pɛ ga wo-yiimaʋɛ pɛ.

9 À ɓɔɠɔ laazuʋɛ wo ɠilagilagi, naa mina ɠɛ ga unsuyeli vaa.

10 À wɔin ga ɓɔɠɔ wo ɠilagilagi pɛ ga kɛɛɠɛloun nɛɛbɛi. À ɓɔɠɔ wɔɔlɔ, wo ɗa leʋe ɓɔɠɔ ʋa naa zu.

Kilista ná-ɓɔɠɔmaayeii ta ná-bɔɔlɔi

1 Wo la iɲɔdɔɔi zɔlɔɔni wa-ɠilibalai zu wa Kilista ɓaa? Ná-nɛɛbɛi ɠa wo ɠaanɛɛnɛzu nɛi? Kpɔfaama ɠa nɛi wo yɔɠɔzu wa Zɛnvu Ɲadegai? Wo ɠilagilagiti nɛɛbɛ la wo yɔɠɔzu ɓaa, ta maawɔinɠai? 2 Deɠɛmu, à nà-koozunɛɛi laazeeli ga pagɔ, wo zoloo su, nɛɛ ɠilagi nɔ ɠɛ wo zaama, wo ɠili ʋa zɛnvu ɠilagi ta kisiɛ ɠilagi zu.

16 Kilista laawooi yɛ wo zaama ga bɔɔlɔa. À ɓɔɠɔ ɠala, wo ɓɔɠɔ lɛnɛ wo ɠilagilagi ɠimalai pɛ su. À GALA guyeiti too, ta GALA dɛbi wuyeiti, naa ʋɛɛ guyeiti ba Zɛnvu Ɲadegai ti lɛɛzu ga woye. À ti loo GALA bɛ ga yii pɛ ta faanɛɛ wuuɠwɛɛgai.

32 À nuɓɔɠɔlai ta maawɔinɠai ɠɛ wo ɠilagilagiti pɛ. À ɓɔɠɔ zuvaayɛ wo ɠilagilagiti, eɠɛʋelei GALA ge wo zuvaayɛga da, ga Kilista maaʋele.

13 Wɔun, kɛ̀ɛleaiti, GALA ge wo loligɛ ga wo ɠɛ ga wɔɔlɔiti. Kɛlɛ à mina wɔɔlɔyai naa ɠɛ ga zaɓui, wa ɠɛ eteai ziɛzu la ga kpusɛi yiimaiti. Kɛlɛ à ɓɔɠɔ ɠɛ ga botiɠɛ nui ɛsɛ pɛ bɛ ga nɛɛbɛi maaʋele.

11 Naa ɠa é ba, à ɓɔɠɔ iɲɔdɔ wo ɠilagilagiti pɛ, wo ɠilagilagi ɓɔ bɔɔlai ʋa wo li luɠɔma kidaaleʋei zu, eɠɛʋelei wo kɛɛzu la ɠiteɠite.

6 Ni ada ɠɛɛna ma, da kpɔfaamai zu da tɔun, tama de ɗa ziɛ kpidii zu, da zɛɛi wosu, de la ziɛzu ga gaamai. 7 Kɛlɛ ni da ziɛzu wozakalagi zu, eɠɛʋelei GALA ɓɔɠɔi la wozakalagi zu, naazu da kpɔfaamai zu de ɠilagilagi, ná-Doun Zunui Yesu ma ɲamai ɠa kotoiti pɛ gba de ʋa.

11 Kɛ̀ɛleaiti, gaaɓelagi ɠa ga: À ɗa ɠoozunɛ. À li luɠɔma, wo ɓɔɠɔ iɲɔdɔ wo ɠilagilagi pɛ, kisiɛ ɠilagi ɠɛ wo-yiimaʋɛ. À eteai ziɛ ziilɛigi zu, nɛɛbɛi ta ziilɛi GALAGI ɠa ɠɛ wo ʋa naazu.

34 «Nà deve niinɛ veezu wo ya, naa ɠa é ga: Wo pɛ à ɓɔɠɔ nɛɛ ʋɛ. Eɠɛʋelei gè wo nɛa la ʋɛ, wo pɛ à ɓɔɠɔ nɛɛ ʋɛ ɠana.