Comunhão com os irmãos
A comunhão com os irmãos é marca da igreja verdadeira. Os cristãos primevos perseveravam na comunhão — partindo pão, orando e encorajando-se mutuamente.
Comunhão verdadeira
Perseveravam na doutrina dos apóstolos e na comunhão. A comunhão autêntica envolve amor sacrificial e acolhimento mútuo.
Ɓi teyɗuk woo kiŋ ɗe ɓoktuusa. Mbaɗi, ɓi ɓaatuk ŋ kosiɗ ci nikee ŋ ɓak junni-kaahay (3000).
Ɓa genee ŋ sikɗuk jangɗohiŋ Apootar ci. Ɓa jen ɓa mandee na ɓooɓi taambɗoh, ɓa meeɗta ñam yino, ɓa meeɗta hun ɓa kiimee Kooh.
Kooh taambohha ŋ Apootar ci a tumeeɗa in feyohiɗ laayiɗ na ɓi keemaan ; ɓooɓa jen, yaa nu nga ɗah feyuusa. Kosiɗ ca jen nikka yino, ɓa ɓaahha in ca ɓa raakee jen. Ɓa tooneeɗa kahan caŋ ɓa na raak-raak caŋ ɓa, ɓa paysohha kopora ŋ harmban ɓa, yaa nu nga eɗuusa in hend na ini a etoh. Kooh-nu-wiis, ɓa meeɗ coh ŋ Kahan Kooh ; ɓa hunnda, ɓa ɓaaheeɗa kañam ŋ kahan caŋ ɓa, ɓa ñameeɗa kañam caŋ ɓa na keeñ soosiɗ na eɗef. Ɓa yakɗeeɗa Kooh, ɓooɓa jen neɓuusa nga ɓa. Kooh-nu-wiis ɗah, Heɗi ɓaat ɓa mucɗuuɗ wiiriis.
Yaa nu nga ɓoo faɗohaat morom ce nof ne ɓoo hiirtiɗohee ŋ waaɗoh na tum in baahiɗ. Ɓoo kinaat faɗ coh ci ɓoo na cohe. Ɓinooɓi faɗiɗ ca po wa nikiɗ ini ɓa meeɗ. Ineem kinaat ɓoo rahas. Ɓoo joy joy ñaahtiɗoh. Te ɗu uupee hot ne mbehiŋ Heɗ ɓoo wii reɓeeɗa ɗah, uupaat nga ñaahtiɗoh.
Amor fraternal
Amai-vos com amor fraternal sincero. Encorajem-se mutuamente e carreguem os fardos uns dos outros.
Ɗu kerhiɗiɗ keeh ki po ɗu hoolɗiɗ haf ɗu ne ɗu waaɗoh waaɗohi hunɗi na naafeeha, ɗiski wa nik, waaɗtiɗohaat waaɗtiɗoh keeh-keeh na keeñ hooliɗ.
Yaa nu nga ɗah dalɗaat morom ce baahiɗ ŋ kahan ce te wa hunuu na woo ƴin-ƴin.
Ŋ ini kaɗ ŋ waaɗoh, waaɗtiɗohaat findi ɓooɓi ɓaah yaay na baab. Ŋ ini kaɗ ŋ eɗoh cir, yaa nu nga ɗah uupsiɗkohaat eɗ cir morom ce.
Niki ɗu nik ŋ Kiristaani oniɗ ɗu kaañ, waaɗi a waaɗ ɗu giifiɗta ɗu, Fuuɗsi Hoolohngaani oniɗ ɗu ne ɗu nik yino, keeñkoh na yirmoh raakiɗ ŋ harmban ɗu, wa ineem haa e ? Kon mitɗaat sumi ŋ sum : Raakaat hotohaaɗ yino, ɗu waaɗtiɗoh ɗu nik yino, ɗu nik keeñ yino, na liiɓohaaɗ yino.
Woo kiŋ Kiristaani genaat nga ɗu na raak-raakiŋ wa jen ; jangɗohaat ŋ harmban ɗu te ɗu ñaahtiɗohee na liiɓoha moɗiɗ nu nik, wa hun na ƴeek ciŋ Sabuur na ƴeek corkiɗoha Kooh, na ƴeek ci puloh ŋ Fuuɗsi Hoolohngaani jen ; ɗu ƴeek ca na keeñ ciŋ ɗu ne ɗu corkiɗ Kooh.
Baahaat ŋ harmban ɗu, ɗu keeñtiɗkohe ; ɗaastiɗohaat findi Kooh ɗaasoh ɗu ŋ niki ɗu nik ŋ Kiristaani.
Ɗu nak, ɓaah ciŋ ngo, Kooh ɓeeɗkiɗ ɗu ne ɗu raak haf ɗu ; waaye kinaat tonduk ŋ ineem, ɗu taambɗee kiñin ciŋ ɗu ; yaa nu nga ɗu ɗah, waaɗi a waaɗ morom ce tahaat po a taambkohee ɗe.
Ineem weɗ tah, ñaahtiɗohaat, yaa nu nga amboh morom ce ne a kaɗ fiki, findi ɗu na tumohee wa an.
Ɓoo woo ne ɓoo yino na Kooh, te ɓoo tiindee ŋ ñuus ɗah, ɓoo na leye te ɓoo pesɗi ŋ keeh. Waaye ɓoo nik ŋ siñaar findi Kooh nikoh ŋ siñaar ɗah, ndeem, ɓoo yino ŋ harmban ɓoo te ñif miŋ Kuɓkiŋ ɗe Yeesu wa ɗii hooliɗ ɓoo ŋ bakaaɗ ci jen.
Ini mirndoh, ɓaah ciŋ ngo, sumaat, haɓɗissaat pesohaaɗiŋ ɗu, ñaahtiɗohaat, kerhiɗohaat, pesaat ŋ jam, te Kooh yi riif na waaɗoh na jam hey nike na ɗu.
Mi yii eɗ ɗu nakoh as : Waaɗtiɗohaat ŋ harmban ɗu. Findi ŋ waaɗoh ɗu, namaat waaɗtiɗoh ɗaa ŋ harmban ɗu.