44 Lɩɛdɩra baa kpiniŋ cha bʋga dikulie, sɛ ba bʋrʋkʋma cha ga yɩɛ ba kpiniŋ ba teri. 45 Sɛ baa yaa ba akpaŋta na ba abʋrɩ ba chamɩna aterembie ŋii baa fa wʋkʋma ganaŋkʋ dɩ cha tiri ɩ na. 46 Wɩɩ kʋma baa ju dʋɔ baa sɩla baa bʋga Ɩsʋɔ tʋm danɛ gaa naŋ. Baa jaɩ bodobodo ba wʋkʋma waasɛ dʋɔ sɛ baa mʋ asadi na digela fʋlʋŋsɛ baa di adiya, 47 baa kalɩɛ Ɩsʋɔ, sɛ baa yu bakpa baa kpiniŋ asanaŋ Ɩsʋɔ wɩɩ. Sɛ Kpaŋjuo wʋŋ mʋ baa wʋ mɔlɔgɩ ba na kpi lɩɛdɩra baa dʋɔ gɩyɩɛ kʋma.