A comunhão

23 तैँ मोरिकमे और मै ओइन्केमे बतुँ ताकि ओइने पूरा रुपमे एक होजाँइत। जिहिसे संसारके मनै यी जानलिँत कि तहिँए महिन्हे पठैले, और तैँ ओइन्हे ओस्तेहेँ प्रेम कर्ले, जसिके महिन्हे कर्ले।

34 मै तुहुरिन्हे एकथो लावा आज्ञा देहतुँ: तुहुरे एकदोसर जहनहे प्रेम करो। जसिके मै तुहुरिन्हे प्रेम करथुँ, ओस्तेके तुहुरे फेन दोसुर जहनहे प्रेम करो। 35 यदि तुहुरे एकदोसर जहनहे प्रेम करबो कलेसे, यम्नेहेँसे सक्कु जाने जन्हीँ, कि तुहुरे मोरिक चेला हुइतो।"

44 और विश्वास करुइया उ सक्कु जाने एक्के संग बैठिँत। और ओइन्के थेन रलक सक्कु चिज ओइने एकदोसुर जहनहे बाँतिँत्। 45 ओइने अपन सम्पति और सामान बेँचबेँचके जिही-जिहिहे ज्या-ज्या चिजके जरुरी परिन, ओइन्हे उ चिज बाँटदिँत। 46 और ओइने प्रत्येक दिन एक्के मन बनाके मन्दिरमे एकजुट होके आराधना करिँत। और प्रभुभोजके लग एकदोसुर जहनके घरेम जमा हुइँत। और ओइने खुशी और शुद्ध मनसे मिल्जुलके खाना खाँइत। 47 और ओइने परमेश्वरके प्रशंसा करिँत। और सक्कु जाने यनसे खुशी रहिँत। और जोन-जोन मनैनहे मुक्ति मिलिन, ओइन्हे दिन-दिने प्रभु यनके समूहमे शामिल करादिन।

3 येशूक बारेमे हम्रे ज्या देख्ली और सुनल बती, ओक्रेहे हम्रे तुहुरिन्के थेन प्रचार करती, ताकि तुहुरे फेन हमार संग शामिल होजाऊ; और हमार यी सहभागिता परमेश्वर बाबक संग, और हुँकार छावा येशू ख्रीष्टके संग बा।

16 यम्नेहेँसे प्रेम का हो कहिके हम्रे जन्ली, कि येशू ख्रीष्ट हमार लग अपन ज्यान दैदेलाँ। तबेकमारे हम्रे फेन अपन दादू-भैयनके लग अपन ज्यान देहे परत।

11 तबेकमारे तुहुरे एकदोसर जहनहे उत्साहा देऊ, और एकदोसुर जहनहे बल्गर बनाऊ, जसिके तुहुरे करत फेन बतो।

12 मोरिक कहे खोज्लक का हो कलेसे तुहुरिन्के विश्वास बल्गर कराईक लग मै तुहुरिन्हे सहायता करे सेकुँ। और मोरिक विश्वासहे बल्गर बनाइक लग तुहुरे महिन्हे सहायता करे सेको।

25 तमान जहनके प्रभुक महिमा करना सङ्गतिमे नै जैना बानी रथिन। पर हम्रे एक्के थेन जुटे नै छोरी। पर एकदोसुर जहनहे आकुर हौसला देती रही। काकरेकी हम्रिहिन्हे पता बा कि प्रभु झत्तेहेँ फिर्ता आइतताँ।

2 जब तुहुरे समस्यामे परबो, तब तुहुरे एकदोसर जहनहे सहयोग करहो। अस्तेहेँके तुहुरे ख्रीष्टके नियम कानुनहे पालन करहो।

10 तबेकमारे मौका भेटाइल अनुसार हम्रे सक्कु मनैनके भलाई कर्ती जाई; खास करके ओइन्हे जेने हमार विश्वासी भैया-बाबुन हुइँत।