23 Taani entan, neeni tanan de7eysada enti polo issino gidana mela nena woossayis. Hessika, ne tana kiittidaysanne ne tana dosida dosuwan enta siiqidaysa alamey eran melasa.

34 Taani hintew immiya ooratha kiitay haysa; issoy issuwa dosite. Taani hintena dosidaysada hinte issoy issuwa dosanaw bessees.✝ 35 Hinte issoy issuwara dosetiko hinte ta tamaare gideysa asa ubbay erana" yaagis.

44 Ammanida ubbay issife de7oosona; bantaw de7iyaba ubbaa issife shaaketoosona.✝ 45 Enti bantaw de7iyaba bayzidi miishiya issuwas issuwas koshshida mela shaakosona. 46 Ubba gallas issi wozanan gididi xoossa keethan shiiqoosona. Banta keethan issoy issuwa xeegidi ufaysaninne ashke wozanan kathi moosona. 47 Xoossa galatishe asa ubban sabetidosona. Goday atteyisata gallas gallas enta bolla gujees.

3 Nuura hintew issifetethi daana mela nuuni be7idaysanne si7idaysa hintew odoos. Hintew nuura issifetethi de7iya gisho, Aawaranne iya Na7aa Yesuus Kiristoosara issifetethi de7ees.

16 Kiristoosi ba shempuwa nu gisho aathidi immidaysan siiqoy aybeko nuuni erida. Nuka nu ishata gisho nu shempuwa aathidi immanaw bessees.

11 Hessa gisho, hinte kase ootheysada, issoy issuwa minthethitenne dichite.

12 Hessika, taani hinte ammanuwan, qassi hinte ta ammanuwan minettana melasa.

25 Issoti issoti meeze oothidi shiiqeysa aggidaysada nuuni issife shiiqeysa aggoko. Shin Godaa gallasay matatidaysa hinte be7iya gisho hessa kaseysafe aathidi oothite.

17 Birati birata posheysada,

asi issoy issuwafe tamaarees.

2 Issoy issuwa deexo toohuwa tookite. Yaatiko Kiristoosa higgiya poleeta.

10 Nu inje wode demmiko, asa ubbaas, aathidika ammaniya asaas lo77oba oothoos.

9 Banta oosuwan lo77o ayfe demmiya gisho issino gideysafe nam7a gideysi lo77o. 10 Nam7aafe issoy kundiko issoy denthees; shin barka de7iya uray kundiko iya denthey bayna gisho iya ayye! 11 Nam7ay issife zin7iko ho77ees; shin barka zin7iya uraa waanidi ho77anaw danda7ii? 12 Issi asi barka teqanaw danda7onna metuwa nam7u asati teqanaw danda7oosona. Heedzu ayfen dooqetida wodoroy elle duuxenna.