A comunhão
A comunhão cristã é dom e mandamento. Juntos somos mais fortes. A Bíblia celebra a unidade dos crentes em Cristo como antecipação do céu na terra.
ना आंदुर दा अदिक नी नान दा कि आंदुर सिद्ध आगकु ऊंद आगेगुल, अदिक दुनिया जानसुल कि नी अच नानी कळ्या, अदिक ह्यांग नी नान से प्यार ईट्द हांग अच आंदुर से प्यार ईट्द.
ना नीमी ऊंद व्हाशोद आग्या कोळतीन कि आबुर दाबुर से प्यार ईटी; ह्यांग ना नीम से प्यार ईटीन, हांग अच नीव भी आबुर दाबुर से प्यार ईटी. अगर नीव आपस दा प्यार ईट्टीर, रा ईदुर देल सप्पा मुंदुर जानस्यार कि नीव नांद चेलागोळ हुईर."
अदिक सप्पा विश्वास माळावाळेर ऊंदा ऊज्या जमा ईरतोगोर, अदिक आंदुर सप्पा वस्तुगोळ गुट दा ईरव. आंदुर तान-तान सम्पत्ति अदिक सामान मार मारकु यार्द ह्यांग जरवत ईरतोगोद वाट्सतोगोर. आंदुर हर दिशी ऊंद मन आगकु मंदिर दा ऊंदा ऊज्या जमा आगतोगोर, अदिक मानोन मान्नी खुशी अदिक पवित्र मन देल ऊमतोगोर, अदिक परमेश्वर उन स्तुति माळतोगोर, अदिक सप्पा लॉकुर आंदुर से खुश ईरोर: अदिक यारी उद्धार सिकतोगोद, आंदरी प्रभु हर दिशी आंदुर दा जमा माळ बुळतोगोन.
जो येनारा नाव नोळेव अदिक केळेव अदुर्द समाचार नीमी भी कोळतेव, इदुरसाटी कि नीव भी नाम सांगुळ सहभागी आगी; अदिक नाम्द ईद सहभागीता आप्प उन सांगुळ अदिक आऊन पार यीशु मसीह अन सांगुळ आद.
नाव प्यार ईदुर देल अच जान्सदेव कि आव नाम साटी तान जीव कोट बुट्टुन; अदिक नामी भी खुद मसीह वार्ट अदिक आकतींगेर साटी जीव कोळ पायजे.
ईद कारण आबुर दाबुरी दिलासा कोळी अदिक आबुर दाबुर इन मदत इन कारण बन्सी, ह्यांग कि नीव माळतीर भी.
मतलब ईद कि याग ना नीम बीच दा आगाईन, रा नामी आ विश्वास इन द्वारा जो नान दा अदिक नीम दा आद, आबुर दाबुर से प्रोत्साहन सिकुल.
अदिक ऊंद सांगुळ सभागोळ दा बरोद तान ई आदतगोळी बिळबाळी, ह्यांग कि थ्वाळासा लॉकुरी अल ईला बरोद आदत बिदोग्याद, लेकीन आबुर दाबुरी मात्त यक्कुल प्रोत्साहित माळतेला ईरी; ह्यांग कि नीव नोळेतीर प्रभु उन दिन हात्ती बरेत्याद.
नीव आबुर दाबुर बोझ नेगी, अदिक ईत्ता प्रकार मसीह अन व्यवस्था अक पुरा माळी.
इदुरसाटी येल ताका समय सिक्कीत नाव सप्पा घराना अन सांगुळ वळ्लीद माळेव, विशेष माळकु विश्वासी वार्टुर सांगुळ.
ऊंद से येढ्ढ वळ्लेर आगतार, यतिकी आंदरी आंदुर्द मेहनत इन वळ्लीद फल सिकतद. अगर आंदुर दा टु ऊंद बिळतान रा दुसरा आऊक नेगु सकतान. दुख आऊक जो आबना आन! अगर आव बिदोदान रा आऊक यार नेगदार? अगर येढ्ढु मुंदुर सांगुळ मिंग्यार रा आंदुर गरम ईत्तार. लेकीन आबना मंळसा तान तान इक ह्यांग गरम माळ सकतान? प्रहार माळावाळा आबना मंळसा मा प्रबल आग सकतान, लेकीन येढ्ढ मंळसा आऊन सामना माळ सकतार. जो जाळी मुर धागागोळ देल गुंळ्सकु ईरतद, अद जल्दी हराल्द.