A comunhão
A comunhão cristã é dom e mandamento. Juntos somos mais fortes. A Bíblia celebra a unidade dos crentes em Cristo como antecipação do céu na terra.
Ame nikare mu mwo, nowe o wikare mu mwange, ci nga a cikwate pofoci ko kuyara, ci kaye ka ku dimuke ci yowe no ni tumu no ku dimuka ci o mukwa ku wa shima eci dyodi wa ni shima.
Naa mi pa thsiraerera thsothsipe. Mu cishime, eci ame edi ni na mi shimi, namwe mu cishime kengeyo. Yoihe mu cishima, anu wahe mbeci a dimuke ci mwerongwa yange."
Akwakutawa wahe shime ekarire thsipani thsofoci karo a cierangire yoihe eyi ekarangire nayo. Shime urithsangire rufumo neyi ekarangire nayo yoihe no ku era ao madi kwanu wahe awa pirire. Diyuwa no diyuwa a ciwanangire pofoci mu Tembere. A dyerangire murarero wa Fumu mu manthzio o, karo a dyerangire pofoci edya yo ko thsinyanyu no micima thzothziwa. A shangarangire Nyambi, karo a wa nyanyukerire anu wahe. Fumu wa vungithsire ku taro thzowa a yoyithsiwangire diyuwa no diyuwa.
Twaa mi rawera namwe eyi na tu mono no ku yuva, ci namwe nga mwikare no thsiciwano netu. Karo thsiciwano thsetu po na Nyambi Tata na Mwane Yesu Krisitu.
Kenge dyo tu na dimukanga thsishimo thso shemwa: Yesu Krisitu wa pire mwoyo wenthzi mukaci ketu. Mweyo, natwe twaa roera ku pa myoyo thzetu mukaci kaenthzetu anu.
Mweyo, mu citanarithse micima oandu no ku cikwatithsa oandu eci edi mu na kwamanga.
Naa fota ci amwe name twa ku na citanarithse oandu ko thsitawo thsetu.
Twa thsia ku thzanga ku maciwaneno etu, eci edi a kwama amweya. Uno honi tu cikaraethzenu oandu eci edi mu na dimuka ci diyuwa dya Fumu dyaa kokera po pepi.
Mu cishimbithse oandu mipango, ko ku tenda kengeyo mwaa yarithserera murao wa Krisitu.
Mweyo, uno tu di no thsikati, tu tende yoiwa kwa munu yomuhe, thsikurupo akwa mwanda ofoci netu mu thsitawo.