A comunhão

23 Ma kölö zë aba, ehe yï kölö ma aba, here zi zë tayinnï biya kölö. Here vïdï 'ba damöku nenye akayɔlɔnnï henye, yï ra utu ma. Zë akayɔlɔnnï henye, ɔwɔ vo lö’bö 'bame kpa kaa ɔwɔ ma.

34 Mora mëdï kö’du kï’dï kyïyï kï’dï zi ye: ɔwe oka ma kölö maako, kpa te kaa mati mɔwɔ e. 35 Ëzë ɔwe oka maakowe mï gërï nenye, vïdï biya akayɔlɔnnï e vo lö’bö 'bama ra."

44 Vo kome nduwë rë nnï tɔtɔ ga bi kölö ehe zë ayanyannï mï wa mati zë ëdïnnï mo aba. 45 Zë ogonnï wasisi 'bënnï yaga, ehe ï’dïnnï kɔhi mo zi vïdï ma omba. 46 Ko’do ta ga ko’do, zë atɔtɔ rë nnï mï yëkëlu. Zë onyonnï wa bi kölö mï liŋɔ kutu kutu ehe ayanyannï mï wakonyo 'bënnï na rakyenyi kazi dakumbë, 47 ëzë ëdïnnï Wïrï yeto. Vïdï biya omba zë. Ta ga ko’do 'duwï Yere ayövu zë mati ayɔmɔ ku.

3 Wa mati dongɔ kowo mo aba, dayöyö ze kpa zi ye, here zi ye re 'e drɔkɔ ze aba mï mötu 'ba ga bi kölö mati dëdï mo aba, Wïrï ehe Wisi ɔmo Yësu Korisitɔ.

16 Nenye dayɔlɔ hala lɔvɔ ëdï, Korisitɔ ï’dï dïdï nï kö’du ze. Ze kpa zi dïdï ze kï’dï kö’du öndu ze 'e ëmï ze ëtï.