23 ကျွန်တော်ဟှာ သူးနို့ထဲမာရှိဘီး ကိုယ်တော်ဟှာ ကျွန်တော်ထဲမာ ရှိပါဟှယ်။ သူးနို့ဟှို တလောင်းတဝဒဲ ပ္လဲ့ဇောင်စေဟှို့တွပ် ကိုယ်တော်ဟှာ ကျွန်တော့်ဟှို စေလွှတ်တော်မူကြောန်းန ကျွန်တော့်ဟှို ရှစ်မျိုးဘဲ့ သူးနို့ဟှိုလည်း ရှစ်တော်မူကြောန်းဟှို လောကသားလေဟှာ သိရှိစေဟှို့ဖြစ်ဟှယ်။

34 ✝ခု နန်းနို့ဟှို ငါပေးဟှူ ပညတ်တော်သစ်ဟှ ရှင်းရှင်းရှစ်ဂေ့။ နန်းနို့ဟှို ငါရှစ်မျိုးဘဲ့ ရှင်းရှင်းရှစ်ရမယ်။ 35 နန်းနို့ရှင်းရှင်း ရှစ်ဂေ့မယ် ဆိုဟှာ နန်းနို့ဟှာ ငါ့တဗဲ့တော် ဖြစ်ဂေ့ဟှယ် ဆိုဇာဟှို လူတိုင်း သိဂေ့လေ့မယ်" ဆိုဘီး မိန့်တော်မူလေဟှယ်။

44 ✝ယောင်ကြည်သူလေဟှာ တစုဒဲနေဂေ့ဘီးဟှာ သူးနို့ရဲ့ အောက်စာလေဟှို ယော့-က်နယော့-က် ဝီမျှဂေ့ဟှယ်။ 45 သူးနို့ရဲ့ အောက်စာလေန ပိုင်ဆိုင်ဇာလေဟှို ရောန်းဂေ့ဘီးဟှာ လိုအပ်ဟှူ လူလေဟှို ပေးဂေ့ဟှယ်။ 46 သူးနို့ဟှာ နေ့တိုင်း ဗိမာန်တော်မာ စုနေဂေ့ဟှယ်။ သူးနို့ရဲ့ အီလေမာလည်း မုဟှိုဖဲ့ဂေ့ဘီး စေဒနာစိန ဝန်းသာအားရ စားဇာလေဟှို ဝီမျှဘီး စားဂေ့ဟှယ်။ 47 သူးနို့ဟှာ ဘုရားသခင်ဟှို ချီးမွမ်းဘီး လူလေရှေ့မာလည်း မျစ်နှာသာ ရဂေ့ဟှယ်။ သခင်ဘုရားဟှလည်း ကယ်တန်ရှင်း ခံရဟှူလူလေဟှို နေ့တိုင်း တိုးပွားစေဟှယ်။

3 နို့လေဟှာ ဖနရော၊ သားတော် ယေရှုခရစ်နရော၊ မိတ်သဟာယဖွဲ့ရဂေ့ဟှူကြောန့် နန်းနို့ဟှလည်း နို့လေနတူးဒူ အယ်မိတ်သဟာယမာ ပါဝမ်ခွမ့် ရဂေ့ဟှို့တွပ် နို့လေ ဗြင်ရကြားရဟှူ ဇာလေဟှို နန်းနို့ဟှို ဖော်ပြဟှယ်။

16 ခရစ်တော်ဟှာ နို့လေတွပ် သတ်စွန့်ဟှူ မြစ်တာကြောန်းဟှို နို့လေဟှာ သိဂေ့ဟှယ်။ နို့လေဟှလည်း ကိုယ့်ရဲ့ ညီကို မောန်နှမလေတွပ် သတ်ဟှို စွန့်ရဂေ့ဟှယ်။

11 အယ်မျိုးဖြစ်ကြောန့် နန်းနို့လေဟှာ ခုပြုနေဟှူမျိုး ယော့-က်နယော့-က် တိုက်တွန်းဘီး အားပေးတည်ဆော့-က်ဂေ့ပါ။

12 တနည်းအားဖြင့် အယ်မျိုးတွိဆောင်ဟှူ ခီမာ နန်းနို့လေန ငါဟှာ သီးသီးမာရှိဟှူ ယောင်ကြည်ရှင်းလေဟှို ပ္လန်လှန် သတ်သေခံဝီမျှဘီး ခွန်းအားယူနိုင်ဟှို့တွပ် ဖြစ်ပါဟှယ်။

25 လူတချို့ ထောင်းဇံရှိဟှူတိုင်း ရှင်းရှင်းစည်းဝေးရှင်းဟှို ရှောန်လွှဲဘဲနေဟှို့တွပ် ရှင်းရှင်း အားပေးဘီး တိုက်တွန်း နှိုးဆော်ဂေ့ဇို့။ ခီကာလ နီးလာဇာဟှို ထော့-က်ဘီး ပိုဘီး ကြိုးစားဂေ့ဇို့။

2 ရှင်းရှင်းရဲ့ ဝန်ထောက်လေဟှို ကူညီပေးဂေ့ပါ။ အယ်မျိုးလောက်ရှင်းဟှာ နန်းနို့ဟှာ ခရစ်တော်ရဲ့ ပညတ်တော်ဟှို ပ္လဲ့ဇောင်စေလေ့မယ်။*

10 အယ်ဘီဟှာ နို့လေဟှာ ခွမ့်ရေးရတိုင်း လူတိုင်းရဲ့ကောန်းကျိုးဟှို လောက်ဆောန်ဘီး ထူးအားဖြင့် ယောင်ကြည်သူဖြစ်ဟှူ မိသားစုဝမ်လေရဲ့ ကောန်းကျိုးဟှို လောက်ဆောန်ရမယ်။